靖天上學了@ 蒙特梭利親子班 第6課
呢一課, 靖天獨立情況又多了一點點了~~~~
是日靖天帶病上課……
出發前足足豫疑了一個小時…. 返? 還是不返?!
結果還是返了…… 大不了早退…..
上到巴士就知後悔了…. 上到公路靖天已經狂咳…… 差不多咳足全程…. 完全唔明白點解一訓著就會係咁咳….. 直至嘔….. 為止~~~~
一直訓到落車都沒有醒…. 也沒打算要她醒來上課…..
上左咁多堂, 都知道其實呢個係”家長班”多於”bb班”…… 由她多睡一會, 抱著心肝, 也可以聽課麻!
點知入到課室, 心肝已經醒了….. 
以為佢會大吵大鬧, 結果…. 又給她捱過一課… 不得不佩服心肝的懶玩程度…. 
看過僅15個月的寶寶有嚴重黑眼圈沒有?!
上上下堂, 靖天攞住本圖書走埋黎, 似係想我講故事…. 
講左兩句, 就有個哥哥走埋黎一齊聽…. 可憐靖天俾呢位小哥哥推到一邊…
當靖天想走埋我身邊時, 小哥哥就隻手推開靖天, 雖沒有跌下, 但也迫到靖天後移幾步….
如是者幾次, 靖天想親近我都沒有成功…. 最後見到佢兩眼開始紅紅, 泛起淚光…
相信心肝是滿腹疑惑…. 點解有個哥哥無端端走出黎同我爭媽咪?! 點解媽咪唔抱起我?!
靖天, 媽咪想你感受一下俾欺侮的感覺麻… (太無人性吧?! 
) 世界不止是你, 也許有一天, 你唔覺意多左個妹妹 / 弟弟, 呢個媽咪就得與弟弟妹妹分享…. 您明白嗎?!
最後快快講完故事, 將書俾左小哥哥, 就即刻抱起靖天攬實佢, 親親佢…..
靖天, 其實我好愛您…. 我需要您, 應該遠高於您需要我…. 您知道嗎?
讓您感受過, 媽咪始終最疼您!!!!! 
========================================
今課主要環繞小兒的身體問題, 及如何在中E角度看BB……
聽畢一課, 得出結論係: 只要小朋友有什麼小問題, 似乎都同個肝有關…..
夜晚食2餐夜奶 — 肝有事!
鼻現青筋 — 肝有事!
食慾不振 — 肝有事!
自己無加入話題……. 唔想又俾人話靖天身子唔好….. 雖然靖天底子確係唔多好!!
中間有個小笑話….
老師話, 1歲後bb已經可以慢慢戒奶樽…. 跟住有媽咪問我會唔會幫囡囡戒, 我就忽然好大反應話: 咪玩啦!!!! 嚇得老師有點兒不知所措….
靖天都病到半死, 奶又唔多食, 固體又唔多食, 要搞, 都唔係搞佢個奶樽啦…
雖則老師話戒到奶咀, 應該有能力戒埋奶樽…..
不過…. 還是遲一點吧….
只怕戒奶樽同時, 連奶都戒埋, 就死火…..
依家心肝好明顯係靠每日既小小奶續命…… 奶都唔食, 唔通真係要打住點滴過活麼?! 
半輕鬆的完成此課… 還餘2課…… 希望下課靖天能健健康康精精靈靈的上學去吧!
(223)
What’s happened on little Veronica’s forehead?
鼻現青筋 — 肝有事!
anson好似有bor….唔係掛?
?? 吓….鼻現青筋 & 食慾不振 ＜－－ 中了！！點算。。。鼻現青筋 出世時已經有。。。
我個仔都有黑眼圈，但我覺得佢都唔算係唔夠瞓啦，夜晚９：３０上床，１０：００入睡，朝早８：００起身，每日午睡３小時。。。都唔明。。。
佢唔肯食固體食物會唔會因為佢喉嚨唔舒服？？我個仔早排喉嚨發炎又係唔係好肯食，之後好返就無事。。。
希望靖天快ｄ好番！
Dear Bee
係老師講架咋…. 真係信不信……….. 由你~~~~
嘩, 你個bb咁鬼早訓, 可否教下我?
夜晚食2餐夜奶 — 肝有事!
鼻現青筋 — 肝有事!
食慾不振 — 肝有事!
嘩… 聰兒都中左兩樣喎 @@ 咁大件事??
中醫既野….無病都講到有病, 我信佢至奇
快o的照照佢…… kakakakaka!
我信中e架, 不過睇下係出自誰的口
P……….K law
@.@
真係信不信由你~~!!!