Circle Time 開始, 靖天第一個坐到Ms Chan前等小蜜蜂….
是7堂入面既第1次!!!!

如常的上課… 其實靖天對教室已經相當熟習, 只係佢根本就無一樣教具係佢最愛….

結果? 還是東玩玩, 西玩玩…..

是專注力仍然欠佳? 不知道…… 也沒有問老師, 但我知道靖天其實是享受的… 我也喜愛呢度既每一件教具同環境…..

其實呢個playgroup也不是特意教曉小朋友玩什麼教具…. 似是家長學習班, 多於小孩學習班…. 所以也懶理靖天上畢8課後, 學懂多少件教具…

大病初癒的靖天, 果然精靈好多…  連Miss Chan也留意到… 呢一課靖天可以獨自工作一個小時有多….. 其間唔需要扭媽咪, 亦都無要求媽咪參與佢既工作… 只係偶爾走埋黎, 對我笑笑, 又或是交低佢既工具俾我, 又走左去….. 心肝, 您… 真的可以獨立一點點了, 是嗎?!

呢份教具我都唔知點”玩”….

不過亦都因為呢份教具, 令我嚇然發現…  心肝唔知幾時開始識得”執手尾”…. 一如以往, 初時都好地地, 跟住就狂風掃落葉咁掉曬o的野落地….

諗住又要幫佢執手尾呢…. 不過都循例同佢講: 您跌曬o的玩具呀….

平時心肝都會逃之夭夭… 扮聽唔到…. 點知呢一日佢竟然主動一件件咁將o的”玩具”執返落個兜兜到….. 雖然個態度有少少晦氣 (求其, 那西咁囉)  一件都無留地執好曬, 就打打條條咁走開…. 好似想話俾我知: 我都識執野架, 我唔執咋麻…. ()

後記: 第2日, 靖天起身後, 走左去衣櫃鏡前照鏡, 其間將我o的衫推左出黎… 我又循例叫佢”唔該幫我執返佢啦” (晨早七點幾俾靖天嘈晨, 梗係佢執先~~~ ) 點知佢望望我, 又竟然一件一件的執返入衣櫃….  靖天…. 您有無病呀?!

靖天又o係度扮飲水了….. 不過今次飲到好似人地”隊酒”咁…..

俾心肝發現佢既”最愛”…. 真係大個喇, 識得”喳下放下”…

除左無故自動自覺執玩具, 第2個驚喜就係佢o係櫃旁攞左張絨墊出黎 (其實原意係俾小朋友鋪o係地下, 跟住放o的教具上去玩的), 將原本捲起既絨墊, 慢慢攤開佢, 跟住趴左上上面休息….

心肝, 是誰教您這樣做的?! 訓地下咪訓地下囉… 幾時學曉咁”呵果”, 要鋪張墊先訓o係度?!

連老師們都話靖天好”梳乾”, 好識”享受”……

當然, 休息左一陣, 佢又走左去…… 無理到張絨墊…….

靖天懶洋洋的樣子……

因為靖天見到係BB樣既物體就攬住黎”曖”, 無論係相片, 木偶, … 乜都”呵”一餐…. 結果Ms Queenie同Ms Chan商量過後, 從第2個班房拿來一個布娃娃俾靖天發揮一下”母愛精神”…. 心肝一見個木偶就又呵又攬, 仲訓曬地…. 引得老師們鬼咁開心…

心肝, 您真係.. 巴之閉喇…. 可以玩o的唔屬於呢個教室既教具…..

可惜… 唔夠五分鐘, 佢又俾第2o的野吸左去…..

靖天: 『BB乖…. 我曖你訓好無?』

Circle Time時間到了… 過去六堂, 心肝都係”啋你都傻”….. 老師有老師唱, 佢有佢遊蕩, 極其量都係遠觀… 從來未試過近望….  

上到第7堂…. 又嚇了我一跳…

唔知幾時開始心肝愛上了呢隻小蜜蜂…. 老師一唱完Clean-Up Song, 心肝就一枝箭咁走埋老師到… 仲好心急想”玩”隻蜜蜂仔……  咁多堂都唔蘇老師, 難怪今堂Ms Chan咁開心呢… 因為靖天做左佢第一個觀眾麻~~~

第7堂既Circle Time… 靖天唔再皺眉, 唔再扭計… 選擇笑住咁享受!

靖天應該似左媽咪… 對地理, 世界地圖都不感興趣  所以一唱”地圖歌”, 靖天就走左去… 到之後唱ABC…. 佢又唔理我走返去老師到…..

呢首歌認真Amazing…. 由第1堂得1-2個小朋友坐定定, 到第7堂, 有成6-7個小朋友圍住老師….. 場面其實係好Touching….. 小朋友們, 你們都長大了… …

看, 靖天好投入去…… 不過都未能完成一首歌…

其實一開始就打算跟靖天上2個Cycle… 亦都跟同事留左位… 不過自從發生左o的不愉快事件, 唔知該同事知唔知既情況下, 亦都無再叫我俾deposit… 已經見識過兩位大師同埋機構既教授方法, 更加深明, 其實靖天不是什麼問題兒童  (除左”身子差一點” )…

所以緃使明知心肝係好享受呢個課堂 (到呢一刻, 媽咪仍然相信, 呢個playgroup係靖天最享受最能啟發到佢既playgroup!) , 還是算吧…. 既然課堂媽咪唔會再主動發問, 聽其他家長的問題也能自行解決到 (即係估到老師既解說), 也用不著俾2千個大洋上8堂為左俾靖天享受… 心肝, 抱歉爸B媽咪未能給你如此的六星級享受….

========= 今日課堂的小討論 =========

問: 已經16個月快17個月了, 仲未識得執玩具, 仲要仲要倒到一地都係… 應該點教?

答: 其實18個月以下既小朋友我地唔會強迫佢要執玩具, 始終佢地既理解能力未係最好, 強迫佢只會令佢更抗拒… 可以選擇請佢一齊參與, 等佢慢慢明白同學習. 家長亦都唔應該一次俾好好多好多玩具佢玩, 因為咁樣只會令佢無左秩序感, 可以試下每次只係俾3-5樣佢, 等佢玩完玩夠, 再換另外幾款… 亦都可以準備o的地墊 / 絨墊俾佢, 教佢o係墊上玩, 唔好隨地掉/隨地玩, 慢慢同佢建立個秩序

後話: 其實上第1-2堂時, 我都曾經問過類似問題, daisy都係話咁細個, 唔會咁快識同你執曬o的玩具… 佢肯參與, 已經好好, 唯有係佢搞亂左就邊講邊執, 一定要俾佢見到同埋知道, 唔係佢以為搞亂左o的玩具識得自己歸位, 佢就唔會執玩具了

感想: 曾幾何時真係好刻意要求靖天執玩具…. 一輪爭扎後, 就發現自己同埋爸B都係好唔”整齊”既人…. o的野成日亂咁放… 咁… 其實又真係無乜資格要求個女要企理… 結果, 我們就變得隨心隨意….. 唔會每次都要求佢執, 但都會同佢講, 佢唔執, 就算….  拖了又拖, 15個月大的靖天, 終於在大家都沒有壓力下, 學懂什麼叫”執玩具”… 雖然執完還是要靠我們放整齊, 但至少, 佢已經理解… 自己的事, 要自己做….

問: 我地有同囡囡一齊沖涼既習慣, 唔知係咪太好奇, 佢每次見到爸B既… 同埋我既…. 都會摸, 性教育, 應該如何教?

答: 席間用左好多時間去討論解說, 結果返到屋企, 已經唔記得大半…..

大致上就係既不要強烈SAY NO, 也不應由佢繼續…. 更加唔好講話”污髒”等字眼… 要將成件事變得正面… 意即: 人人都有, 爸爸有, 媽媽有, 但呢個係好私人既地方, 只有自己先可以掂, 唔可以立亂去摸人或者俾人摸, 仲好小心唔可以大力去傷害佢 (因為席間有位家長話囝囝成日都大力去扯…..)

感想: 好長遠既問題, 所以無心機聽…  加上靖天爸B同媽咪係極度開放 (用豪放可能更好?! ) 之人, 相信對靖天的性教育, 應該不會是很大問題….

問: 點戒片好? 係咪應該買個POTTY俾佢?還是可以上大人坐廁?

答: (其實上討論過少少, 原則上, 我地係唔需要急於幫小朋友戒片, 因為佢地成長還沒有ready) 其實用POTTY係最好, 仲要係帶佢去揀一個佢鍾意既potty, 咁樣佢先會投入同埋享受個”過程”….. 除非小朋友有足夠能力可以用櫈仔/腳踏爬上大人坐廁, 否則用potty更為適合. 唔好刻意去”兜”佢痾, 應該多問佢”你去唔去小小/大大”呀? (但係佢答唔去喎, 但跟住佢就痾了….) 唔去就由佢…. 就算佢賴左, 都由佢, 要從佢意願出發, 咁先可以令佢明白自行上廁所的道理…  除左用學習片, 其實可以嘗試用學習褲輔助 (即係本身係一條褲仔但佢入面加厚左, 就算VV左都唔會整濕身….) ‘

感想: 我都想幫靖天戒… 但老師你講就輕鬆…. 戒片太多阻滯, 例如小朋友係咪ready (正如你所講的) 如果係在職媽媽, 更加難上難, 因為照顧者幫唔幫忙, 又係一個大關鍵…. 天氣開始熱, 靖天的病也好得九九十十, 似乎係時候要同婆婆施加壓力, 叫佢幫幫手了….

已經上左七堂, 該問既都問過, 結果…. 臨完課前既十幾分鐘, 大家都出現Dead Air情況…. 還看最後一堂Ms Daisy回歸會有什麼境象吧~~~~~

(221)

Comments

comments