小心: 有比卡超出沒!

又到靖天上學既日子……

最後一次渣車車同靖天返學……  今次推埋車仔….. 舒服好多~~~~不過o係午飯過後既鬧市推住架BB車, 實在有點兒異相……

心肝o係門口隨左鞋就定左o係度…… 想入又唔敢入去….. 跟住有位”姐姐”拖左佢入去, 然後就0.001秒坐左上架車仔度……

心肝最鍾意既狗公仔… 可惜, 不敵枱上既電筒…. 同計數機…

靖天: 『我大個女唔玩呢o的咁矮既滑梯了…. 俾條長o的黎啦!!!』

屋企有, 又唔玩….. 上堂就攞黎玩, 仲要塞入口…..

今課有好幾位小朋友缺席, 全班變成8個 (好似) 小朋友一班, 即刻覺得鬆動左好多…. 又舒服左好多……

心肝玩煮飯仔既熟練程度已經去到識得”開火”, 仲要”扮睇火”…….  
平時睇婆婆煮飯睇得多呢……….

靖天最愛 —— 煮飯仔!!!

以為佢抱起BB餵佢食野啦… 點知原來又唔係….
平時心肝扮食野就有文有路, 到真係俾碗飯佢, 就……….

心肝呢一課同小朋友又多左交流…… 會分享之餘, 好似仲學識左”唔搶”玩具…..  見到小朋友玩, 佢想要, 先係舉手, 一係就眼定定咁望住件玩具, 望到人地唔好意思放手佢就即刻攞走佢……

唔搶還唔搶, 當同學仔見到佢玩得咁開心想一齊玩時, 心肝又會借意推開同學仔…..  還好, 仲未去到”打”…. 只係輕輕推開…. 都算係咁了…..

靖天: 我玩先架… 你唔好搞…….!

第一圈既Circle Time 靖天比較集中, 不過奇怪平時一聽row the boat就會一齊”撐船仔”, 但課堂上佢就呆左咁….. 傻傻的~~~~

鍾意Emma其中一個原因, 係佢唱Row the Boat都唱得特別生鬼….
可惜, 心肝呆左咁既?!

今堂最開心, 莫過於看見心肝真係能夠參與Tidy-Up……

是日最大驚喜, 莫過於心肝同小朋友一齊收拾玩具….
雖然仍然係天一半地一半, 叫做”好過無”……

第二圈既Circle Time 都係好心散, 完全集中唔到之餘, 仲開始扭計…. 應該係時間太長, 開始有點兒累吧?!  

音樂時間…

波波池對靖天黎講已經唔陌生, 不過有Ms Emma陪佢地玩, 當然更加開心!!!

心肝對”磁石”尚算有興趣… 同一個晚上婆婆都有同我反映叫我買磁石俾心肝玩….
靖天…. 您攞零用錢俾我, 我幫你買好麼?!

靖天竟然對”動物園”有興趣…. 仲識攞起隻動物”扮行”…..

自制森林…. 好想帶佢返屋企….

扭水樽蓋仍然半桶水…. 扭鬆左呢, 又會俾佢誤打誤撞咁扭到…….

心肝食野既表現完全係… 唔合格!!! 好似呢一課咁, 全部小朋友已經食飽飽走左去玩…
心肝仲係慢條斯里….

靖天既攀爬能力, 果然犀利…. 咁都爬到入去?!

靖天: 唔好以為加左個欄就可以唔俾我玩…… 難我唔到架喎!

對砌圖開始有點點兒興趣…..至少肯走埋去, 掂下個玩具……

從相片看, 心肝玩砌圖果真有紋有路…….

下星期開始, 我們又調班了……  剛同同學仔熟絡點點, 又要靖天適應過, 實在抱歉….

(111)

Comments

comments