靖天: 『終於返學了!』

大放天晴既日子, 要跟靖天返學….. 仲要係長周末的中間… 實在有點不是味兒….

去到課室, 敏堯媽咪已經隔住個課室同我講只可以一個家長入內….  好明顯係因為隻死人豬流感啦….死墨西哥人…. 難墨西哥人…. 有病唔好入境啦…  搞到無能既政府賴緊張, 最後仲苦了我們一班星斗小市民…..

其實中心都係為我們著想….. (但係我地好想爸爸媽媽一齊陪住BB啊……)

只想講一聲: 謝謝張姨姨… 謝謝葉姨姨…….

練習一 – 手部訓練 (入錢箱)

一見到第一個練習係入錢”un”, 即係鬆一口氣….. 心肝終於可以做一o的佢既強項…  入錢un, 已經在家玩過好幾篇… 當然是沒有問題吧…..

不過課後張姨姨話當小朋友打橫, 打直, 打斜都可以入到後, 可以嘗試將個錢箱”凌空“俾佢地練習, 好似痴左o係道牆上咁… 因為咁樣又需要另一個手部技巧…..

到老師話同第2個小朋友交換錢箱玩時 (老師準備了兩套不同樣子的錢箱啊), 靖天真係走去跟小朋友交換玩….. “搶”玩具的情況越來越了, 靖天, 您長大了……

當靖天入唔到個”銀仔”時, 佢竟然會攞起個錢箱, 將個位對o岩先放個”銀仔”入去….

及後問張姨姨, 咁算唔算叫做到?!

老師解釋, 我地要欣賞佢腦袋既靈活, 佢識得變通麻… 但因為練習係想訓練佢地手指仔同埋手腕既發展, 建議我地欣賞還欣賞, 還是要硬心腸一點, 強制佢地做好練習較好…..

練習二 – 膝部屈曲訓練 (穿呼拉圈)

以為好簡單, 點知原來係棟直個呼拉圈, 跟住要小朋友雙手握住, 再誇過個圈….

成個動作, 主要係想訓練膝蓋屈曲, 等佢地大個可以做好”跳”既動作, 如果膝蓋唔屈曲, 又點會跳得高?!   然後張姨姨話小朋友初初做, 好多時一屈, 就會成個坐左o係度 / 跪左o係度… 因為佢地仲未可以好自如咁用到膝蓋個力……

輪到靖天做了…. 點知.. 心肝完全唔合作….  拗腰扭計唔肯做….. 試左幾次都唔成功, 都打算同佢放棄…… 或者有機會回家再練習吧…

不過經張姨姨帶領下, 心肝都做到了… 動作仲完全正確….  

係因為成日行樓梯所以做到了?! 靖天, 加油啊, 希望可以多練習, 自己落到樓梯吧~!!!

練習三 – 社交訓練 (彩虹傘)

印象中之前玩過一次… 初時只係有個波o係上面拋拋下, 跟住整高個傘同小朋友在傘下揮手…

然後呢, 又叫小朋友走入傘內玩…..

用意係咩呢…. 唔記得….  只知道靖天都呆呆地… 無喊無驚, 但好明顯唔知發生咩事…

不過發覺小朋友好似驚驚地, 有o的仲喊起上黎… 課後問張姨姨點解… 老師話可能小朋友俾環境嚇怕.. 尤其是見到個彩虹傘, 家長普遍都會比小朋友興奮…  會”嘩”… 會”叫”… 令小朋友忽然緊張, 繼而就會抗拒… 所以玩彩虹傘時, 盡量唔好太興奮.. 等小朋友自然投入, 會更好!

***** 課堂趣事 *****

今堂最經典係, 令我地深深感受到“老師”的威力……..

事緣做第2個練習 (跨呼拉圈)時, 靖天一直都好抗拒.. 到小朋友都做好了, 張姨姨就話要睇靖天做一次, 仲要求靖天要做得標準一點…  (咁有要求?!) 心入面已經滴緊汗, 想同老師講: 你要失望了……

點知靖天望望老師, 佢就隻手放在呼拉圈上, 然後一步, 兩步, 屈膝跨過..

張姨姨仲讚靖天做得好….. 但媽咪已經打曬問號…. “衰妹, 頭先我叫您做又唔做?!”

之後張姨姨又話要靖天做埋第2個小圈, 我已經想大叫: 唔好啦… 佢唔肯架….

點知張姨姨又走埋個呼拉圈叫靖天做一次…..

靖天望望張姨姨, 結果, 佢又再一次做到… 今次仲要屈半膝…. 都做到?!  

靖天聽老師話都唔聽媽咪話…. 衰人黎架!!!

***** 課後感想 *****

已經係第8課….. 今堂感覺同早幾堂好唔同, 大家好似忽然friend左好多咁…… 大家都好開心, 又會撩隔離個小朋友玩, 仲要傾下偈, 吹下水….

係好難得小朋友同埋家長們可以每星期聚埋一齊, 做下練習, 分享下, 玩下遊戲…..

雖然同家長們交情不深, 但至少, 認識過, 學習過, 交流過, 已經足夠了…..

還有兩課, 靖天要好好珍惜啊!!!!

(200)

Comments

comments