靖天第一張的畢業証書!!!

這個母親節認真特別, 因為要跟靖天上佢最後一堂既幼潛班……!!!!

除左係最後一堂, 仲要進行評估….. 巧緊張喔!!!!!

小朋友玩左陣, warm-up完, 就唱”歡迎歌”, 然後就開始行畢業禮了!!!!!

眾多玩具入面, 小朋友最愛, 還是電話….

看, 靖天收拾玩具時幾粗魯?!
發現媽咪既新玩具, 當然要9秒9搶黎玩!!!!

(右下圖) 靖天: 『嚇下你先…. wao!!!』
(左下圖) 靖天: 『姨姨, 你乜水呀?』
Auntie Becky: 『抱下得唔得呀, 我係你粉絲黎架!!』

正如Ms Daisy所講, 如果件玩具”識得行”, 小朋友自己興趣大一點, 會搶黎玩…
靖天就是一個經典例子了…..

到第10堂, 靖天既主動不停遞減….
最後要張姨姨問左佢好幾遍, 佢先肯舉手話要….

靖天: 『小朋友, 小朋友, 歡迎來參加…… 』
媽咪: 『女呀, 您整到媽咪喇…… 』

靖天: 『最後一堂, 所有玩具都要玩……』

小朋友要走過一個台仔, 去到張姨姨處, 先可以攞到畢業証書啊!!!!

其實應該都係評估既一項吧?!  

初時還擔心靖天唔肯走過去, 點知都順利通過!!!!! 仲要學張姨姨咁”拍拍櫃子”…

靖天走上畢業台…… 畢業了!!!!!!

靖天當然不知發生什麼事….. 不過相信佢長大後看回相片, 應該別有一番感覺吧?!

靖天畢業了!!!!!!

還有全班大合照…. !!!!!

與Becky在网上認識, 誤打誤撞下, 竟然可以一起上堂, 實在係好有緣….  眼見敏堯第一課怕怕醜醜, 到最後一課好似”開籠雀”咁走圍飛走圍叫… 只係佢Auntie既我都覺得佢好叻好犀利!! 加上敏堯的小眼睛偶有小毛病, 但完全唔會影響佢既情緒, 呢一點靖天實在要多多學習!!!

也少不得同敏堯既合照吧!!!
今日一別, 不知何時相見了!!!!

等了又等, 終於等到最後一個….. 靖天….. 要考試了!!!! (點解次次都最尾既…. )

玩左大半個鐘, 靖天已經玩到”創”曬…….

先係入錢箱, 無難度啦… 係咁入係咁入…….

跟住就疊積木…. 好大鑊啦~~~  疊左兩舊已經想走人…….

最後就係認顏色….. (又黎?!)  時間夠, 靖天又未完成考試… 小朋友唱歌執玩具了… 結果心肝既專注力跌到去零!~~~~~

成個評估, 絕對不難, 也不複雜…. 最後葉姨姨 (張姨姨的助手) 建議我們多給靖天講故事以訓練其專注力同埋耐性……

其實也想為靖天說句公道話: 心肝其實已經半玩半等了45分鐘有多…. 期間一點兒扭計也沒有… 到評估時已經接近放學時間… 加上張姨姨在另一邊唱歌, 收拾玩具, 實在好難要求靖天專心做好每個評估….

又: 葉姨姨話靖天咬手指, 建議我地唔好俾佢咬, 幫佢戒左佢…..

靖天一向都沒有咬手指的習慣啊…. 我也嘗試解釋心肝只係口痕咬兩咬, 平時也不會這樣…. 但葉姨姨還是建議我們不要讓小朋友放手指入口…..  

嗚……. 也不知如何說清………

最後一課, 竟然有禮物收….
這個幼潛認真抵!!!!

下一期既幼潛好快就開始….. 靖天, 您準備好了麼?!

(268)

Comments

comments