靖天上學了@Baby Buddies 第4課
同學: 『望咩呀望, 未見過鬼妹呀? 』
靖天: 『你隻眼點解藍色咁怪架?』
前一晚太夜訓, 爭o的唔知醒起身….. 
靖天似乎心情挺好… 無扭計, 無扭抱, 仲肯跟爸B…..
快快準備好就出門口… 點知巴士有延誤….. 最後都遲左10分鐘先到班房….
靖天全程車都無休息…. 還好, 都捱到2小時的課堂….
發覺靖天好似早上上堂比較投入, 唔扭計既時間多o的, 唔會少少事就大吵大鬧…..
靖天一走埋去, 就趕走左個同學仔
靖天要巡場喇!
樂器周地放, 靖天又要摸下先滿足!
呢一堂, 靖天”搶玩具”情況又忽然嚴重…… 仲要搶完交俾我~!~!!! 
實在唔知道點解心肝要咁做…. 不過每當佢搶玩具時, 都有一種好強既感覺: 佢鍾意”郁”既玩具, 多過”靜止”既玩具…..亦都正正解釋符合Ms Daisy上堂時解釋點解小朋友鍾意搶玩具…..
又係心肝最愛既….”沙煲冷餐”
繼續搶玩具~~~~
Circle Time時爸B主動同靖天一起參與, 但係靖天坐兩坐, 又借意走返去我度….. 
爸B, 繼續努力吧… 至少靖天呢排無咁抗拒你了!!!! 
爸B 跟靖天一齊cIRCLE tIME啊!!!
呢一課心肝選擇獨個兒玩…. 上兩堂掂都唔掂既滑梯, 今堂又再次得寵….. 
仲要玩得好投入….. 又無小朋友同佢爭…. 靖天, 難道去公園次數還是不夠?! (當然, 呢個我做媽咪都識答了….. 
)
俾媽咪搞完, 靖天發老脾走人~~~ 
著住襪爬滑梯, 梗係失敗啦…. 仲跌低埋添~
最終媽咪出手, 教佢行返條”正路”….
點知玩左2個round, 又亂咁擒…….
最後連襪都甩埋… 就索性大擒特擒….
今堂發生好多奇怪事情…. 搶玩具, 玩自閉, sir滑梯…. 仲有就係玩沙…
第一堂已經玩過, 又去過沙灘, 靖天都無抗拒…. 點知今堂o的沙加左水, 變得濕立立, 靖天就好反感… 摸左兩下就死都唔肯掂….
仲有就係o的cream….. 之前o係屯門中心係勁投入.. 玩到成身都係, 點知隔左咁耐無玩, 心肝竟然”驚”左o的cream…..
靖天既行為實在係令我好費解……………
究竟要點幫佢, 先可以令佢克服到”濕立立”, “痴住章住”既感覺?! 
靖天: 『今日o的沙濕立立, 好核突呀!!!』
又見到佢同大件哥哥爭玩具了…..
已經好耐唔爬隧道既靖天, 呢一日又….. 一反傳統…..
佢諗都唔諗就爬左入去….. 仲要好快咁由另一邊爬返出黎…… 
真係好想知佢腦袋在想什麼…. 點解今堂咁”古怪”?….. 
竟然肯自己捐隧道…..
最後兩堂既幼潛, 加埋呢一堂Baby Buddies, 令我覺得靖天真係好無定向…..
以為同佢建立好既秩序 / 禮貌, 或者已經學習得好穩定既知識, 佢會忽然間來個大退步….
以為佢已經唔再做, 或者好抗拒既玩具, 佢又會忽然愛上…….
也難怪咁多育兒書都主張家長們以自由方式教導小朋友…. 因為小朋友從來都係”你估佢唔到”… 有時教左, 同無教, 真係無咩分別…….
(159)
Rainbow,
我都係剛帶薏文上baby buddies嘅, 不過是tin hau centre.
薏文上第二堂時又係跟別的哥哥姐姐爭玩具, 我就同佢講, 唔得架, ….當然話唔聽啦, 因為佢都唔明，跟住我就抱開佢 , 佢有反抗, 又拗腰….事後諗返, 我好唔舒服 , 唔知點做好. 是否不應該介入？這樣會妨礙佢嘅成長….you know what i mean?
但是當時有其他哥哥姐姐的父母睇住，我,可以點做。
請妳分享一下…
thx. olive
靖天望住鬼妹同學嗰個樣… hahahaa XD
係咪好頂癮呢?
Dear Olive
薏文都去左baby buddies? 感覺如何?
其實爭玩具問題我對靖天都係採取完全放任態度, 無論佢係搶人, 定俾人搶.
我覺得小朋友總會有佢地解決問題既方法, even係小小朋友, 唔需要下下要我地大人插手….
佢搶人, 我會同佢講要分享, 如果佢手上有玩具, 我會提議佢同小朋友交換, 而唔係乜都”搶”.
佢俾人搶, 更加唔洗我理, 佢自然會搵第2樣玩具玩, 如果佢喊, 我會搵野分散佢, 什至抱離現場, 等佢cool down左先再參與.
其實小朋友搶玩具, 只基於佢見到個玩具”郁緊” (movement), 小朋友鍾意見到o的會動既東西, 自然見到個玩具識郁, 就想去玩….. (by Ms Daisy Lau, 蒙特梭利)
佢地個心未識咩叫”搶”, “爭”, 所以也不用太擔心..
同埋同埋….. o係小朋友搶/被搶玩具時, 通常對方既家長已經插手左… 所以我更加唔洗理……
希望呢小分享可以幫到你….. 繼續亙相交流 :)