『咱們仨』雨中海灘暢泳
2009年海灘游的第一擊: 石澳雨中暢泳
四月中時, 已跟靖天來了一個2009下水禮,
跟住心肝就開始病, 天氣又時好時壞…..
一直都唔可以真真正正的來一次海灘游….
等了又等….. 終於等到上星期爸B周末不用上班…..
一早計劃好… 可惜約了又約, 結果還是剩下『咱們仨』….
基於爸B極愛太陽伯伯, 雖然只有『咱們仨』, 還是堅持行程不變!!! 
點知….. 星期六一早起來…. 天色就陰陰暗暗的…
天文台成個星期都掛著"星期六天晴"… 早上醒來, 竟然變左多陰, 有幾陣雨!!! 
準備好的東西, 還是不想掃大家的興…. 所以呢~~~~ 都係照樣出發!!! 
上年石澳游後, 已經深深愛上…..
結果呢…. 今年第一次到海灘, 就選了石澳泳灘!!! 
未夠9點已經到達…. 
爸B怕泊不到車麻….
結果, 還是泊不到的!!! 
好難想像那些車位已是長期俾人霸佔?!
兜了一圈, 就有位租沙灘遮的姨姨走埋黎同我地講: 『租埋遮啦, 我幫你睇埋車!!』
爸B當然想應承…. 在媽咪提點下, 還是先問問價錢好…. 
40蚊租一把遮, 沒有額外收費, 保証不會抄牌?!
即管一信吧… 要不都唔知點處置架車….
只係隨意的泊在一邊, 姨姨就承諾幫我們看車…… 結果呢.. 當然沒有俾抄牌…. 40蚊… 抵到爛!!!!!
星期六的大清早, 人實在不多…..
雖然天氣一般, 但感覺實在好舒服…..
沙很幼, 水清到似水喉水……. 希望今個夏天, 我們有望可以多來幾遍吧….. 
為免心肝扭計, 一開始就來幾張合照…
靖天訓左一程車, 當然精靈又可愛…
爸B辛苦車我地出黎, 仲要打點一切, 也真倦了…
媽咪連日來為了一點私務而忐忑不安, 一個殘樣好嚇人…..
雖然中初心肝也到馬灣泳灘玩過沙, 但今次時間長一點, 加上天氣一般, 水亦較冷, 實在有點兒擔心靖天會做一整天樹熊……
結果呢….. 給我知道, 原來女人, 真係水造的!!!!
剛抵步, 爸B就拖左靖天出去, 試試反應……
因為天氣不太好, 浪也挺大….. 又以為靖天看到浪花, 聽到浪聲, 會嚇破膽….. 結果, 佢一於少理… 繼續玩水去!!!
好快連爸B都唔洗要… 自己踏浪去
靖天: 『嘩, 發達咯, 好多水呀!!!!!!!!!』
玩左陣水, 又要上岸"取取暧"…. 當然, 少不了玩沙的時間吧~~~~
上年當心肝還是6個多月大時, 是完全不怕沙的… 今年月初在馬灣, 有點點兒怕, 但還是接受到的…. 那玩在呢…. 沙比馬灣幼得很, 心肝, 也好快接受了!!!! 
係咪"不", 係咁"不"…….
今年第2次玩沙….. 當左自己屋企咁~~~~
循例都要影返幾張賴有味道的沙灘照…
玩沙沒有問題, 那在沙上走路又如何?!
還是有點兒抗拒… 不過在我們鼓勵下, 靖天還是克服了!!!
對沙還是有點兒抗拒… 不過見到水, 又唔驚咯~
爸B仲教靖天踢水添~~~~
安頓好, 當然也要拍下幾張, 留個紀念吧!!! 
(右上圖) 開了自拍時間制, 卻因為靖天有沙入眼而忘記了…
結果效果就好似有人跟我們拍照般… 挺搞笑~!!!
靖天要淋花吧?!
經過原則上每天玩水的練習, 心肝對水既熱情有增無減; 對水既恐怕程度, 亦都大大降低…
呢一日其實心肝在水邊跌下好幾次, 飲了兩啖咸水, 眼也沾了水… 也沒有大吵大鬧, 只係偶爾縐縐眉, 只要幫她抹一抹, 又會繼續下去…..
靖天, 識您咁耐, 最叻莫過於玩水的時間了……
跟住仲自己玩水…..跌低左都無有怕!
玩到中段, 完全當左個海灘係自己……..
也知道石澳的水質十分良好, 更知道喝下幾口咸水不足以致命….
所以決定等靖天感受一下, 什麼叫做"海水"….. 靖天, 倒也不怕咸啊?! 仲試完又試? 有味既水, 始終都係好飲一點吧?!
海水, 是什麼味道的?!
其實黎海灘, 實在唔係為左想游水或者玩沙… 黎海灘, 只係想食爸B煮既雞翼咋!!!
今次爸B仲超級細心, 煮左兩隻烚蛋過靖天做小吃…
一打開食物盒, 心肝已經拿起隻雞蛋係咁食係咁食……
(右下圖) 爸B顧住食食食, 搞到我影唔到靖天了!!
食到好似人地食蘋果咁….. 犀利犀利!
靖天: 『咁樣食雞蛋, 特別好味….. 不過下次唔該幫我走蛋黃丫!』
食飽飽, 又繼續玩沙……
靖天, 又俾爸B整古了!!!!
靖天俾沙埋起左呀!!!
靖天乖乖的跟爸B出去裝水洗手……仲要拖住爸B, 怪不得爸B甜到漏.
爸B又再搞搞陣, 黎了一個"靖天飄流記……"
靖天: 『我坐住個筒返屋企得喇, 你地o係蝴蝶灣接返我啦!!! 』
爸B的大整古, 搞到心肝"翻艇"…… 飲左兩大啖咸水之餘, 仲整到成面濕曬…
結果? 咁嚇一嚇, 靖天唔肯再掂水… 又唔肯掂沙…
好辛苦引到佢肯玩返水….
點知又到佢午睡的時間 (都玩左差不多2個鐘了…… )
扭下計, 又有O的陰影….
都係訓覺算….. 
同爸B二人世界一會, 見雨越落越密, 越落越凍, 預估到心肝起身後都不宜再下水…… 所以就收捨行裝回家去了!!!!
雖然只係玩左短短4小時…..
爸B是絕對失望的, 因為沒有太陽伯伯麻….
不過靖天也倒享受這個海灘游….. 從佢既笑容已經略知一二….
媽咪見到靖天開心, 已經心滿意足.. (加上媽咪也挺討厭太陽陽, 無左佢, 自在好多~! )
未能真正下水 (其實係咪都唔會游到水既, 都唔記得帶水泡俾佢…. ) 是有點兒遺憾, 不過相信好快爸B又會安排到時間, 帶我們多走幾趟….
到時就可以游個痛快了!!
(658)
靖天媽媽,
好耐冇見啦,見到你經常update你個blog,好羨慕呀,我要返工都冇乜時間update到,好耐之前你話靖天唔係好肯食嘢,依家見佢成隻雞蛋自己攞住食,胃口好好,又肥咗,咁就好啦,
你就好啦,可以唔駛著t-shirt喺面,我就唔得啦,上次同Kuri去游水時又要著背心再加條褲,唔係都唔敢見人
Hi Kuri媽…..
真係好耐無見喇, 對上次…o係dr poon pg….?! wao~~
對啊, 小朋友真係大得好快
我有時都入你個blog睇, 但你update得咁慢既….
學校仲係好忙好多是非麼?
頂得住無呀?
哈哈, 我生完個女, 就幫自己訂立目標: 要唔洗t-shirto係面同靖天去游水,.. 今年做到了!
wow…sexy 媽咪!! 點可以生完都O甘瘦!?
原來真係要咁早去 ?! 我唸住端午節去清水灣, 老公同我講要好早起身架 bor, 我開頭都唔係好信, 而家睇完你篇卜, 我信喇……… 不過我都會照去…….. ka..ka……
真係好好玩咁呀 .. 可惜可惜 …. 錯過了 !!
這個曲髮 .. 就是你說師奶個個嗎 ??
又不是好師奶咋喎 @@@
C啦, 我個女”梗”大個女都未落過水呀 ?? 唔知佢可唔可以好似靖天咁玩得咁ENJOY呢 ??? 會唔會喊到收唔到聲呢???
BTW, 你個頭都冇嘜野呀~~ 唔係好C9啫~~ 不過我深深明白呢D頭就唔打理唔得囉……你以後出街又多樣野做之嘛 !
睇你地一家玩得甘開心…我都想計劃去下(但有d遠)…靖天件泳衣好靚…..襯埋個冬菇頭…好Q呀…..題外話：這天是你的新造型(髮型)嗎??不是你講得那麼差….幾好睇…
o個度d 姨姨同我講, 如果諗住端午節前後去, 最好就唔好渣車了~ 因為真係會超勁爆多人架~ d人真係會早一日兩日就渣定架車入去架. 因為d 位全部都唔使入標的. 個個都霸住晒呢~
同埋一到旺季, d 差人見入面多車, 就連車都唔俾你入去~ 會趕你走架~ 所以要留意下呢個問題~ ^.^
咁早都泊唔到車，向來很多人喎~!!
係咪自己帶腳架呀? 幾醒咁咪好多全家福喎!!
多謝你邀請我一齊去….確實多人去好玩D…
又可以互相幫下影相(尤其是全家福)….
你地玩得好開心喎!
點解可以咁早起身出發架? 佩服佩服!
爸B又有新車渣? 雖然好難泊車 (好彩你地遇到沙灘遮姨姨!), 不過真係方便又舒服d!
嵐嵐都係上個Sat去沙灘, 我地等到黃昏出太陽先去清水灣…佢都要成半個鐘先肯玩水同沙…不過水仲好涼, 只係玩左一陣…. 相比起來, 靖天好叻呀!!!
你點同佢涼身呀? 沙灘無暖水喎!?
我地都想去石澳呀! or下次你地一齊來清水灣啦!
靖天媽媽，快D去攪一攪個頭，唔多”親”妳？？
靖天好得意！
靖天著0左我俾佢套泳衣,好靚靚呀
清水灣仲旺呢…….. xdxdxdxd
仲要端午節~
未gel版………. 不過同gel左都無咩分別, orz~~~~
唉……………………………..
係呀, 你又黎唔到, 嗚嗚
becky話去大清水呀, 爸b…………
平時有沖涼架麻, 怕什麼…. 傻瓜!!!
靖天enjoy只在於水, 沙….. 還需多點努力了…. @.@
我個頭….. 唔好提喇, plz~~~~~~~
好丫……. gogogo~~
或者有機會, 一齊去呢……….. :) 多人o的又熱鬧o的~
靖天的泳衣係一個朋友仔送架, 超靚, 舊年唔o岩著, 今年鬆少少, 都可以~!! 我都好鍾意耶!!!!!
我個頭…… 唔好再講喇, 求求你…………….
朝早已經有幾十個鬼 & family 玩三項鐵人賽, 點會有位丫~
無呀, 唔記得帶….
o的合照自己影架咋………
對啊對啊…………
爸B心急, 話要早出發喎, 都好既, 早O的去沙灘, 無甘熱無咁曬麻……..
好明顯架車唔係爸B架啦……. 偷返黎架….. 用完放返原位就唔會有人發現了, KEKEKEKEKEKE!
清水灣已經變左個熱點, 好多好多小家庭去呢……. (其實在大西北出發, 清水灣同埋石澳, 是一樣咁遠的, 哈哈)
點同佢沖身? 咪花曬照頭淋囉, 只係凍凍地靖天嗌左兩聲….. 傻瓜黎既, 海灘水本身已經係凍啦, 沖身都係凍水, 無有怕!!! (不過個姨姨同我地講, 20蚊可以過隔離借熱水沖身…… 唔知真定假啊!)
下次去游水, 約埋一齊, 熱鬧點麻!!! :)
唔好咁直接啦……. :(
係呀, 件泳衣真係超靚呀~
不過仲未o岩著… 跌帶….. 幫佢打左個結頂住先咋~
已經生完成年了……. >.