靖天: 『爸B, 媽咪, 我愛你地呀!!!!』

端午節那天才跟靖天到海灘踢過浪….

周日, 實在沒有搞作…. (有時, 真係覺得自己…. 好不受歡迎, 想找個朋友去下街, 都無!)

難得假日, 又不想待在家中等天黑…. 早一晚俾爸B挑起條筋去游水, 所以呢…

決定的時候已是中午… 爸B誓死不願到石澳灘….

大清水呢? 都唔會泊到車…

黃金海灘呢… 怕怕了!!!

最後, 決定多走幾公里…. 到大嶼山的長沙海灘…..!!!!!

12點半出發… 不到30分鐘就到了東涌…. 卻用了十多分鐘找那8蚊個鐘的停車場..  衝衝走到巴士站 (眾所周知大嶼山的巴士, 時密時疏) ,  竟然正在上客, 急急走上巴士, 出發!)

上到巴士, 心肝終於醒了!!!!

不到20分鐘就到達目的地…. 下長沙泳灘!!!!!!  全程只用了…. 一個多小時…  不是要找泊車, 也該更快吧….?!

比石澳細一點, 但….. 人夠少… 而且鬼多過人…. 感覺, 十分, 十分, 十分舒服!!!!!

可能"客人"較少…. 呢度既沖身設施, 更衣室同埋洗手間都十分十分企理….

有15格供泳客沖身, 何其狀觀!!!!!

更衣室真係一格格…. 泳灘少有!!!!  

15格沖身花曬…… 勁!

灘倒也挺大…. 周日的下午, 鬼多過人…… 真係好舒服…..!!!

雖然天公不造美… 下午天氣陰陰的, 但剛好合曬媽咪與靖天的河車!!!

因為靖天在家已午睡了一個小時, 出發時又在車上睡了差不多一小時…. 2小時的差電, 靖天全程是異常興奮!!!!

今年第3次到沙灘的靖天…. 已經不怕沙了….

因為太陽傘遮住救生員哥哥, 要搬離開一點…. 跟靖天說要移過一點再玩, 誰不知靖天不停擰頭叫住"唔好唔好"….  以為我地唔俾佢玩…… 心肝, 您… 好可愛呀!!!!!!!

多多聲氣的靖天…. 識得叫daddy了….. 又識鬧人…. 仲識"哈囉"啊!

靖天對沙的接受程度, 一次比一次多……

靖天不停"畢, 畢, 畢"….. 又"倒, 倒, 倒"

P記 + 爸B的手作 = 靚!!!!!

用手拿起幼沙, 沒有難度了!

不停鏟, 不停鏟…..然後又倒…… 倒…… 倒……..

趕住出門口, 結果….. 唔記得帶游水片….

早上便便了, 索性不給靖天穿上尿片…. (一遇水就發到好似麵包咁……)

只怪靖天個子實在小得可憐…. 泳褲穿不下…. 結果就不停的… 露"溝"…..

結果就不停俾身邊的哥哥姐姐笑…..  真係好….鬼….失….禮~~~~

沒有穿片片的靖天…. 褲子太鬆, 露出臂溝了!!!!

前一班年青人砌的城堡… 給靖天…. 不停摧殘….. 

靖天: 『做咩有個坑架…. 邊個跣我?!!』

未下水, 靖天在沙灘上已經玩了大半小時…. 沒有扭計, 不停的鏟來鏟去….

而且仲不抗拒的在沙灘上走來走去…..

其實也該感謝此灘的沙….. 幼得….. 好可憐!!!!!

然後, 靖天又想掘個坑跣人?!

靖天…. 已經係唔驚水, 唔驚浪…..

靖天: 『媽咪…. 等埋我呀…..』

濕透的靖天: 『好肚餓呀, 俾塊餅我…..』

靖天: 『媽咪, 你副超幾型喎, 借黎戴下?! 得唔得呀? ……得唔得呀?….』

靖天又要爭住戴, 戴唔到… 又塞返俾媽咪~~~

靖天: 『點解我"V"唔到既…..???????!!!!!!!』

失敗之作…. 影唔到靖天的小腳啊!!!!

靖天: 『戴返正副超…. 我覺得襯多我o的喎, 媽咪~~~~~』

靖天: 『爸B, 你又戴…….』

靖天走呀走…. 走呀走…. 走極, 都唔願返回自己基地~~~!!!

此灘雖好, 可惜….. 水的垃圾挺多…..

也不知何故, 近海的沙有點兒黑黑灰灰的……

也該是…… 我們對此的污髒與不珍惜吧?!

要靖天用手指篤o的有色既沙, 是沒有問題的… 但要佢一手拿著不放…. 就做不到了…

靖天還是對"濕沙"有點抗拒….. 仲要綠綠黑黑的….. 唔驚才怪!

玩左2個多小時….. 以為靖天累了.. 就跟她沖沖身, 該她睡……..

又以為等靖天睡後, 爸B同媽咪可以享受一下二人世界….

結果…..

沒有穿片的靖天, 仲要在媽咪身上…. 敬了兩小杯茶….  靖天…. 多謝曬喎!!!

靖天遇到朋友仔了…. 又攬, 又握仔, 挺投緣啊!

跟住俾姐姐淋水…. 嘻!!! 呆了一呆的靖天, 踢水發洩!!!

天氣漸涼, 還是給靖天套上"保暖衣"好…..

食左兩塊薯片, 俾媽咪抱抱親親後, 又回覆生猛…. 又要出海去了!!!!

今次, 輪到爸B出動了!!!!

以為靖天攰了, 要休息了, 點知轉個頭又走左去踢浪…..

臨近尾聲, 累了的靖天, 開始扭計了….

玩到差不多6點, 救生員都收工了, 『咱們仨』也準備回程了!!!!

玩了四個多小時……. 是最長的一次…..

因為爸B話…. 如果再係玩一陣就走, 就以後都唔帶我地去海灘….  

又難得靖天沒有扭計, 仲好享受…..

一向怕曬的媽咪….. 當然也會豁出去麻…..

去左3次海灘, 媽咪確實黑了不了… 還好, 雀班小姐還沒有出現~~~~

用了媽咪專用的防曬, 靖天也只是黑了一點點…. 只怪我們沒有勤勤幫靖天"補粉"…

但願靖天長大後, 沒有全身雀斑吧……

(366)

Comments

comments