遺憾的「愛和自由」
一篇又一篇沒有公開的文章…..
數數手指……. 已經籌備左差不多2個月…………..
原本今日, 我已經身在北京, 開始了我那個五星期的短期教育課程………..
當初為的, 只係那份熱情, 然後事事順意…… 當然雄心壯志, 一鼓作氣……
爭扎又爭扎, 請好假, 捨下靖天…. 放低老公…….
然後填form, 準備文件, 跟住電話面試… 最後就取錄左…..
好努力咁睇書, 準備交功課……
同時間亦都不停查詢有關留港實習既事宜…….
最後悟出一個道理: 今日留一線, 日後好相見!!!!!!
外國人360度的轉變, 也許因為跟某些本地資深導師聯絡過……….
也許是太忙吧…… 我努力叫自己想得客觀一點……….
無奈連基本問題如交學費, 開學事宜, 也沒有一個一般電郵查詢可以接觸到……
時間越來越近… 心越急…. 得到的只是等了又等……….
前因後果, 加加減減……..
最後還是決定來個保本投資…………………
其實整個課程也不平啊….. 足夠咱們仨一家去5次泰國了……. 
還好, 機票沒有買, 唔係真係喊到無謂……….. 
整個課程, 未讀, 已經花了我500隻人仔報名, 300隻人仔下訂租屋, 大量的時間看書準備報告…. 兌一兌, 就千多元港紙了…………… (呢o的叫未見官先打八十……!!!!) 
也不得不怪自己: 太敗家了!!!!!
原來… 尋找真正的“愛和自由”, 係需要如斯大的力量….
只怪這個靖天媽媽成事不足, 敗事有餘..…
沒有那份毅力 (我應該親自到北京走一趟, 到當地的學校問個明白麻!!!)……
我願意放棄跟靖天5個星期的相處又如何?
我願意賣甩老公5個星期又如何?
我願意花時間花心機看書做報告又如何?
靖天, 我唔知道媽咪呢個”保本投資“, 對您起了好的, 還是壞的影響………
著實那5個星期的學習, 我絕對相信是可以幫助您成長的…….
只係…. 學校的行政架構, 實在令媽咪吃不消…… (也許是職業病吧, 這些情況, 實在是不能接受的啊! )
有失, 必有得………
我不用從新安排靖天到健康院檢查, 到診所打針的時間…….
也不用擔心靖天會否俾婆婆寵壞……
更可以安心準備明年上幼稚園的面試事宜……
還可以計劃跟爸B靖天外遊一下…….
摯友話: 你想去, 就會有一百個理由支持自己去… 你唔想去, 就會有一百個理由唔俾自己去…
講真… 係好唔捨得放棄左呢個機會…………..
如果事情真的可以盡如人意, 你話幾好…………………………
現在, 唯有靠自己多加努力, 多看些書, 找一點本地課程, 希望可以找出屬於自己和靖天的
“愛和自由“吧…….
後記:
終於o係6月23日收到學校回覆…. 劈頭第一句就俾人忠告要我學習”耐性”……
嘩! 多謝曬呢位導師既教誨…. 一個簡單查詢, 等了2個星期….. 我都要安排, 都要準備, 都要計劃架…. 話走就走?! 話飛就飛?! 當左我住o係學校?!
真係我呢位學生太無耐性? 還是有關方面的辦事效率極低?!
實在係………. 
(315)
我唸….妳唔去應該唔會係損失……..其實世事銘銘中有安排, 係出發前比妳發現到那間學校既不足, 等妳唔駛之后更加後梅…….應該係咁
也是對的, 我都係咁諗….
希望我不會後悔吧;
我只看到你按排比靖天的,都是最好的!!
好多媽媽羡慕ing….
何必為一紙證書煩惱丫.
試問有幾多亞媽會讀完個course先教得好亞b?
甚至乎有好多叻b,佢o地父母都唔係有材之仕啦
最重要有”愛” 和 “自由”麻,
呢d你已經有啦~~重爆棚tim (>.-)
謝謝你的鼓勵啊!!
我還有很多做得不足, 所以更想進修一下幫幫自己….
我那些愛和自由, 有點點兒假, 所以想找個”真”一點, 哈哈…..
補充…..
你唔記得咩….之前你夜歸,
靖天已經好唔開心,
如果5weeks唔見,
可能對佢心理造成好大影響+麻,
依家仲好啦,傻g….
對啊….. 那次的經驗也曾經令我好卻步…….
所以去唔成, 可能亦未必是一個很大的損失 (但願如此吧)
真係好佩服你的毅力 !!!!!
失敗的”見証”, 這不是毅力呢…..
bow, 唔好理o的唔開心野~你決定點都支持你!!
加上你已經盡左力架啦~
謝謝你啊…….. :(
有些事, 隨遇而安, 個天俾左靖天妳,就有妳既命運
如果硬係勉強做一d野, 倒不如隨心而行~
做朋友的一定support到底!
竟然收到你留言. 意外意外;
謝謝你啊!
唔好唔開心啦, 最多我同你去五次泰國啦~ ^.^
你話架!!!
唔緊要啦 . 其實你已經好盡力為靖天整個蒙特梭利天地架啦 @@
謝謝鼓勵啊…………
我想為靖天做得更好麻;
咩嚟架? 好深咁喎!! 好佩服你嘅堅持同努力, 唔好氣餧, 相信你嘅努力一定有回報嘅!!
係一個我好鍾意既教育方式既課程…..
我才沒有堅持呢, 係好遺憾….沒有為靖天再堅持一點點
唔好唔開心, 日後一定會有機會的… 學你所說, 有失, 必有得… 現在你唔使錯過小靖天的成長點滴… 5星期對小靖天嚟講是一段幾長的時間, 也可以有好大的变化… 再講你之前所付出的努力也不會白費的啊… cheer up!
也是的, 希望是賽翁失馬吧……