靖天的脾氣 [17個半月篇]
靖天: 『我鍾意發脾氣呀…. 吹咩~~~!!!』
上一次錄低靖天扭計的情況, 原來已經差不多半年前………..
已經1歲5個半月大的靖天………
扭計發脾氣, 是有的…. 通常得唔到佢想要既野, 就會扭計…..
以前, 佢只會大喊, 大叫…..不停叫, 又不停喊……. 就係要你抱返佢為止……
早一陣子, 發覺靖天”不如意”時, 就會扭計發脾氣….
媽咪就教佢, 如果有人整您, 就同個個人講: 唔好搞, 唔鍾意…………
本來媽咪都無為意靖天已學懂 (因為媽咪絕少搞到靖天咁忟憎麻…. 
), 點知有一晚同爺爺嫲嫲食飯, 太嫲嫲不停又摸又按靖天, 靖天就好忟憎係咁話: 『…..搞……. 搞……. 』
從那一天晚上開始, 我們就知道, 心肝又學識左一樣新東東了……
呢一日, 靖天在玩噴水, 不過佢無對住鏡噴, 而係周圍噴, 噴到一地都係水……
結果爸B就介入要求靖天停止此活動…..
然後呢?! …………………. 
靖天: 『吱緊水架麻…. 做咩要搞人O者!?』
靖天當然唔會乖乖就範…..
於是乎, 佢就不停叫爸B: 『…. 搞…….. 搞…. 搞…….. 搞』
爸B就故意作弄靖天, 刻意搞多幾下…….
靖天: 『…搞…..搞…….』
如果第一次, 第二次靖天叫唔好搞就停止, 佢就會平靜下來…….
但係如果叫住對方唔好搞都仲要搞呢….
佢就會大發脾氣了…. 
最經典, 莫過於扔野囉…………….. 
靖天: 『媽咪.. 爸B係咁搞人呀!~~~….. 』
靖天懂得用自己的詞匯表達自己的想法, 雖然不能清楚講出: 唔 — 好—- 搞 3個字….
但著實也令我們十分高興…. 是長大的表現麻!!!!! 
靖天每天的小進步, 給我們一個很大的動力… 希望能為她做得更好……!!!!
只係, 如果人家硬係要搞佢, 佢就會出手打人, 或者大發脾氣…..
那…….. 這情況又會是誰的責任? 是誰的不對?! 
靖天: 『拿拿拿, 唔好搶我O的野呀… 我嗌架!』
一個17個半的寶寶, 對她的要求, 是否需要再提高一點? …….. 如果人家硬係要搞佢, 就要教導靖天好言相勸對方唔好再搞?!
將心比己, 又真係做唔到咁高層次…….
如果有一個人, 叫左佢唔好搞, 都仲係要搞我, 我諗自己都可能好似靖天咁… 發發脾氣, 或者高聲喝罵………..
是因為媽咪的EQ太低, 沒有能力教好靖天?
還是媽咪的要求太高, 現在靖天已經表達得很好?! 
倒也不太清楚………
著實近日靖天的脾氣, 在街外的行為, 是有點兒令媽咪尷尬…. 也令媽咪有點兒懊惱….
自己的女兒, 當然明白了解…
可是旁人看在眼裏, 也許只會怪我這個不懂做人媽媽, 過於嬌寵自己小孩…………..
是真心明白了解? 還是真的過於放寵?
其實…….. 係有少少迷失……..
如果假設靖天正在踏入tERRIBLE tWO, 那什麼事也不會是一個問題, 我只好耐心等待, 若干個月後靖天就會回復穩定……
但若果我是估計錯誤….. 原來不知不覺中我已過於嬌寵自己女兒而不知道, 那該怎樣辦?! 
怪責靖天扭計大脾氣之前, 媽咪正在努力假設無辜…..
但願, 我可以快一步找到答案, 給予靖天最適當的指引……… 
同場加映……..
明明係嘟咀, 點解靖天變左咪咀既?! 
(351)
BABA真係好煩喎, 靖天已經好克制啦, 比著我個女,邊仲咁斯文呀!!!
哈哈, 爸B特登激嬲靖天睇佢反應麻… 嘻
哈哈… 抹返佢囉!! 無有怕!
哈哈…… 你記得錄低佢…..
呢個papa真係好衰呀….不過靖天講”攪…攪…攪…”, 真係好可愛呢~
哈哈…… 係刻意的, 不怕不怕
靖天好叻，識得自我保護。
只擔心, 這個教法不太對;
其實你都做得好好呀 @@
你都唔好俾自己咁大壓力羅 @@@
小朋友 有少少脾氣 . 唔願意同人 分享 都係好正常事黎架 @@ (大人有時都會啦)
放心啦 .. 靖天好叻女架 .. 你講左無幾多次已經識得用言語黎表達 “唔好攪” 喎 @@
好叻女啦 @@ 媽咪 !!
我明白了, 謝謝聰媽的鼓勵啊!!!!
現階段都不用太擔心. 梓朗也巳開始踏入TERRIBLE TWO…我們一起努力吧! BTW, 靖天識得用言語表達不滿,唔成功至發脾氣巳經好抵贊了…放鬆D吧!
也進入了?! 辛苦麼?
是, 一起努力吧!
其實世界上沒有一種永遠是對的教育方式，只可以一邊教，一邊學，反正小朋友社交圈子愈來愈大，好快會知道發脾氣係會趕走朋友仔，咁好快就會收歛咖啦 ＾＾
謝謝你的意見啊!!!!!
咁你要見識下咩叫發脾氣….靖天個d在我0黎講實在太斯文,你下次見下彤彤發脾氣先啦