靖天搶玩具 [17個月半篇]
靖天: 『走呀, 走呀.. 你地走呀……』
七一的小聚會, 發生了一件事……..
靖天或其他小朋友搶玩具, 時不時都會發生….. 要不是因為靖天這天的反應, 也用不著記下來……
話說, 靖天家有一架四輪車仔, 一架”清潔車”….. 平時, 靖天也甚少拿來玩, 拿來推…..
而男孩子, 總會有對車有一種情意結……
上一次, 哲哲就係咁將架四輪車推來推去……
今次, 輪到天朗, 仲要貪心到左手推四輪車, 右手推”清潔車”…… 是十分搞笑的!!!! 
本來都好地地, 靖天在玩家家酒, 男孩子在玩推車仔…..
誰不知靖天忽然走埋去爭起上來…. 天朗力氣較大, 靖天其實不易得手….
第一次失敗, 第二次也不太成功… 再加埋哲哲加入戰團, 3個人就在不斷糾纏……
忽然, 靖天尖叫起來 
, 講了一連串的BB話 (似在鬧人啊!
) 仲一手扯起左架”清潔車” (較輕的麻)….. 再將其踤在地上…..
然後, 就哭著的走到我身邊, 攬著我喊起上來…..
也不太記得天朗和哲哲當時的表情及情況, 但靖天的行為是我從來沒有遇見過的…..
連隔岸觀火的敏堯一家, 也給靖天嚇到”O”了咀…….. 
靖天那種竭斯底里, 作為她媽咪, 也不知該如何形容, 淨係覺得”好激”, “好誇張”… 也就是外人說的”好大脾氣”, “好曳”, “好扭計”…. 類似吧?!
一會, 靖天已經沒有再哭, 小朋友們又回復了和平的在玩……..
===============================================
隔了一回, 帶了靖天入房換片, 我就趁機跟靖天說, 剛才她的行為十分失禮, 好醜怪…. 小朋友是客人, 我們該禮讓一下, 一齊玩…. (等等的說話)….
其實, 不是想跟她說教, 是有點兒
嬲 心肝做出此等惡劣行為, 令這個媽咪極為尷尬…… (好似打你又唔係, 唔打你又唔係的感覺)
然後爸B進來打算幫忙, 見我在跟靖天說教, 也加入”戰團”…..
語氣, 是平靜的, 因為覺得鬧都無用, 心肝都唔會明… 無謂再次失儀於人前…….
誰不知我地一路講, 靖天若有所思的….. 扁扁嘴….一路點頭……
這是我們從來沒有遇見的….
最後還是加了一句: 靖天, 唔好再咁喇, 小朋友要一齊玩麻…. 如果唔係會好醜怪好失禮, 好無?!
靖天再次點點頭……
然後…. 然後心肝竟然跟我們說了一聲“對唔住”………
跟住, 就開開心心的走出房, 跟小朋友們一齊玩…..
十多分鐘後, 媽咪就曖靖天小睡一會…. 直至徬晚外出晚飯………….
===============================================
整天晚上都忐忑不安…….
擔心靖天這個行為同時, 也怪她如此失禮…… 感覺像… 我沒有好好教好靖天, 另她做出如此卑劣的行為……
養不教, 父之過………..
其實是”母“之過…… 
因為在教養靖天的過程中, 這個媽咪總之擔任主導的角色……… 如果有一天靖天學壞了, 或是出了什麼問題, 這個媽咪絕對是責無旁貸 …………
正如早一篇說過, 實在好怕教錯了靖天, 而自己不知道……
靖天這一天的行為和反應, 就給了我很大的反思….. 我做錯了嗎?!
人家的媽媽不會讓寶寶爭玩具啊….!!!
人家的寶寶不會如此失控啊!!!!!……
雖說小寶寶都是獨立的個體, 但又為什麼人家的小寶寶性情如此穩定? 靖天卻又如此激烈?
是我身教做得不足? (其實是……..)
還是言教也做不夠?!
會否真的是爸B說的”太多自由”?
或是我太多心了?!
===============================================
第二天, 上班前跟爸B討論這個問題…..也跟婆婆說了靖天的事件~~~
婆婆說, 是因為靖天不想人家”掂”佢既東西….. 
爸爸亦然, 連朋友仔也說出有此情況發生…..
但兩架車仔, 佢平時都唔玩架啦…….
然後, 大家都說: 唔玩還唔玩, 但係自己既野俾人玩就唔得!
咁霸道?!
大家又說: 只是還沒有學懂分享…….
爸B又說, 平時靖天上堂, 也不會硬搶一件東西, 搶到就搶到, 搶不到就算…….
這一天的異常行為, 明顯地是因為靖天知道東西屬於她, 不願意與人分享……
然後, 又回想: 好似呢日成日, 我都無叫靖天”俾”, “排隊”, “讓”……….
可能靖天已經忍無可忍, 又沒有旁人協助, 才如此失控吧?!
其實我們只是想看一下, 沒有我們, 靖天會如何解決….. 結果, 是嚇親自己…….
靖天無記性就一早知道……
原來無記性 + 無人幫忙 = 竭斯底里大叫大喊……….. 
希望……. 這些假設和觀察, 都是正確, 而且真實的……
實在不想給太多藉口自己和靖天……
(522)
又係路人甲了，呢個case 好多個位可以入到呢…
如果媽媽記住，每一個位都係靖天既生活中既學習，今次就都只係一件事件。
當然，咁細個小朋友學懂分享，係唔容易做到，至於靖天既反應係咪過大與否，路人甲無法評估。而浮出唻既反而係，媽媽覺得自己無好好管教靖天而感到尷尬。
媽媽咁快就將自己既表演評分，其實只會局限左社會既岩與錯就係靖天既岩與錯。
有無印象，路人甲經常講既係「撞板撞大」？
好似我既同事常對新入職既同事指示係：「既然撻你唔死，你咪即管去撞下板」，今我覺得靖天爸媽最勁既係，同個歲半既少朋友講完道理之後，小朋友識講類似對唔住既回應。 我唔敢保識咁年幼既小朋友識唔識分對與錯(潛意識另計)，不過單睇，靖天爸媽對請天既社教化，並唔係浪費教導機會主意者。
如果靖天經常用呢個方式去表達自己，咁可能係一個問題；反之佢唔似係常見地用呢個方法，倒係幾可愛既場面。誰家孩兒踩中靖天既大地雷，或者邊樣野係個大地雷，路人甲卻比較著重。雖然表面上，靖天一直都唔多似重視兩架車車，但係當佢覺得有人主導左佢既資產時，就會具體咁表達主權，其實都似大人，平時既收藏品可能四圍放，但係有警誡情況出現時就會好大反應咁。
當然啦，時代有別，我地(我估我同靖天爸媽應該差無幾年幾掛，或者，兩位比我「年長」呵呵！)細個時，照計無乜個人資產先真。靖天一代，卻係無乜共用資產。我相信響呢個情況下，灌輸「分享」呢個訊息，係要花更多機會，而今次，正係事件發生後，係靖天成長左既機會。
所以呢，整體上，反而係你地一家三口既成長機會。源頭可能係靖天發脾氣，一件睇落唔係太正面既事，但係結果就大家都學習到更多呢。
職業病上身，唔好見怪。
路人甲的說話會繼續回味, 也感謝你的支持和鼓勵.. 是十分十分窩心的~!!
同時亦說中了我們很多的心聲…
由衷的說一句: 多謝你!!!
其實我都唔係每個小朋友都係咁定係自己果個先係咁,mavis都好霸道, 佢都唔止一次同人爭野玩,但我次次都唔知應該點做, 出面stop佢咩?!但蒙又話佢地有自己解決既方法, 要俾佢地學自己處理… 但唔stop佢好失禮架嘛,
另外又驚會變相縱容佢去蝦蝦霸霸…另外佢都唔准人玩佢d野, 好似同朋友仔去沙灘,佢都唔俾人用佢d剷丫桶丫咁架…佢會拎人地個d換返自己個野返黎…一係就硬搶返黎…
我其實都唔知應該點做, 我只係諗佢仲細喇, 希望大d佢明白個道理…唉… 好難做…
mavis也有這個問題麼?!
對了….蒙的理念,是由他們處理, 但現實又偏偏有些不同…. 是有點兒迷网的;
take it easy la. 做人父母最緊要面皮夠厚.
我隻仔都係成日係lobby lur地, 坐係度唔要返屋企, 我都要懶理旁人眼光, 蹲下同佢講道理, 然後自己走人, 佢多數會跟你走呢.
哈哈, 靖天都成日係咁~
靖天呢個行為其實只是未學識同人分享, 佢反應咁大應該只是因為佢表達唔到自己. 梓朗d脾氣更大. 因佢講嘢方面很差所以當我們get唔到佢想點時佢就會發脾氣了. 呢幾日總會開始打人
第一次見到佢呢個行為時的心情也同你一樣…自己也好唔開心及覺得自己唔識教… 一時心急之下用了”naughty corner”呢個punishment的方法但之後就有d後悔…佢可能總細, 唔明我點解咁做. 依家佢一想打人我就捉住佢隻手同佢講打人係唔啱的, 跟住同佢講要say sorry （雖然佢未識講但係起碼俾佢知道做錯事要道歉）．．．留意咗佢呢個行為幾日後發覺通常係當我們強制性阻止佢做某樣嘢時佢就會咁，所以我依家try to find out another way to stop him from doing all those dangerous things. Really hope can solve this problem very soon.
Naughty Corner (即係Super Nanny)同蒙特梭利其實有少少走… 違背的, 所以在靖天出世後, 已經嘗試棄用此想法…. 唔到最後一刻, 都唔想走Supernanny呢條路…
可能我比較放任, 好少會強制性阻止靖天做一些事情… 所以就好少因為”無得玩無得做”發脾氣…. 你好細心啊, 發現到梓朗這個小問題….
至於靖天的脾氣, 近兩次大脾氣都是因為搶玩具, 是不懂, 還是唔想分享, 其實是在心中的…. 只是沒有寫得詳細吧….. :)
呢個年紀的小朋友, 發脾氣有咩出奇 =.=
唔好比咁大壓力自己同靖天啦…
在現場的, 就會給靖天嚇一跳了;
其實我地做daddy & mommy既(包括我同老公)成日都話點解人地啲baby咁乖, 自己個b脾氣卻咁臭, 其實呢…人地個b妳又唔係成日對住, 佢有幾臭妳鬼知咩(可能係安慰自己)……
不過又成日擔心而家唔教, 第日好難教返好…..
而且唔係自己揍, 好多嘢自己掌握唔到, 大家教法唔同, bb亦無所適從…所以呢….我既願望係…..應=妳既願望…=
一齊努力吧!
其實靖天已經好乖, 好明白事理嫁啦, 佢主動講對唔住, 証明佢明妳地講咩, baby一日一日長大, 佢地應該會月來月生性嫁啦 (我成日咁樣安慰自己嫁)
又是, 靖天的行為是令我感到十分驚訝的…但願她真的會越來越懂性吧;
可能歲半嘅小朋友開始會有如此情況…囡囡都有失控, 拍枱同大叫, 我會教佢要講sorry 同解釋點解媽媽唔畀/唔幫佢…. 我仲未成功教識佢點頭…所以靖天佢好乖, 又識反思! oh!
你都做得好好啊! 會解釋……
原來嵐嵐會拍枱大叫? 樣子唔似啊…. 嘻;
多試幾遍吧, 應該會有進步的!
老實講 .. 屬於自己既野 唔一定喜歡同人分享 呢個係事實 …
唔好話小朋友 就連大人都會有咁既情況啦 @@@
如果其他小朋友要玩屬於靖天既野 .. 最好都係開聲問問先 .. (禮多人不怪) 等靖天覺得 .. 有人尊重佢 .. 玩具係靖天既 .. 要玩 .. 當然要先問問 @@
咁樣 ..靖天既心情會好 d 架 @@
聰兒既朋友黎到佢屋企 .. 我都會要求小朋友玩佢既玩具時 .. 要先問問聰兒 , 而並不是問我..哈哈
到聰兒想羅番個玩具 .. 亦都要聰兒 先問問小朋友 @@
咁樣 .. 大家都會覺得被尊重 !!!
小朋友細個唔識講 .. 佢地都會識得用行動來尊重對方呢 !!!
加油呀 @@
對聰兒是無言感激的, 因為聰兒比靖天大, 所以聰媽你就成了”過來人”了……
謝謝你的解說, 又給我多點靈感如何看待靖天了!
如果第一次見到,應該會嚇親!不過都不用自責,父母跟小孩子是一起學習的嘛!
依家嚇完, 無事無事喇…..
感謝你的鼓勵啊!
macy都係好霸道, 唔肯同人分享, 我都好頭痛….可能佢地而家有自己嘅主意, 但又做唔到先發蚊陣. 希望大d會好d啦~
macy…. 不似啊~~~~