我有…. 妳!!!!!
農曆七月, 都要做節?!
有一日, 終於忍唔住…….
打左個電話…..
我: 『喂…. 你今晚煮唔煮飯呀? 』
她: 『唔煮呀, 得我同細佬咋… 』
我: 『哎呀….. 我好想食蟹呀!!』
她: 『食蟹?!』
我: 『仲有蝦同埋想飲湯呀… 人地想左好多日架喇!! 』
她: 『咁我去買餸囉~!』
我: 『一係一齊去買啦….』
她: 『你早O的返黎睇住個女, 我落去買咪仲快手……』
我: 『好呀好呀… 咁我陣間上黎啦~! 』
那個她, 就是靖天的婆婆….. 
朋友們都以為平日放工後, 我們接回靖天都會食埋飯才走…….
其實… 這個情況只唯持了個多月… 當婆婆一而再, 再而三的埋怨太辛苦, 沒有時間後, 我們就沒有這樣做了….. 現在, 我們都是先吃飯, 再接靖天 (或是倒轉….)
但想食蟹已經好耐好耐… 奈何自己唔識煮, 老公又唔識煮…. 
結果, 唯有厚著面皮返去問屋企個大廚…… 
(媽咪煮飯, 應該是全世界最好味的吧?!) 
估唔到一問, 靖天婆婆就應承了! 
一餐飯, 有蟹啦, 菜啦, 蝦仲有3個食法 (白灼、椒鹽、炒蛋), 仲有仲有滾湯, 蒸魚, 鮮魷, 最後仲有老公最愛的麻婆豆腐……
其實, 我們已經有差不多一個月沒有跟婆婆食飯…. 太不孝吧?!
只因為工作實在忙, 天氣太熱, 靖天又太曳, 實在不想婆婆辛苦………
靖天媽咪覺得, 有如此一個好媽咪, 是我一生最大的福氣….. 自己其實也不是一個孝順女, 反而婆婆就仆心仆命的幫自己… 
縱使有些時候, 媽咪真的會跟婆婆頂上幾句嘴, 但又卻是由衷的需要她…..
有一個咁錫自己既媽咪成日o係自己身邊, 其實真係好幸福….. 
(所以當年死都要痴住媽咪, 住佢附近…. 咪因為咁解囉~! )
其實好多年前已經同媽咪講: 拿, 妳第日有事, 我都唔會搵地方安放妳架喎, 我要帶妳返屋企… 咁妳夜晚就出黎煲湯同埋煮飯我食啦, 最多我燒多o的野俾妳囉…. 好無?!
靖天婆婆, 當然是….. 
呵呵呵呵!!!!!!!!
媽咪…. 我愛妳啊!!!!!!
(437)
好sweet 啊!! 靖天大個咗都要好似媽咪孝順婆婆咁乖呀~
婆婆已經成日幫佢落藥喇, 哈哈!
你愛你的媽媽，媽媽是會知道的！ 也為你感恩，會欣賞及感激媽媽的功勞!
不過佢成日鬧我. 嘻嘻!
哇!婆婆好犀利呀! 靖天那麼喜歡煮飯仔, 話唔定第日係婆婆的指導下也會成為廚房高手, 到時爸b媽咪就有口福啰…
我都想佢叻過我地, 等佢煮返飯過我地食, 呵呵!
無錯~ 自己既呀媽永遠都係最好, 最知自己心意既人!! 我都好愛我媽媽!! ^^
所以世上只有媽媽好囉, 嘻
haha~~~
睇咗你咁多篇blog msg, 睇到你同靖天成日都有用一個共同嘅手法…就係…
“一擔沙糖一擔ng…”
明明係錫佢, 又要”得”佢2句…
不過我都一樣, 鬼叫阿媽錫我地咩~~~
哈哈….. yeah!
給您媽媽既愛的宣言哦!!
我真係以為你晚晚回家吃飯o架~ 因為我係囉….
不是啊…. 自己搞掂架~!
對啊, 是愛的宣言, 呵呵!
靖天婆婆 .. 真係一個超級勁好的媽媽呀
最難得 . 顧自己仔女外 .. 仲會顧及 靖天爸 B 喎 ..煮埋最愛的餱菜 …
Very Good 的媽媽
讚
佢係, 永遠都係我既好榜樣, 嘻!!!!!
＜希望唔好又見到有人抄野啦~＞
你係咪要我”將”你個嘴! >.
我還以為靖天媽媽咁厲害…
原來是靖天婆婆的大作 ^-^
我媽媽也煮得一手好菜，可惜我還未學會她一成 =-=”
哈哈! 我最叻係…. 公仔面 + 煎面!!!
媽媽的絕技, 我半成都學唔到…. @.@
Can u give me Veronica grandmother’s e-mail? I believe if she read your writing, she will be happy as won a mark-six!
Oh, i am very sorry~!
婆婆淨係出得廳堂入得廚房, 開得電視沖得涼…. 但就唔識走上電腦枱開電視啊!!!
幸福mama, 同時係幸福女兒~~
大家都是啊!!!! ^.^
婆婆手藝好勁呀
我估… 我地既媽媽, 都係一位高手…. =.=