約定就是約定…. 縱使行程不同了, 但也決定到此一遊!

.

《前言》

拖了又拖, 出發了半個月, 才寫好遊記…. 靖天媽咪似乎越來越懶咯!

長隆這個地方, 媽咪細細已經跟靖天婆婆來, 什麼野生動物園, 什麼大馬戲, 什麼水上樂園… 記憶中, 最少來過三遍…. 對這個地方, 其實一點也不陌生~!  然後當了媽媽, 也希望靖天可以來一遍, … 正如很多媽媽想, 書本上學動物多了, 自然想找些真實的看看麻, 讓小朋友知道, "實物", 有幾大, 幾小, 幾臭, 幾香, 都好~!

最近, 又最平的動物園, 應該算是長隆這一個吧?!   (靖天, 對不起啊, 媽咪仍然是孤孤寒寒的… 待您長大了, 我們再去遠一點的動物園吧~! ).

長隆遊的計劃原意是"十年之約"的其中一個活動, 然後忙的忙, 無錢的無錢, 生的生, 死的死… 結果, 最後連爸B也打退堂鼓~!

原先計劃:
直通車 + 長隆酒店 + 水上樂園 (Day 1) + 動物園 (Day 2) = HK$2xxx

新改良的長隆水上樂園其實十分好玩, 但爸B媽咪拖著靖天, 實在不能好好享受玩樂一番 (我們倒不想辛苦上到去, 同靖天在"BB池"浸幾個鐘水當去過…. 不划算的麻! )

那好啊, 長隆酒店 + 動物園如 何?! 找過價目, 也要HK$16xx….

剛從墾丁回來, 其實大家也不想多花費…. 爸B也明確表示這樣去一趟動物園成本實在太貴…

枉這個媽咪為著要靖天多了解, 不停教她長頸鹿, 老虎, 獅子, 大笨象…. 然後, 竟然睇唔到實物….  當然是一百個失望啊!!!!!

跟爸B左計右計, 前算後算…. 加埋音波功…….. 結果, 爸B就範咯!

更改計劃:
直通車 + 動物園 + 長隆酒店下午茶 + 回港 = HK$8xx

慳左一半有多…. 換來的, 當然是不能跟白老虎嘆早餐, 也不能到水上樂園玩超長滑梯, 而且還需要早去晚飯….. 銀兩與時間, 那倒需要取捨啊!!!!  (那當然, 走了一天, 我們的結論是: 好過去過夜! )

.

選定了日子, 也一早給靖天請假了…. 出發前幾天香港這邊還下著雨, 心想計劃會否最後還是泡湯呢?!  還好, 周四已經放晴, 爸B媽咪就去訂票咯!

先選車票…..選了中旅社, 相信班次會"齊"一點….

而且有得在西北區出發, 在深圳灣口岸過關, 應該快一點!

註: 去程 (HK$80) + 回程 ($120) = HK$200 (一人), 都需要劃位的

註: 未知是否太晚訂票, 直達長隆酒店的直通巴已經爆滿, 唯有改坐祈福總站的 (再轉的士, 約RMB20一程)….

然後再買動物園門票…… $149一位, 2歲以下小童免費入場

註: 在動物園門外直接購票也可以, 但也是收149一位, 不過係… 人仔….. 計返港紙, 要貴一點咯!

.

.

《出發篇》 

這次一日遊, 媽咪也認真興奮……

半夜3點半就起來… 失眠了~!  也好, 可以上網找找動物園的資料, 計劃一下路線如何走!

早上8點幾, 靖天也醒了, 換好衫, 吃過奶, 就出發咯!

集合的巴士站離我們家只有十多分鐘的步行距離, 但最終還是算了坐小巴… 唔洗咁熱!

先報到, 搭正9點正, 實還沒有來, 媽咪開始擔心….. 會否跟網上寫的…. 遲到一小時才到達?!  ……..

還好, 9點10分, 車來了…. 貼齊人頭, 就出發到深圳灣口岸過關咯!

我們上車了!!!

不消30分鐘鐘, 已經到達深圳灣口岸…

早上過關的人不多, 才十多分鐘, 已經順利到達深圳灣口岸…

找回自己的旅遊巴, 上車正式出發到祈福咯!

開車時間為9點45分… 車轉了兩圈, 已經開始塞車….. 然後媽咪又想起早上在網上看到有人試過塞左2個鐘先到達……  咁塞法…. 上到去都要回程咯~! 好驚… 好驚~!!!

還好, 路只是繁忙一點, 塞下, 停下…. 結果11點45分已經到達祈福新村, 整個車程用了2.5小時…. 也算是十分不錯了!

到左….. 深圳灣口岸…….. (老公, 下次唔好影到我PATPAT咁大好麼?!)

靖天過關後一會已經睡了, 一睡就2個小時…..

媽咪不用在車上照顧靖天, 靖天又可以充充電, 等會大玩特玩一番… 實在是皆大歡喜!

要是靖天有"上車發癲症", 媽咪才不會冒險帶她東去西逛呢….

到達祈福….. 靖天還在睡啊!

找到的士, 上車前, 坐車途中, 媽咪已經問了好多次,…. 「要去動物園的北門 (正門) , 你知道怎樣去嗎?!」然而, 司機仍然猛說知道知道….

但到達他認為的目的地… 其實是長隆歡樂世界!!!

國內的司機, 除卻識駕駛, 絕大部份都….. 不太懂路!

以前在深圳已經遇過不少這個情況, 想不到…. 這天又要遇一次…..

本想徒步走到北門, 但天氣太熱, 抱著靖天, 其實也不好走…

結果我們在長隆酒店附近上了另一架的士, 在明知被敲詐的情況下, 算是順利到達目的地!   多花了幾十個大洋…. 當然不順氣, 但在國內, 要是還要斤斤計較那些大洋, 可能天黑也找不到人幫忙…..  這天早上, 就算我們"無甩"吧…..

註: 一般來說, 住長隆酒店的都會坐穿梭巴士, 在南門下車, 但我們在香港購票, 要到北門 (正門)取得入場卷, 而且因為時間有限, 媽咪打算第一站先找"小火車"觀看野生動物區, 那就得從北門出發比較理想咯!….

.

.

《動物園篇》

換好門票, 當然要來張"到此一遊"…  

可惜… 靖天太不合作了!!!

踏入9月中旬, 天氣實在熱得淒涼….. 在廣州, 竟然可以一滴風都沒有… 熱, 加上焗, 真係同去焗桑拿無咩分別….

入場不到30分鐘, 爸B已經成個心口濕曬…. 半件T-Shirt在滴水…..

媽咪也聰明咯, 穿上拖鞋短裙還要露背的… 結果, 裙子也差點濕透……

悶熱的情況, 實在有點兒可怕…. 

還好, 這天人不算多 (某程度黎講叫做少…. 十分少…..), 不用跟人左迫右迫, 十分好彩咯!

入門口前…..拍一張吧~!

靖天: 『我想買公仔呀……』

才進場, 已經有十幾廿隻鸚鵡在歡迎我們…..

野生動物園麻, 這些小動物當然不會給鐵鏈鎖著, 牠們自由一點, 靖天也可以大膽一些, 走近一些, 看看這些雀仔…..

香港要找, 到海洋公園….. 作遠距離觀賞吧~!  (咁貴, 靖天要自己儲錢去咯!)

又或是自己養一隻?! (媽咪無耐性呢~!)

還是好好享受這十數分鐘的觀鳥吧~!

第一站: 睇雀仔!

原來白鴿…..都鍾意啄木架喎……

叫了靖天幾次不願走…. 可以想像, 靖天對小動物的熱情有幾大….

最後, 又要來個"聲東擊西", 才引得心肝繼續前行!!!!

走到湖邊, 靖天又對那些天鵝 (她說是鴨鴨啊!), 大鳥不停呼喚…..

靖天一入門口已經high爆左……

除左真動物, 還有很多老套的動物海報…..

靖天還沒有看到真實的, 只是看這些大海報, 已經十分陶醉….

靖天: 『嘩…. 好多動物呀~!』

靖天看見這張"白虎"照, 摸了兩摸, 竟然說: 『老虎呀…. 影相丫!』….. 然後就面貼著白虎, 微笑….

雖然整個動作只維持了3秒…. 爸B還來不及反應….. 拍不到好照片…

但當時的情況, 已印在爸B媽咪心內…

靖天…. 似乎您又長大了, ….. 除了會開口要求, 還會安排自己 (笑笑, 擺POSE…..) 拍照…. 到您再長大一點, 會要求拍更多的照片麼?!

靖天: 『老虎呀…… 影相丫~!』

"小火車"還沒有來…. 要等20分鐘啊…..

爸B媽咪靖天, 就是這個時候, 開始冒起汗來…….

小火車有…. 6卡?! 總共可以坐上100人..

這天遊客少, 當然不用排隊就可以坐上咯!

註: 動物園的這個"野生區", 是可以自駕車進場的, 那就比坐"小火車"更好, 因為可以隨意的停, 隨意的看, 沒有時限… 而且比坐"小火車"更近距離的看動物, 感覺有點兒在"非洲"…

註: 場外有些"白牌車"會向你兜售進場參觀這個野生區, 幾多錢就不知道, 只在網上聽聞話有O的車冷氣不夠, 又越又焗的看, 十分不爽!

碰巧靖天要食奶, 那… 抱著她吧~! 心肝吃奶的速度, 蠻快的~!

"小火車"才開車, 靖天就喝完了….. 幾好! 待會可以安心觀嘗動物咯!~~!!!

靖天: 『被媽咪抱著飲奶, 感覺真好!』

爸B自從上個月換了枝什麼…… 皇牌鏡後, 就決意"一鏡走天涯"…..

然而, 不是皇牌, 就拍得好照片….  尤其是拍動物….

媽咪唔識, 都知你知鏡"ZOOM"得唔夠勁啦….  拍不到動物的大頭照… 實在有點兒失望…. 還好, 眼睛觀嘗了, 照片, 也只是給親友們分享吧…..

循例一拍的動物照…….

未知是否天氣問題, 這天感覺園內的動物都異常生猛…..

而且不知是否碰巧動物的午飯時間, 工作人員不停拋食物餵動物, 牠們也變得生猛起來….

(中右圖) 看那黑熊, 就略知一二….. 我們還看到牠們為著一塊肉而打架啊!!! 犀利犀利!!!

犀牛的pAT pAT….. 佢係特意擰轉背架喎, 好鬼串耶!

幻想如果呢度係非洲…… 就正咯!

著名既白虎……. 也沒有什麼特別!

其中一幕較為震憾的, 就是獅子在午飯…..

好難想像, 點解工作人員可以"扔"得咁準….. 而獅子又"接"得咁準……

似在表現….. 但十分真實…

撞o岩餵獅子時間………. 嘩!!!!!

其實坐"小火車"也認真熱… 加上沒有風, 就熱上加熱…

看媽咪和靖天面上半濕的狀態, 知道咯!!

這天, 靖天吃過奶後, 又搞肚痛似的, 不甚投入…….

但當看到獅子, 老虎, 大象, 長頸鹿等動物, 也會靜下來, 不停望著牠們…..

媽咪除卻安撫靖天, 就是不停解釋其他她還沒有見過的動物… 駱陀、駝鳥、黑熊…. 靖天若有所思的… 這一刻, 您沒有看得明白, 也不會記得, 但說到底也是親子活動, 媽咪倒要努力教導啊!! (爸B呢?! 爸B努力影相囉~!

靖天: 『嘩….. ~~~~ 』  『嘩!!!!!!!』

靖天這樣依附爸B, 難怪爸B心內忟憎, 也沒有表露出來…

心肝還教返爸B轉頭…. 指著動物說東說西…..

靖天: 『爸B….. 老虎呀~~!! 驚驚….』

佢個"繼"好鬼靚架!

20分鐘的"小火車"之旅就完了, 要是涼快一點, 我們會更享受的….

但涼快一點, 可能又會人多一點, 到時….. 又會是繼續忟憎一點~!

天氣悶熱, 實在會令人心情煩燥…..

爸B如是, 媽咪如是, 靖天也如是……. 這就是『咱們仨』咯! 做什麼都一樣的!

靖天: 『唔好影喇…. 俾人鬧架喇~!』

下車後, 我們走到這個"動物幼兒樂園"…..

入面有好多動物BB啊…. 熊、猩猩、鴕鳥(蛋)、羊．．．．

最得意, 莫過於那些小黑熊, 和黑猩猩了!

小動物也有幼兒樂園?!

靖天看得入神, 而且比起看成年動物, 似乎更加投入……

也是"小朋友", 投緣一點?!

看猩猩BB時, 心肝還著了迷似的…….. 梗係, 似猩猩可愛成咁, 仲會著尿片…..

如果…. 可以帶佢返香港就好喇~!

媽咪最鍾意既….. 猩猩呀!!!!!!!

動物園的垃圾筒……… 巧誇張啊!

離開"幼兒樂園", 沿路也有一些小動物觀嘗, 但不是什麼新奇東東, 沒有拍照…..

找了兩找, 來到動物園必到的第2個景點: 餵長頸鹿!!!!

長頸鹿咁近距離的看, 也是第一次啊!

長頸鹿: 『10蚊張, 影完俾錢呀~!』

印象中, 以前不可以這麼近距離接觸長頸鹿 (而且, 以前的動物園是夜間的, 晚上在開放!) ….. 真係好…….. 鬼……. 長~!

媽咪倒是興奮, 但靖天呢…. 一點點吧, 少少驚, 又多多熱, 還有帶點肚子痛….

靖天: 『真係要我餵?! 我自己都未食飯喎……』

本來媽咪也因為太熱, 沒有打算餵餵長頸鹿…..

但看了兩看, 心肝似乎多了點興趣, 看見身邊的遊客也餵得咁過癮…

就問心肝有無興趣…

媽咪: 『餵長頸鹿食野好無呀?』

靖天: 『嗯….』

媽咪: 『咁即係好無o者? 不如我地又試下丫?』

靖天: 『餵… 好丫….』

那就氹得爸B俾錢咯!!! 係心肝話要, 唔係我呀……

靖天和媽咪一起餵餵長頸鹿啊!

長頸鹿先生認真勁, 連咁粗既樹幹都食埋……..

靖天沒有太多表情, 可以想像, 其實佢有少少驚…… 媽咪都係~!

餵過長頸鹿, 算是休息一會了, 我們又再出發到其他地方走走!

靖天: 『都係呢隻長頸鹿可愛O的…..』

.

第3站…. 這是動物園強烈推介的 — "澳洲區"….. 第一次看到真既袋鼠…… 真係好….. 核……突…..呀!!!

不是誇張, 看了那些"白袋鼠", 媽咪實在有點兒想"嘔"的感覺…..

袋鼠的"袋", 原來是指………????????

那個……. 幾乎"著地"…… 諗起都嘔心~!

真袋鼠… 第一次見…… 真係有半刻想嘔….. (好核突啊!)

走進"樹熊館"…… 又係第一次見到實在的樹熊…… (講的是媽咪本人!)

都…. 唔好睇既~! 隻隻都訓曬覺…. 同睇電視差不多, 懶得太…… 交關喇!

澳洲既樹熊, 真係懶到無人有!

靖天可愛, 看見樹熊在睡, 在說: 『訓覺呀…… SHU!!!! 唔好嘈!!!』 舉起手指就"SHU"媽咪….. (家陣我好嘈咩?! )

靖天: 『SHU….. 訓覺呀…. 唔好嘈!!!』

被譽為全球第一對孖胎樹熊… 似乎性格都大不同啊!

樹熊….. 印象中還是第一次見到….. "真"的… 靖天也好奇起來!

.

離開"澳洲區", 我們先到食店休息休息…. (也只是買些東西喝, 園內的餐廳都不設冷氣, 實在不宜在此進食 / 逗留!!!)

我們這次放棄了"白虎山"的參觀….. 說實在, 白虎雖然珍貴, 但卻又不甚有興趣, 而且要走回頭路, 已經濕透的爸B媽咪, 實在有點不情願….

那就先看看大象啊!!!!

碰巧還到大象BB在喝奶…. 好得意呢~!!! (媽咪又借勢向靖天講解一番……. )

靖天看見大象, 還好, 仲記得….. 『大笨象呀…..』

想多問她有幾多隻呢?! ….. 被身旁的紀念品小販吸了去…..  

大象….. 食奶奶?! …..

.

跟大象說BYE-BYE…. 就來到熊貓館….. 以為只是跟香港海洋公園差不多的…. 只有1隻, 2隻, 3隻, 4隻…

嘩!!!!!!!!!!!!!! 好多隻熊貓呀~!!!

以為熊貓都是懶惰的, 不會走動的…. 原來香港既才特別有"個性"…..

呢度隻隻熊貓都好生猛…..  同香港既相比, 還是長隆既熊貓可愛o的~!!!!

十幾隻熊貓….. 隻隻都生猛過海浪公園既……..

靖天見到大大隻既熊貓, 仲要走來走去, 也十分好奇….

而且, 已經學懂了"熊貓"是什麼的她…. 似乎更有感覺啊!!

(我想, 重點是因為這處有冷氣, 心肝也變得生猛起來! )

看見熊貓的靖天….. 興奮啊!

靖天: 『較光少少, 咁先影到架麻!』

靖天懂熊貓話?! 知道熊貓要訓覺?!…… 還有爸B同場加錄的…..

如果要想點解呢度既熊貓咁生猛, 我想是因為牠們有這些….

特有的熊貓蛋糕!!! 超高營養得黎, 仲要…… 應該好鮮甜, 好過食竹啦~!

~~傳說中的熊貓蛋糕~~

.

已經走到尾聲, "大型"的動物, 也叫做看過了…….

靖天體力還有的, 而且也越見精靈….  離開動物園前, 媽咪要求爸B多給拍幾張照….

靖天, 竟然…… 表情多多, 賺了!!!

靖天: 『呀…… 媽咪, 我個口大唔大呀?!』

靖天跟媽咪, 似乎什麼都玩得一餐….

靖天: 『E……!!!!』
媽咪: 『嘩, 笑得好肉酸呀, 嚇死人咩!』

靖天: 『動物BYE-BYE…. 出年我再黎探你地呀!』

.

後記:
未出發前, 有人話… 動物園只需一個上午就行完…. 但又有人話, 要一整天才能走完…. 結果… 『咱們仨』中午12點正入場, 下午約3點已經離開動物園…. 用了約3小時!! 整個動物園, 有部份的地方沒有走過 (因為覺得沒有特別) , 半場表演也沒有看過 (因為熱得太淒涼) ….

如果選1-2場動物表演看, 應該可以花上半天時間的…. 如果小朋友大一點, 需要多點解說, 那就更加需要多一點時間…..

.

《長隆酒店下午茶篇》

離開動物園, 距離我們回程上車的時間還有3個小時…. 那就剛好可以到長隆酒店參觀參觀…

註: 長隆酒店有穿梭巴士往來各個樂園, 南門也有站的…. 但等了十多分鐘, 也沒有車, 結果有架"白牌"收我地15個人仔, 車我地去酒店, 我地就應承了!

媽咪本來想坐在酒店的大堂等夠鐘就回程, 不用花費, 靖天也可以涼著冷氣休息….

很市儈嗎?! 對啊…..

影衰香港人嗎?! 不覺得, 因為國內同胞來港, 也是這樣子, 我模仿佢地咋~!

那當然, 最後沒有這樣做….

到達長隆酒店, 已經人山人海….. 大堂任何一個"免費"角落也坐著人, 想做cHEAP人, 也不是一定可以的~!

其實這天下午, 爸B媽咪還沒有午飯, 累透的爸B, 說要輕鬆一返, 找家餐廳, 坐著休息休息, 吃些東西……  最後, 選了這家"長隆美食廊"…. (唔記得全名)……

似酒樓的樣子, 又"貴價"一點…

入內也不少香港人啊, 似在等"車", 等"夠鐘"返香港?!

媽咪擔心酒店內的餐廳又要加一, 又要打稅, 計埋原價就貴上貴…. 結果呢, 又不算…. 香港價錢吧~! 但品質、服務、格調, 就更好囉….

靖天: 『渴死我喇…. 飲啖水先~!』

最舒服莫過於3個人食, 俾左張6人枱我地…….

洗洗手, 爸B換過衣服, 就點菜了!!!

靖天有杯、有碟、有匙、有筷子… 俾埋水佢…… 結果玩左半餐飯…..  爸B媽咪舒服好了, 您盡管玩吧~!

媽咪和靖天的食相…….. 心肝似乎比較熟女一點?!

點心很有"香港口味"…. 蠻不錯的!

大大粒蝦蛟還只是RMB16… 可以接受吧?!

牛腩河就爭一點點…. 何解國內的河粉都這麼硬?!

燒雞串有點貴, RMB32, 但爸B說好好味…. 成碟, 佢食曬~!

長隆酒店附設的中菜館, 好味!

爸B食飽, 又幫忙看著靖天, 讓媽咪抖抖氣….

大熱天時, 抱著靖天, 難怪這個月, 媽咪的體重在不斷下降……  心肝, 認真多謝曬!

靖天: 『牙痕…… 咬咬先~~~~~~』

有冷氣的地方, 靖天就會精神!!

曬左半日, 來到這家餐廳, 心肝直情好似叉左電咁…..

又玩, 又笑, 又走來走去….

人不算多, 時間越晚, 人越少, 自然放心隨她玩….

爸B: 『趁媽咪見唔到…. 打死你個衰女包!』

什麼都玩得一餐…..

仲要不停話: 『好好玩呀~!』……..

辛苦嗎?! 都是值得的…..

靖天: 『櫈仔….. 好玩呀!』

坐到4點半, 媽咪建議到酒店走走參觀….

看看有否機會, 明年再來享受一番…

酒店分為新翼, 舊翼…. 大, 十分大!

因為泳池在舊翼那邊, 房客想游水, 就得穿過大坴, 穿過商場, 才能到達…..

這天, 見到的, 90%都是香港人 (流利廣東話麻…. )

而且… 一部份還穿著泳褲, 泳衣, 在大堂, 商場來來往往, 感覺… 其實挺搞笑!!!

這邊在賣名牌手袋, 但門口走的是穿泳衣, 撻拖鞋的房間…. 對比, 有點兒強烈~!

咁多人, 可以想像…. 大堂有幾嘈嗎?!  

唯一的合家照…… 拍於長隆酒店門外!

準備離開了, 這天我們不選的士, 而且坐"白牌"車….. 收費RMB20, 可以接受, 而且, 會說廣東話, 不怕兜路混吉…..

我們還是第一次坐"白牌"車呢…. 感覺, 不是太差~! 至少, 冷氣夠, 沒有異味, 不會黑面!

周末….整家酒店都是人, 門內門外都是人….

旺…. 但要是選擇來這處渡家, 那就可能要辛苦一點了……

靖天: 『攰喇, 又未補妝, 唔好影我~!』

.

.

《回程篇》

5點半已經到達祈福新村, 還有時間…

我們走進了祈福新村的俱樂部看看………….

泳池好大啊!! 但人也不少….

靖天上了"白牌車"已經睡了, 抱著她走, 實在有點兒辛苦, 也就找個位子坐下來, 感受一下那微弱的冷氣…. 十多分鐘後, 再到巴士站報到!

.

這天的路應該十分不順, 車又遲了15分鐘才到達……

才坐好, 司機已經開MIC說「虎門大橋大塞車, 我地行廣州o個邊走…..」

當堂惹來一陣小哄動….

爸B媽咪唔識路, 都知其實番禺也不完全屬於廣州境內…. 也就是我們要先北上, 再南下, 才能回到香港……

也沒有法子, 車子行, 總好過停下來動也不動…..

我們的車子走上廣深公路, 兜了一個大圈, 最後來到司機說"好塞車"的虎門….. 然後到東莞, 深圳….

靖天睡了….. 爸B和媽咪也拍拍先~!

回程的時間有點辛苦, 因為靖天中途已睡醒 (也睡了2個小時的了) ….. 然後就好似食左忽得咁跳來跳去, 又想走來走去, 仲要時不耐就大叫, 大嗌….. 以為自己去左聽演唱會麼?!

還好, 冷氣夠, 爸B媽咪也小睡了一會, 算是應付到靖天了…..

以為要3個小時才到香港….

結果6點3開車, 8點3已經到左深圳灣口岸…..

晚上回港的人不多, 約10分鐘就成功過關…………..

回家的路, 似乎更快~! 歸心似箭麻!!!

結果, 8點45分我們就在市中心下車… 再轉小巴回家去咯!!

回到家才9點15分….  又是2.5個小時, 可以接受!!!

沖好涼, 無叫外賣 (因為已經差不多10點…..) 爸B煮了一人一個公仔麵 + 煎蛋…. 飲返兩啖可樂, 看看電視, 就齊齊大覺訓咯!!!!

是日晚餐…….. (定宵食?!)

.

感想:

拍的照片比預期中少…. 也不算十分美, 因為爸B越拍越熱, 越熱越流汗, 結果… 他放棄了! 媽咪也沒有多咀, 隨他怎樣就怎樣…..

回到長隆酒店, 更是拍得幾張, 十分行貨….

爸B話, 辛苦, 不是要走路, 不是要坐車, 而是天氣實在太熱太焗, 令人覺得喘不過氣來….

其實一來一回總共5小時的車程, 要一天內"完成", 實在無可能說"好舒服"…..

係咪旁人講"咁辛苦", "好攞命", 又不覺得….. 猜想是因為靖天的懂性吧?! 長年人, 而且長居大西北, 坐長途車已經變成習慣, 如果靖天乖巧的, 其實坐車不是一個大問題; 又當然, 要是靖天一直都是有"上車發癲症", 爸B媽咪就不會有此計劃吧!!!

這個長隆野生動物園, 有好有不好吧…. 又係"小朋友大一點會多一點體會"O個款…..  比起幾年前去的夜間野生動物園, 收費貴了 (當年是包大馬戲的!), 面積小了, 但動物卻生猛了!!! 好懷念細細個同傻姨成日跟靖天婆婆去"荔園"…. 現在的小朋友, 似乎比我們兒時還不不幸!

彈藥夠, 當然要住長隆酒店, 跟白老虎吃早餐, 才算過癮….. 要不, 這麼一個"一天遊", 其實也十分不俗!!! 如果…. 選天氣涼快一點, 就完美了!

靖天: 『獅子…. 老虎…. 長頸鹿…. 猩猩…. 下次見喇~!』

(904)

Comments

comments