靖天…. 唔好爬咁快呀, 媽咪追唔到您喇~!

婆婆雖然沒有工作, 但有時也需要請假啊!

這天, 婆婆就因為要陪太婆婆到醫院覆診, 不能照顧靖天, 要跟媽咪請假半天了!

早上要上BC, 媽咪要上課, 爸B已經幫忙上午請假帶靖天上學, 那下午…. 就要靠媽咪咯!  還好, 媽咪假期還是有的, 可以帶帶靖天, 享受一下閒日的天倫樂….

可惜媽咪晚上又要加班, 一來一回, 實在令人疲倦, 那就….. 在公司等爸B收工好了, 待爸B放工, 帶靖天回家, 媽咪就得加班去咯!

.

早上接過靖天後, 爸B還帶著靖天到旺角接媽咪放學, 兜了一圈, 才施施然的上班去!!!

午飯過後, 靖天已經午睡醒來, 那下午時間流流長, 實在不宜把靖天待在辦公室….

想了一想, 不如就帶她到Playtown走走看吧?!

橫掂…. 心肝已經半年多沒來了~!

.

愚蠢的媽咪, 選了坐叮叮….. 仲要……. 唔多知道邊度落車~!  (對啊, 靖天媽媽, 總是很冒失, 帶著靖天就橫衝直撞, 差點兒沒連累心肝頭破血流~!)

還好, 媽咪還不算是路痴, 幸運地找到了”西寶城”, 順利落車….. 抱著靖天, 加上炎熱天氣, 是有點吃力, 但沒關係啊, 待會可以涼冷氣麻!

闊別8個多月的Playtown…. 感覺不大同了!!!!! 靖天只是離遠望到, 已經一枝箭的衝著入去…. 著她穿上襪子, 她都急不及待似的….

平日價為HK$80, 租一個儲物櫃, 多收HK$10, 埋單, HK$90, 還沒有進去, 就立心要玩到最後一刻才離去, 以免蝕底~! 

也不用我刻意安排, 靖天已經左左右右前前後後的參觀….

然後走到”Toddlers’ Area“, 靖天不發癲才怪…. 那些”電玩產品”, 已經無見好耐, 老朋友麻, 當然要關心一番~!!

靖天: 『咦? 呢個係我屋企個軚盤, 做咩黎左呢度架;….』

心肝對狗仔還是十分鍾情…. 這個狗仔琴, 搬來搬去的…. 十分惹笑!

靖天: 『吸住我呀… 救命~~ 救命呀!!!』

這天也真奇怪, 其實打從上月開始, 發現靖天對玩具車的感覺強了…. 家中放置已久的車車, 閒時也會拿來玩玩…. 但對”真”車呢, 卻熱情未減…. 是因為真車的軚感較好嗎?!

這些大型的玩具車, 平時實在很少可以玩到…. 未知心肝是否看慣看熟…. 上車, 落車, 都會自己關車門…. 關不上嗎, 又細心的, 慢慢的, 就是要把它關上!!! 這份執著, 令媽咪看得著迷, 因為實在太…. 可愛喇!

車…… 成了靖天這天的最愛!! 來來回回十數遍, 都是這架車!!~~

遇上小朋友, 靖天該禮讓一番啊! 難怪…. 俾人打, 都無還手~!

靖天: 『究竟揀邊架好呢……』

靖天: 『呢架車幾襯我, 媽咪, 買!!!』

靖天: 『閂門先…..』

留意左心肝好耐…. 實在唔知點解, 可以咁有手尾?!

這天, 我們遇上一位不太紳士的小男孩….

話說, 靖天在玩一個”噴波波”的機器, 正當靖天玩得異常投入之際, 忽然走來了一位小男孩…. 應該有2-3歲吧?!

他想也不想, 就把靖天推倒在地上…..

心肝還不知發生咩事, 媽咪已經”火都黎埋”!!!!

用肯定的語氣跟這位小男孩說了一句: “Be Gentle, Please!!!”  (要知道, 媽咪是家英文有限公司, 能吐出這幾個字, 已經好叻的了~!)

小男孩的”保母”也趕到場, 問到他家的小主人是否把囡囡推倒, …. 連聲說對不起, 我們也不便久留, 因為小男孩眼睛仍是怒氣沖沖的…. 似乎想把我家的靖天吃掉~~~!! 為避再有不愉快的事情發生, 媽咪還是先帶靖天離開好一點….

靖天: 『執波波…. 扔!!!』

看見旁邊的哥哥在做, 靖天也有樣學樣… 這樣玩, 省時多了!

隔左陣再返黎玩, 竟然嗌”驚“?!

當然, 新玩意, 心肝還是那”吱吱”聲… 玩得好投入啊!

.

然後呢, 媽咪就提議靖天爬爬走走…. 表面是”好好玩, 試試看”, 其實是想看看已經20個半月的靖天, 體能發展上, 還有什麼需要注意….

這天, 心肝算是走得多路了….

上到黎, 心肝忽然變左個BB, 起勢咁爬呀爬…. 超可愛啊!

心肝一口氣由地下爬到上面, 跟住穿州過省咁….. 差o的賣甩左媽咪!

還有這些”山洞”… 難到媽咪, 絕不會難到靖天呢!

除卻自己開關車門, 令媽咪看得心動, 還有這個…………

走上繩網, 其實腳要花點力, 也需要忍耐那種”重量的痛”…… 心肝的小腳不算十分敏感, 但很難想像…. 佢可以自己行個繩網…. 好叻啊!!!  雖然….. 這不是什麼大躍進~! 但媽咪還是第1次看到麻~!

爬繩網也難不到靖天, 是意外之外的~!

最初, 要扶著走…. 然後, 自己走…. 唔記得左媽咪…

走到”上層”, 想跟靖天拍拍照…..

求左佢好多次, 先肯俾我拍…….. 幾張~!

還好, 效果都唔錯, 無手震…..

咁叻, 拍拍照片吧~!

靖天:『媽咪．．．．　個位好似唔係好o岩喎….』

靖天: 『唔攰架咩…. 抖抖先啦!』

爬高爬低幾十分鐘, 媽咪累了, 也想心肝喝點東東補充一下水份…

就買了一枝果汁給她….

然後, 心肝又嚷著要吃零食….

媽咪貪吃, 又買了一包牛仔片給她…… (這時, 想起爸B, 他最愛牛仔片的, 如果他在此, 一定很開心吧…. ) 結果, 靖天咀細, 媽咪吃了一包, 心肝才吃了兩塊…. 呵呵!!!! 正所謂, 手快有, 手慢無… 心肝, 您倒要努力學習如何跟媽咪爭吃咯~!

靖天: 『媽咪真係巧無聊…. 乜都影一餐!』

不停嚷著要小吃的靖天…. 最後因為媽咪貪吃, 屈服了!

茶點時間…. 心肝認真招積啊!

放學時間, 忽然來了很多小朋友…. Toddlers’ Area也變成”Maids’ Area”….  不過這些Maids… 也不甚友善, 對少主就十分熱情, 人家的孩子…. 總是黑埋口面的…. 有錢人, 就需要這樣子嗎?!

 
(右圖) 這張小小音樂椅, 心肝坐上去, 忽然…. 變大了!

心肝, 您在擺陣麼?! 工作人員才剛放整齊那些玩具呢~!

又要找桌椅坐好才玩…..

這個情況, 在第2天帶她到圖書館, 更為明顯…..

很難解釋為什麼靖天連玩玩具都要坐在桌椅上, 也許….. 因為在家也是這樣, 習慣左?!

近這個星期, 靖天忽然愛上桌椅, 工作, 玩, 都總是找張桌椅才安心~!

這天, 來了一個奇景….

放學時間, 走來了5-6個日本仔… 真係日本人個仔黎!!!!

其中一個小朋友仲不停以日文@#$%@$咁同我講野!!! (嘩, 小朋友, 我鬼知你講乜咩.. )

然後, 呢班日本小朋友就入左個”球場”到踢波…. 當然要影低佢!

嘩, 好多日本仔呀……..

靖天見到哥哥踢波, 又話要入去….

唔得啦~! 入去人地實踢返您出黎…… 我地排隊吧!

排左一陣隊, 終於輪到靖天入場踢返兩腳咯!

打波踢波, 還是找爸B指導較好…..

這天靖天的活躍情況….

不停跑呀跑, 走呀走….. 還好人不算多, 不用”捉雞仔”似的, 而且還有很多工作人員遍佈每一角落, 不怕靖天受傷, 更不怕她走失咯!

相片拍得差, 是因為…. 靖天的步速~~!!!

不停走來走去…. 難怪離開後會咁攰~!

這個”鐵餅“, 其實媽咪也不太知道怎樣玩….  所以不能提出任何指引….

靖天呢….. 初時就圍在轉圈唱歌…. 還走來要我唱埋一份…

然後, 就開始佻皮了!

這個搖搖轉….. 心肝上次已經有玩, 今次, 玩得更投入!

首半部: 懷疑靖天在唱歌, 然後圍圈轉…
後半部: 明顯係想作反!!!

玩到尾斷, 其實媽咪已經有點累…..

所以, 也隨靖天想點就點, 媽咪只是跟著後面, 確保心肝的安全…

玩玩下, 又要走埋黎扭下計, 嗌兩聲…..

靖天, 思想上, 還是很BB吧~!

愛…. 靖天走來走去, 捐來捐去的樣子!!!

玩玩下又要扭下計, 心肝….. 咪搞笑呢~!

靖天: 『Playtown… 下次叫埋朋友仔一齊玩先~!』

跑跑跳跳, 然後吃吃喝喝… 到差不多5點多, 靖天累了, 爸B也差不多放工, 就打道回公司找爸B…. 今次學精了, 改坐的士, 也舒服多了…. 

跟靖天玩了一個下午, 她就睡得甜咯! 媽咪卻累透…. (晚上還有加班, 實在十萬個不情願!)

爸B接過靖天, 媽咪也工作去了….

到晚上十點, 才回家看到靖天…. 晚上的靖天, 有點兒扭計, 還好爸B也搞得掂心肝, 叫了外賣等媽咪回家一起進餐, 再坐一會, 就齊齊上床訓覺, 結束了”沒有婆婆的上班天”….

 
累透的靖天…. 變返個小BB…..
(看看她小手如何放, 就知點解係小BB囉~! )

辛苦爸B要幫忙帶靖天, 雖然照顧女兒是應份的, 但要請假, 又要放工抱著靖天坐巴巴, 實在有點兒辛苦…. 說到底, 爸B工作比媽咪的忙, 壓力也比媽咪的大, 放工後, 倒不想給他太辛苦的感覺麻….

這天, 就辛苦一次咯!! 希望沒有下次吧?!

(234)

Comments

comments