靖天: 『四萬咁口……. 可愛吧?!』

上個月, 想寫又寫唔出, 唯有夾硬寫O的野出黎….. 實在有點兒牽強….

這個月, 終於想到可以怎樣記錄心肝了!

既然心肝在認知, 自理能力上, 都做得不好, 那媽咪就塑性不寫….

說到底, 這都是留給爸B媽咪年老後用來回憶的記錄, 實在不宜寫太多女兒不同的東東~!

那…. 不如就這樣記……. 好一點吧?!

.

9月19日, 下午

走過便利店…. 心肝發光了! 然後, 在門口…….

靖天:『食糖?!』

靖天:『好丫!』

靖天:『(點點頭) 謝謝~~~!!! 』 (走進便利店)

整個過程, 爸B媽咪也沒有任何反應和表示, 也不是爸B媽咪帶靖天到便利店, 只是碰巧逛街經過….

心肝, 您的”自閉症”似乎越來越嚴重~~~ 要帶您看醫生麼?!

靖天: 『係咪好勁呢?!…..』

9月24日, 晚上

愛靚, 已經很久很久以前的事….

現在, 心肝不單喜歡人讚她靚, 而且, 見到一些她認為美的東東, 也會問問我們, 希望得到認同… 也希望跟我們分享….

為她穿上新衣, 告訴她這是新衣, 她會走去問爸B: 『爸B, 靚靚呀?!』

當媽咪打開櫃通, 她會一件件衣服拿出來, 併在自己身上 (明明O的衫唔係佢!) 跟住去照鏡, 然後又會自言自言話: 『o岩呀.. o岩呀~~ (o岩著意思)』 跟住又去搵第2件…

這天, 帶她到Playtown, 她拍了幾張照片, 又問媽咪……

心肝, 您做的, 什麼都好, 什麼都靚…..

靖天: 『媽咪…… 靚靚呀?!』

.

9月XX日, 晚上

一家三口在聽歌仔…. 靖天在唱, 爸B也加上嘴巴一起唱….

靖天: (無故發爛)…. 搞呀…. 搞呀….

爸B: 傻架, 幾時有搞你… 我唱歌咋麻!

媽咪: 您做咩呀? 邊個搞您呀?

靖天: (繼續不滿) 搞呀… 爸B….. 搞呀…. 爸B搞我呀!

爸B媽咪即時呆了數秒….

媽咪: 您講咩?! 邊個搞您話?

靖天: 爸B搞我….. 爸B搞我呀………

心肝會說句子, 已經不甚奇怪, 奇是奇在, 媽咪甚少聽到…  而且, 未知是否媽咪意會錯, 總是覺得, 句子, 不是將幾個單字併合, 就叫句子… 不是應該有動詞, 名詞, 甚至形容詞, 才算句子麼!?  算吧!!!………

但這天晚上, 爸B媽咪聽到的, 是靖天能夠完完整整的說上一句句子, 而且還用來表達自己的不滿…. 實在難得, 也令媽咪大為感動… 因為這句句子, 媽咪好像已經教到259次…. 終於, 心肝懂了!

靖天: 『坐住呢架巴士….. 可以環遊世界麼?!』

.

10月1日, 早上

媽咪給幾塊餅乾, 放在碗內, 並叫靖天坐在自己的桌椅上品嘗, 然後, 媽咪就到廚房準備烚蛋給靖天….

不到一會, 靖天已經拿著碗, 走到廚房找我…….

到準備好烚蛋, 走出廳, 發覺…. 心肝本來坐著的椅子….. 給整齊地拍好!!!

除非屋企有鬼…. 如果唔係….. 應該是心肝自己拍上吧?!

這就是傳說中的秩序感嗎?! 只感覺心肝呢個月, 多了一點時間”找整齊”….

會”放回原處”, 也挺執著….

有些東東教過幾遍, 連媽咪也不為意, 但心肝又會做好……

感覺女兒乖巧, 也許Best Concept也應記一功吧?! .

.

10月4日, 晚上

晚上, 跟靖天回家…. 經過了屋苑的小公園 (遊樂場)….

靖天: 公園? 黑媽媽….

(這是爸B媽咪正在閒談)….

靖天: 公園…. 黑媽媽呀~~~!!!!

媽咪: (意會靖天在說話) 係呀, 黑媽媽呀, 因為天黑囉~! 夜晚無人去公園咯! 您想去?!

靖天: (擰頭) …. 公園… 黑媽媽…. 驚呀!

媽咪: 咁我地改天再來好嗎?!

靖天: 好丫!

回家去了….. (其實只是媽咪想早點回家…. 不是夜晚就無人到公園呢, !)

..

心肝的貼貼心底話…. 撞板搞笑故事, 又豈止這麼少…

只是媽咪想做這個動作時, 已經是心肝快21個月的時間, 之前做的, 也忘得八八九九…

唯有寫上幾篇, …. 給自己留個小回憶好了!

下個月, 會努力咯!!!

(325)

Comments

comments