靖天…… 已經2歲了!

12月9日 (星期三), 早上
『問下媽咪先!』

早上, 媽咪在準備上班… 靖天起床後, 又搞搞震… 在書房, 聽到靖天….

靖天:『搽CREAM…. 好痕呀!』

然後… 靖天拿著媽咪的防曬…. 走到媽咪面前….

靖天:『搽CREAM丫! 問下媽咪先~~~!! 』

媽咪: 『係喎, 要問媽咪喎… 不過呢枝唔好用啦 (咁貴)…. 用你自已個枝啦~』

靖天: 『好丫….』

聽到要”問下媽咪”先…. 感覺很”Superior”…. 有些時候, 媽咪也得要做些”媽咪”的威嚴麻!

.

12月11日 (星期五), 早上
『買啦, 好好味架喎!』

返學後, 靖天又慣性走到7-11買小吃…

這天, 給她發現了她最愛的芝士!!!

靖天: 『芝士呀!!!』

媽咪: 『係呀, 不過屋企有啦….』

靖天: 『芝士呀… 好好味架喎! (已經拿起了一包) 買啦….』

媽咪: 『唔好啦…. 好貴呀~~~』

靖天: 『買啦, 好好味架! UM-UM-UM… (好好味的樣子) 』

最後, 當然被媽咪打發, 改買了第2樣…

靖天那句”好好味架喎”… 實在說得動聽, 不得不記下來!

.

.

12月19日 (星期六), 晚上
『弊傢伙』

晚上坐車回家…..

在車上, 嫲嫲拿出一個水果給靖天….

放在椅的一旁… 然後, 那個水果, 跌了……

嫲嫲: 『哎呀, 趺左喎, 點算呀?』

靖天: 『…….』

嫲嫲: 『跌左喎….. 靖天…』

靖天: 『弊傢伙!』

惹得車上的我們哈哈大笑….

弊傢伙…..您都識?!

.

12月18日 (星期五), 晚上
『自己食藥記』

看: 靖天食藥記 [23個半月篇]

.

12月21日 (星期一), 晚上
『沖完涼喇?』

晚上回來, 靖天在廳玩, 媽咪先沖涼….

心肝這陣子都比較獨立, 再沒有不停要媽咪, … 媽咪也安心的沖涼去!!!

沖涼, 閂水….

然後, 聽到靖天在廳大叫: 『沖完喇?』

繼而, 心肝走到浴室, 『媽咪, 沖完喇?』

係喇係喇… 沖完喇, 靖天保長, 什麼都要管一頓嗎?!

.

12月24日日 (星期四), 早上
『唔知道呀!』

靖天: 『 (指著一個牌牌) 嘩! 咩黎架?』

媽咪: 『(例牌唔答) 係喎, 咩黎架?』

靖天: 『…… 唔知道呀~~~』

這3個字, 早上上學前, 才教靖天一次, 誰不知放學後, 已經懂了, 明白了…….

.

. 

12月25日 (星期五), 早上
『出去玩啦, 小心O的喎, 好凍呀….』

早上起來….. 吃過奶…….

靖天: 『食飽飽喇….』

靖天: 『出去玩丫…. 我想出去玩呀…..』

媽咪: 『玩乜呀?』

靖天: 『ERR…..玩廚房丫!』

媽咪: 『好啦, 咁你出去啦~~』 (起身越過爸B身軀)

靖天: 『要小心喎, 慢慢行先….』

落到地……

靖天: 『地下凍既…. 好凍呀… 』

一連串的說話… 弄得爸B也忍不住彈起來看看靖天…..

說得一口流利句子… 看來, 未來的日子, 有排”受”咯!

.

12月27日 (星期日), 晚上
『爸B白痴呀!』

看:  靖天: 爸B白痴呀!

.

12月31日 (星期四), 黃昏
『係咪真架? 唔好嚇我啦!』

黃昏, 接靖天外出吃飯…

在電梯內, 婆婆又借意嚇靖天…

婆婆: 『您隻鞋上面有隻甲由呀!!』

靖天: 『(望著自己的鞋子)….. 邊度呀?』

婆婆: 『嘩, 好大隻呀…. 咁您都見唔到?』

靖天: 『邊度呀?………. 』

靖天: 『邊度呀? 唔好嚇我啦……..』

看? 這真的是2歲寶寶會說的話嗎? (噢, 忘了我的心肝還沒有到2歲呢!!!)

.

01月01日 (星期五), 早上
『爸B, 醒醒呀!』

早上起來, 心肝又是第1名…

前一個晚上, 爸B工作至夜深, 最先醒來的, 是靖天~~~

靖天: 『媽咪… 媽咪….』

媽咪: 『咩事呀… 好攰呀..』

靖天: 『爸B…. 爸B…』

靖天: 『(見爸B唔郁)….. 爸B…. 醒醒呀!』

一輪轟炸後… 爸B醒了, 心肝也笑了!

靖天: 『爸B, 起身喇…』

.

01月02日 (星期六), 早上
『媽咪, 無化妝呀?』

沒有爸B的假期, 媽咪帶著靖天上街去….

出門口, 鎖好門…

靖天: 『媽咪! 你無化妝呀?』

媽咪: 『(呆半秒)… 係呀… 今日無化妝呀~!』

靖天: 『媽咪, 無化妝既?』

媽咪: 『哎呀, 今日唔洗見人, 唔洗化啦~?』

靖天: 『媽咪… 無化妝呀~~~』

……

……

做乜O者… 唔化妝唔出得街架咩~

咁今日得我同您, 咪唔化妝囉…. 唔洗下下咁姿整啦, 衰妹!!!

.

01月02日 (星期六), 晚上
『擦擦背…』

看: 這夜, 女兒替我擦背背…

.

01月02日 (星期六), 下午
『好嘈呀』

人來一往的商場….

靖天: 『好嘈呀!』

媽咪: 『好嘈?!』

靖天: 『好嘈呀….』

平時您都好嘈啦, 女~~~~

出街, 梗係嘈O的架啦!!!!

.

.

01月02日 (星期六), 晚上
『媽咪, 過黎! Come On!』

靖天要看VIDEO….

在爸B的電腦上, 然後叫著媽咪…

靖天: 『媽咪! 過黎…』

媽咪: 『黎…. (都係唔郁!)』

靖天: 『過黎… 媽咪!!』

最搞笑, 莫過於心肝小手郁郁的, 做出”過黎”的動作…..

然後…..

靖天: 『媽咪, 嗌你呀!』

媽咪: 『係喇… 咩事呀?』

靖天: 『過黎呀… cOME oN~~~』

媽咪: 『女, 您邊個教您cOME oN架?』

…. 連COME ON都識. ….. 即係無得唔”COME”啦…

.

脾氣方面麻…. 坊間經常提到的什麼T2…. 恐怖2歲…. HORRIBLE TWO…. 應該來了?!…..

靖天的”唔好”, “唔想”, “我要”, “我既”, “唔俾”…… 開始弄得媽咪有點頭昏腦脹… 更有點兒想”扔佢落街”的感覺…..

爸B面對這個倩況, 比媽咪更嚴重…. “嚴父”式的樣子, 開始表露出來…. 只是給媽咪”教育”了十多個月, 半信半疑的…. 在爸B心中, 也許女兒還是給寵壞了吧?!

.

近月, 媽咪對如何教導靖天, 又出現了”迷茫”的情況…. 很多”心理關口”也不知道如何處理方為上策… 面對女兒的”唔好”, 面對女兒在街上”撤野”, 面對途人半恥笑的奇異目光… 媽咪該如何為自己訂位?!…..

方法, 知識, 技巧, 不是不懂, 但就是做不好….是不夠熟能生巧吧?!…..

.

女兒…. 乖巧一點, 好嗎?!……. 媽咪實在唔想掉您落街…..

(338)

Comments

comments