媽咪: 乖女, 生個弟弟妹妹俾你好無呀?
靖天: 『生多個?! 好難喇…… 生多個, 邊個錫我?!』
這陣子, 媽咪又泛起”生多個” 的念頭…
我想, 這裏只有三數位網友, 才知道靖天媽媽一開始的想法….. 
然而, 靖天出世後, 女人心, 又變了….
“生得是福”….. 是在網絡上感受過來…..
表哥數年前發生的事情, 觸動了”好想生”的情懷…. 爸B媽咪實在十萬個不願看到, 兩老有什麼事, 靖天得孤伶伶的面對…. 
半年前的小同同學聚會, 發現一個有位同學仔, 已經孤身一人….. 
每當看到靖天在公園上熱情的跟著哥哥姐姐背後, 靖天媽媽就很有衝動, 想給她一個小弟弟/小妹妹, 讓她作伴….
然而, 爸B明確的表明, 加上看到對靖天過去24個月的”洗費”….
實在不能不卻步下來…..
家中現在一個支持, 一個反對, 餘下的一票, 就落在靖天身上…. 
靖天: 『生左弟弟妹妹, 無人餵我食野, 唔制!』
.
2010年1月15日 (星期四), 晚上
媽咪: 『靖天, 不如媽咪生個弟弟妹妹俾您好無呀?』
靖天: 『 (想了一想) 唔好喎!』
媽咪: 『下? 點解呀? 您唔係話想要弟弟妹妹架咩?』
靖天: 『唔要呀!! 唔要~~~』
媽咪: (試圖說服靖天)『但係弟弟妹妹會陪您玩喎, 咁您又會照顧佢, 好開心架喎!』
靖天: 『(想了兩秒) …. 不如生姐姐丫?』
媽咪: 『下? 你想要個姐姐咩?』
靖天: 『係呀!』
媽咪: 『但係媽咪生唔到姐姐架喎, 不如靖天做姐姐, 我生弟弟妹妹俾您丫?』
靖天: 『唔好呀~~~』
媽咪: 『好啦…. 好開心架架真係…』
靖天: 『訓覺喇!!! 熄燈啦!!!』(然後做出疲倦的樣子, 還合上眼睛) 
爸B: 『哈哈哈哈!!! 講得好呀!!! 熄燈啦~ 媽咪~~~~』
…………………..
…………………
…………………..
媽咪才不會這麼快就放棄!!!
終有一日, 心肝會跟媽咪同一陣線既!!!! 
靖天: 『爸B, 今次我同你同一陣線!! 放心, 媽咪無咁易得逞既!』
.
後記…
2010年1月23日 (星期六), 晚上
靖天: 『唔生呀~ 訓覺啦!』
攝於一個周末的晚上…
靖天的意向, 說得再清楚不過….
最後還得要說: 『扮BB丫… 扮BB…』
意指她寧可自己扮BB, 做媽咪的BB, 也不願有多個弟弟妹妹………
阻力….. 又深一層了……. 
(769)
靖天話:影乜野呀!又好似串串地,但靖天媽媽叫佢笑果陣就好得意呀~!
好難叫到佢笑架, 其實~~~~
靖天果然識得逃避呢Ｄ敏感問題
你唔覺得佢好衰咩~嗚~
哎呀~依家先睇到依篇blog~少左幾日笑tim!!哈哈~靖天真係好可愛呀!!!!哈~~生姐姐呀!!!好得意呀!!!
佢未明白有多一個陪佢既快樂o者^^
慢慢啦~那一票,你遲早得既!!!^^
傻瓜…. xdxdxdxdxd
希望可以得到啦, kakakakak
靖天嘅反應，同茄茄係一．模．一．樣！
唔要細佬！
點解？
會爭我d玩具玩
唔會嫁，要排隊家嘛
生哥哥俾我啦
唔係喎，你做哥哥啦不如，你做大佬丫嘛
唔要細佬！
=.=”””””””’
茄茄竟然識…… “同佢玩具”, 好強呀!
(係咪有人教架?!…….@.@)
哈哈 ! 生姐姐 !!!!
可能我阿仔仲細未識分，以家同佢講你係哥哥，有妹妹喇 ! 佢反而會好開心咁笑 !!
講真，開支一定會多左，不過真係開心事呢 !
諗下啦……..
等佢大小小, 你又問下佢?! 嘻!!!!
開支大真係一個大問題啊!
如果夠地方住, 生多個相信錢應該不是最大既問題.
我屋企之前都發生咗d不如意既事, 嗰刻真係覺得好慶幸有妹妹同弟弟一起去撐, 所以我又係最怕日後有咩事, 梓朗要孤伶伶一個人去面對. 但我同梓朗爸好多嘢都不能達成共識, 所以一路都唔敢去諗呢個問題.
至於靖天, 相信媽咪你絕對有辦法幚佢洗腦的, 哈哈!
地方唔夠住呀, orz~~~~
exactly, 你同我想法一樣, 好怕好怕好怕….. 靖天第日要自己一個去面對屋企既事…..
洗腦不是問題, 但同時我都要幫爸b洗腦囉!
段片好搞笑呀﹗係咁話要瞓覺…哈哈哈…
唔通佢真係知道生咗弟弟妹妹會分薄咗？hahaha
係喎, 仲要好串咁講…. @.@
其實, 依家我抱其他bb/小朋友, 佢都已經好似打爛左個醋呈咁架喇……..
哈哈…係架‥所以如果你要生多個你就要比多啲信息佢，以免到時搞到唔開心呷晒醋…haha
如果……… 我會架喇, xddxxdxd
好好笑呀
一味 “唔生架 .. 瞓覺啦 .. 唔影呀”
笑死我呀 ..
哈哈
我都覺得佢好搞笑 (但原來有人係唔明, 亦都唔識笑…. )
不如生姐姐丫?』好醒目喎!!!
好無奈就真呀!
靖天果段片好攪笑! 下次你等佢無咁想瞓覺再問佢可能答案又唔同咗!^.^
你想生多個咪生囉! 始終都好D既! 我都好想生多個!不過好多野唔容許咋!
佢一時一樣架, 不過問下等佢有個心理準備都好既, 嘻!
生多個…… 好多野要諗啊!!! 嗚嗚!
我而家都好似你甘諗, 見到自己個女同D小朋友玩時個開心樣, 真係好想佢有個妹妹, 可以同佢玩, 同佢一齊分擔所有事~
但係…又係一諗到個錢字..又會卻步~
除左錢, 仲有時間………..orz~~~~~~~~~
原來好多人都會咁諗, 我都係呢! 因為如果真係咁好彩可以生得出, 年齡差~3年真係好好呢~~~
不過都係$$$作怪, 大家都係因為呢個問題止步…
有時會諗我地會唔會想得太多呢? 不過要有計劃作好預算先好似係一個負責任的行為…真係太傷腦筋啦!
有時, 我寧願”生左先算”……
船到橋頭自然直麻!
生得是福呀!
好搞笑 ~ 睡覺喇, 唔生喇 !
仲要勁悔氣囉…………
少有喎，通常d bb 都會想要弟妹的
佢要我生”姐姐”俾佢呀, ORZ~
靖天之前唔係想要細佬妹架咩?
其實生第二個無第一個用咁多錢, 因為只需要running cost 唔洗 setup cost, “時間”反而係最大問題!
我都唔知啊…… @.@
哈哈, setup cost, 好鬼accounts呀!!!!!
靖天真係識選擇要做爸B媽咪永遠的BB，不過你再問多幾次答案可能會唔同，靖媽努力呀！
咪係囉…… 太過份喇!!!!
咁我唯有keep住日日問, xdxdxd
唔緊要啦， 你重後生， 慢慢都未遲啦．
你眼花喇, 我已經唔細架喇, …….. =.=
佢仲細呀.. 等多年啦.. 唔好急. 家下有左, 湊死你呀.
等多年你再有就perfect啦. 哈哈..
到時佢見到同學仔有細佬妹, 佢到時會轉口風啦.. 哈哈…
我都係咁話, 生得是福. 我咪又係可憐佢得一個人,第時孤伶伶羅. 但係豆爸又係同靖天爸一樣反對.
正所謂, 有仔趁嫩生, 陣間老左, 無得生點算 (唔制呀!)
豆爸又係咁? 難道…… 爸爸都……. 怕了小魔怪? xdxdxd
哈哈!!!
對答so funny!!!!
不如唔好問啦!!! 如果我生都唔會問, 有左就開始洗佢腦!
我好想佢有”能力”答我, 佢想”要弟弟妹妹”………
佢都係家庭成員黎架麻!
(不過我真係咁有幸大肚, 我一定會幫佢洗腦囉, 呵呵)
哈哈,”生個姐姐”好搞笑呀^^
(瀅瀅:「點解唔可以啫,橫掂我想要個妹妹,咁我做你姐姐咪得囉!)
靖天仲細呢,遲啲佢可能就會想要呢,因為瀅瀅像靖天這年紀時,都說唔要弟弟妹妹,不過到佢大個啲,佢就同我講,好想要有個妹妹,可能人大咗開始鍾意同小朋友玩,又可能係上學後,見到啲同學仔有兄弟姊妹。
瀅瀅想做姐姐? 不如佢地做姊妹啦, kekekekekekek
(幾時到你生呀?)
勁攪笑…..好似叫佢生咁!
係喎, kakakakakak
呢段VIDEO好正呀…
好少錄到靖天講咁多喇…
仲要講得咁清楚…
內容都講得好好笑…
hahahah…
真係好少錄到佢咁多說話……… 嘻!!!