『咱們仨』的2010期望….
老實說…. 當我在blog中看到人家寫什麼2010願意…. 2009回顧…. 實在覺得有點”無聊”的感覺… 『呢o的在心中咪得囉…. 洗唔洗寫出黎俾人睇呀?!』
不過…. BLOG本身就是一個很私人的地方, 也許, blog主是想給自己看, 不是想人家看到麻… (咁又唔set做private?!)
然後….. 靖天媽媽, 決定做一件無聊事…
也不介意公開給朋友翻閱… 原則上, 不是太私人的東西, 媽咪也很小會”private”左佢…
.
2009年, 『咱們仨』過了超充實的一年… 生命, 因為靖天而活得更精彩….
2010年, 有幾件大事, 很想做…….
的起心肝, 執左個BLOG….
過去2年, 爸B多次投訴, 媽咪為左個BLOG, 瘋了!! 日寫夜寫, 乜都寫, 係又寫唔係又寫, 又成日都計住有幾多人睇, 有幾多人留言, 然後搞到自己唔開心, 跟住走去煩佢…
上個年尾, 媽咪曾對爸B許下承諾, 當瀏覽人次達到100萬, 就會將網誌關掉!
年初, 爸B看到瀏覽人數, 細細聲的說了一句: 『咦? 應該可以好快執左佢喇喎!』
如無意外, 年中, 應該有望達到100萬大關….
但….. 媽咪真的捨得將之棄掉?! (無左個BLOG, 咁我做乜好?!) 
Feb10 – 已達100萬大關, 決定食言, 寫下去!
.
換樓 (事關已經唔小心賣左層樓)….
2010年1月23日, 唔小心, 賣左現在的住所… 痛心, 更怪自己狠心…
為免外來環境為靖天帶來不必要的”焦慮”, 還是早早買返個單位, 安頓一下….
高賣–高買, 我發誓: 我呢世都唔會再有第2次!!!! 
Jan10 – 賣樓後4日, 已經買返個, 求個安心!
.
爸B的小Project可以成功
靖天媽咪什麼都愛管, 靖天的當然會管, 爸B的事, 也愛管一餐…
上年年尾, 媽咪為爸B訂下了一個”行程表”…
說小其實不小, 說大, 其實又可以很大…
事情在今年一開始已經遇到大問題…
但願, 餘下的時間, 可以安排得好一點….
誰不想成功?!….
Feb10 – 豆大的曙光, 是好事!
.
媽咪完成文憑課程
上年9月開始了課程, 雖說是彈性學習, 鍾意點讀就點讀, 但近日發現, 那團火, 有冷卻下來的跡象, 為避爛尾, 還是快快將她完成!!!
要是本月的考試都合格, , 3月多報一科, 應該年中可以完成整個証書課程…
下半年, 要是能有氣有力, 就得趕快多報3科, …
文憑, 等我!!!
FEB10 – 為免影響靖天9月開學, 打算打早於9月前完成!
.
加人工
上年初, “唔小心”要老細加人工…
今年, 可以又”唔小心”嗎?
(發夢中……..)
FEB10 – 老闆主動查問上一次加人工日期, 可惜只問, 卻未見有反應
.
豪花2萬, 滿足自己2年來的無知慾望
靖天出世後, 就有一個夢想…. 卻發現, 要實現, 有點貴…
這陣子, 那個夢又在出現…
2萬銀實在不是小數目, 要是能實現, 就好咯!
.
去2次旅行
上年都去左2次, 今年都唔想例外…… 
不過….. o的彈藥已經用曬, 未有時間儲返…….. 喎! 
MAR10 – 鐵定為2010的第1次
.
帶靖天睇”雪”
真o個o的, o係個天到落落黎o個o的…….
.
靖天快高長大, 變得又乖又叻, 全家身體健康, 最好病都唔好病
年年生日願望, 人人每年都有呢個願意
咁媽咪都唔執輸…. 整個返個”膽”….
.
年尾提自己, 記得睇返….
老實說, 以前在公司寫的Action Plan, 寫得出, 好多時都做得到…
希望今次, 都係可以寫得出, 做得到!!!
希望…….
希望…………..
希望…………………
(946)
努力呀, 有信心一定得, 無信心就一定唔得嫁啦
嗯, 知道喇!
的起心肝, 執左個BLOG….???
唔係呀MA? 雖然我係妳個blog既忠實讀者, 如果妳最後下咗這個決定我一定會支持妳, 因為如果為了寫blog影響妳一家既正常生活or妳既作息時間, 健康, 妳真係要作出取捨, 因為我絕對知道妳唔似有啲blogger咁求求其其寫咗就算, 妳會搵圖片,資料, 儘量做到十全十美先出街, 所付出既絕對唔野小,
especially for a busy mum, 妳重要係嗰種多多鬼注意既mum (home playgroup…), 我真係好佩服妳點可以抽身寫blog……所以如果寫blog已經對妳變成一種負擔既時候, 就不如忍痛…….因為所有嘢既終極目的都係開心.
(各位fans, 千祈唔好扑濕我呀!!!!)
哎約, 多謝你啊!
這個對我的評價, 實在很窩心…….. @.@
是需要時間, 但訓少2個鐘就可以咯! 嘻….
多謝你………….
祝你既心願好快一一達成.
執咗個blog好可惜喔. 其實你寫blog個原意也是為了記底一家三口既生活點滴, 等第日老咗可以回味下. 唔好去介意其他嘢, 那你就唔會因為咁而唔開心了. 如果用係寫blog既時間真係太多, 可以選擇性去寫…我自己雖然無寫blog但我也會記底梓朗成長路上既點點滴滴因為唔寫底真係記唔到咁多呢…
我明白….. 我當然明白, 但要用心實行又似乎很難… orz~
我真係冇惡意架…
不過睇左你個blog咁耐…
睇睇下有d睇唔到…
好吊引呀!!!
哈哈…. 還是八卦先,ｋａｋａｋａｋａ(講笑)
我又係年尾賣左樓呀,同你心情一樣,仲係好down
仲要有兩個小朋友,好煩>.<
可唔可以我睇下你篇賣樓記分享下
我有e-mail,thanks
你好呀靖天媽~我睇到你個卜話你賣左樓,點解啊?我覺得你屋企都好好丫,起碼又大又企理,詳情可唔可以俾個password我呢?我而家住緊天水圍,一直都覺得地方太細喇~成日都心郁郁想換樓.仲有5年就供完間屋(居屋),如果換私人樓,一定又要再從新供樓,又要為層樓去打工,真係15/16呀!!!!
我收到你email架, 你等我覆你麻……. >.
我以為你收唔到tim…..>
收到, 點會收唔到~~~ :)
Don’t close your blog la. It cheers me up a lot because you’re really a hardworking ma. I have a 0802 baby therefore I love to see all the growth and development of Veronica. I’m considering home removal as well but worried that it might affect my little boy. Can you send me your PW so that I can see your private articles? Many thanks.
e-mail : rozanng @netvigator.com
你實在太客氣喇….. 好多謝你支持就真!!!!
(咁多人想搬屋?!)
靖天媽…如果你唔介意…可唔可以 sd埋個pw俾我呢??
我冇惡意架,,,
哈哈…….. 係咪真架?
祝心願達成!不過除左第一點
哈哈!!!
多謝你啊!
靖天媽媽：
我願妳2010年的大計能一一實現，努力!!
但除了執左這個bolg，我唔支持呀~~>.
咁咪唔可以100%願望達成?
好多謝你既支持……. 真係, 真係好感動!
執左個 Blog 都係願意之一 ????
曾幾何時 .. 我都執過一排
但 . 諗黎諗去都係唔捨得
要再次投入 Blog 中 (但就私隱左)
希望你 呢一個願意 不會達成得到啦 !!!
其他就 一一如願 !!!
你都知, sinablog無得私有化架啦,ｏｒｚ～
要set曬pw, 好痛苦啊!!!
不過, 我好想多謝你…….. 好窩心啊!
我都唔支持執左個BLOG啊﹗
你又唔支持?! 俾十萬個理由我!
我諗呢度冇人支持你執笠 ~
其他願意, 努力, 加油 !!!!
支持我既, 會因為你地既留言而唔敢出聲架麻, 哈哈!!!
anyway, 多謝你, 好多謝你~
我小留言, 但都有睇你的 blog.. 唔好摺咗佢…
無左”咱們仨”, 還有千千萬萬既blog等你看…….
多謝你…. 靚太!
你睇, 幾多人支持你, 當然我地係一份子, 其實我覺得寫blog都係想比第時靖天大個咗睇返, 有個好好的回憶, 都係為咗靖天而做的…數字重要嗎?如果真係忙咪試吓減產囉…
我地希望係2010年的願意一一達成, 都係除咗摺blog一事啦!
我也明白……. 但就是不想給它牽著鼻子走…
不過好多謝你….. 真係好~~多~~謝~~你~~~
靖天媽媽，你個blog咁好睇，如果執咗真係會好可惜，唔好咁啦!
祝你願望早日逹成! (除咗執blog)
(又係呢句?)
好似…… 迫人支持我咁, xdxdxdxd
不過我要多謝你….. 很窩心啊!
我都唔想你執咗個blog! 因為我日日都睇ga! 無咗我會掛住你地! ANYWAY! 都希望你其他願望一一達成!
多謝你呀!!!!
(你可以email搵我架麻, 嘻)
吓….執O左個 blog…………….唔好掛……
雖然我唔係成日留言, 但係都有 keep 住睇架….
多謝你呀…………. 感動中
唔好執左個blog呀!! 如果你執左, 我地又少左個抒發心情 & 溝通嘅好地方!! 我好鐘意睇架!!
我都有好多計劃想係今年進行, 但好多野都在變數之中, 但事在人為, 希望各位都可以願望達成!
新朋友…. 我都好唔捨得呢度啊!
不過成日俾個blog牽引住情緒, 又好似有點兒那個……
就係知道今年多變數, 先特意寫低, 看看年尾仲記唔記得要做呢o的野….. xxdxxdxd
我都有諗過想換樓, 但都有考慮中, 所以都好想睇吓你篇”賣樓篇”, 可否比個PW我呀! THANKS!!
點俾你呢?!………….
靖天Ma Ma,
I read your blog every day but I seldom leave a message. Dooooooooon’t close the blog la! We really like reading it. I think the information you provide is useful.
Anyway, hope everything is going well with your family in 2010.
Hava a nice day.
嘩, 你已經有2個小朋友喇, 好犀利呀! 咁樣, 應該係你教返我先岩啊…….. :)
感謝你, 感謝你的支持!!!
可以E-MAIL比我, 你見唔見到我E-MAIL的address?
見到!!!
新的一年希望你的願意成真！
但係摺Blog……….唔好咁0拉，你捨得我地呢班fan’s咩………..
你用到”FANS”黎形容….
咁我可以點….. =.=
(你覺得, 我會捨得咩? 嗚~~)
all the best for your family and the many more to come !
Thanks ~:)
先祝你2010 心想事成!!!
執咗blog~~ 唔好la~ >n<
因為每次上網, 都要係你個blog 去看看啊~~
(雖然少留言~~)
你寫少左…
生多個…!!
哈哈, 都話無人同我生咯!
Happy New Year! but…plz reconsider not to close the blog, Veronica is such a cute angel, I believe she has lighten up the days of many of your readers :) And reading your blog has energized many tired mums like myself!
唔係佢, 我估都無呢個blog….. @.@
多謝你啊, 這是很窩心的鼓勵呢~!