[濕疹篇] 25個月發作記
濕疹最痛苦的, 莫過於皮膚很癢, 十分癢, 非常癢………
由2月初天氣一天比一天冷開始, 靖天的濕疹越見反覆…
明明已經塗過藥膏, 不停的塗潤膚露, 情況就是不好, 而且一天比一天差…….
除了平常四肢的”摺位”, 身上包括肚, 背, 大腿, 小腿, 手臂, 頸, 面, 眼, 都出現濕疹似的紅點, 一撻撻的………
情況, 就似下圖的…… 幻想當整個寶寶身體都佈滿這個紅疹, 情況, 是多嚇人! 
參考圖片(2): 跟靖天身上的濕疹, 99%相像, 而且涉及皮膚的80%
年初二晚上, 跟靖天沖過涼後, 發現身上的紅疹都變得很嚴重, 而且很”鞋手”, 看靖天很癢的, 就決定帶她看醫生! 
年初三早上, 看開的那個兒科醫生沒有開門, 那只好看其他的”假日醫生”, 目的其實只是希望醫生開點類固醇和抗敏藥給靖天, 好讓她舒緩一下…
一如所料, 醫生開了1%的類固醇, 和一枝”例牌”抗敏藥給靖天……..
吃過藥水, 塗過藥膏, 心肝似減了一點癢, 但疹還是又紅又大的放在靖天身上… 
.
最詭異的事, 穿上衣服, 靖天都不會”R”自己身體, 但只要一脫下衣服, 她就會起勢的”R”….. 就是要”R”到自己紅紅的, 流血為止……
這陣子, 跟她沖涼, 還得要將她的雙手捉著, 慎防她又不停的”R”損自己….
.
到晚上11時 (已經留意了好幾晚, 準時11點!!!), 靖天就會不期然的”R”起來… 一直至凌晨時分……
有一天晚上, 媽咪起來飲水, 嚇然發現趴著身子, 熟睡著, 但就不停的用手”R”著自己的背…. 第2天起來, 背部都給”R”到流血了!
然後, 媽咪就知道, 為何每天早上, 靖天的身體都是紅紅的, 還帶著絲絲血痕….
睡著也不停的”R”, 真的痕的這樣厲害?!…. 睡夢中也不停的”R”著?!
.
放假後, 情況都沒有太大好轉, 適逢靖天患了感冒, 就到馮醫生處, 一口氣的說了靖天的情況, 拿了另一種藥膏, 情況好得快一點…….
.
相片攝自2010年2月28日 (發病後的2.5星期)
只是靖天一直的”R”, 尤其是晚上…..
爸B媽咪也沒有可能每天都不睡, 看著女兒有沒有”R”…..
結果….. 除了身體被衣服遮著的地方, 連面孔都變得花花的…….
已經不是標緻的女孩, 還得在面上多加幾道疤, 難道靖天非得要將自己變成”爛妹”才心息?!………
.
後記:
2010年3月2日 (星期二), 婆婆再帶靖天到馮醫生處, 說的話一樣, 只是婆婆聽進耳朵, 又比媽咪說的更動聽…… 
不停吃抗敏藥, 不停吃類固醇…. 沒完沒了的, 媽咪開始受不來……. 
.
(2849)
你好,
見到你個blog寫濕疹,入嚟睇下,唔好意思!
睇到你囡囡d相,好心痛~
我仔仔都係有濕疹架,而家7個月大,佢1個月大開始起,開頭都係搽健康院醫生開既藥膏先好唔搽就發,搽到佢4個月大,我就睇咗個西醫,佢都係開藥膏比仔仔搽同埋要我戒口(因為餵人奶),2日後仔仔好番咗8成.
我想講不如你試下幫囡囡戒口,睇下有冇幫助,雖然仔仔都未好得晒,最起碼唔會咁嚴重.
如要list,請回覆!
戒口的方面…… 已經有了, ……. @.@
不要再用類固醇，它有很大的負作用，會令皮膚抗大，還有很多的負作用。我女兒由bb的時候都有濕疹，都幾嚴重。但我堅持不用類固醇，多留意她對什麼會敏感，就不吃。小時候，和她外出吃飯，只給她白飯，因為我發現她對有味精和色素的食物會敏感。她今年十一歲，看上再也不像有濕疹。但要經歷一段難看的日子。一定要找出致敏源。
沒有辦法, 還是要用……
反而我擔心那”抗敏藥”多一點呢……
對味精敏感好慘啊!!! (點算?)
益生菌唔係等同飲益力多就可以, 千其唔好比咁多益力多靖天飲啦, 好”野”痰架.
阿仔飲緊個隻益生菌係一粒粒膠囊裝, 每晚瞓前開奶時扭開粒膠囊, 將D益生菌(粉狀, 冇味, 冇色)加入奶內比佢一齊飲, 而未用嘅益生菌要存放於雪櫃. 你都係check check係邊可以買到, 買比靖天試試, 反正都可以對腸胃有幫助, 一試無妨.
嘻, 我知道喇!!!!
我寫低左喇, 遲o的會做research, 多謝你唷!
客氣, 自己也是當媽媽的, 絶對明白妳的感受, bb辛苦, 寧靜自己代受~~~~
希望周醫師可以幫到靖天~~~
對啊, 佢地舒服開心, 我都都有著數麻, xxdxdxd
Rainbow,
I can understand your painful, cause I have the same problem as little Veronica. Don’t give up! Add oil! She needs your support.
你也有這個問題??????????
咁點解決呀?
見到靖天r到咁傷,我就諗起我個仔兩歲頭時因轉居住地區而嚴重濕疹,那時連頭皮都r損,見到就心痛。
不過好彩佢搬返新畀又好左,不過都會間唔中r,我覺得r好似已經成為佢既習慣或小動作。真係唔想佢痕,我都試過幾種方法,覺得有效既有: 1) 每晚QV浸浴(5-10MINS,皮膚變得滑滑的) ; 2) 益生菌 (食左小小時間,之後遺忘左,樽野仲在雪櫃) 3) 睇中醫 (上次介紹你那個冼醫生,佢D藥膏好得呀,我自己搽左好左好多,起碼唔痕,傷痕都好了好多),我老公家姐做藥劑的,佢都比左好多潤膚膏我,嚴重時仲叫我用豬油膏幫佢沖涼,但我覺得呢D應該係防範方法,但對發了出來的濕疹感覺幫助不大,搽左都係痕,類固醇一定唔痕啦,不過你應該好了解負面影響吧。我見都有好多人比左意見你,你要努力消化下,快D行動搵良方,祝靖天早日脫離濕疹既纏擾。
咁就C火喇, 靖天依家已經住到大西北, 難道要搬大陸/………?!
豬油膏沖涼有試, 唔得! qv浸浴試過, 仲痕左; 益生菌同你個e生未試, 抄低曬, 消化左再行動!!!
我堂細佬都有呢個問題….
我聽屋企人講…就係介口..
唔好食d重防腐劑ge食品….特別係紙包飲品同汽水..
同埋你可以上網搵下資料…
因為我聽到堂細佬個中醫提議佢用片糖溝水沖身…
希望對靖天有幫助喇…因為濕疹真係比較難斷尾..
片糖溝水我都想試呀, 但…..怕唔怕太甜?!
睇到都好心痛呢! 佢現在有無好d?
希望大家的建議可以幚到靖天, 等佢可以脫離呢种折磨.
謝謝關心了! 現在好了一點, 但天氣又急變, 恐怕下周又得要帶她看e生咯………
個份量係幾多我都唔清楚…
不過係最好就煲好先沖涼…
一沖完涼就印係個身到…
咁就唔怕d水會太熱…
同埋唔好太甜…唔係會立痴痴唔舒服架…
你可以試用煲”元茜菜”湯來沖涼, 效果非常好.
就咁元茜煲水嗎?
好陰公呀~情況好嚴重咁喎!
我個女天氣唔好都周身痕, 醫師教煲金銀花暖水抺下身,止痕舒緩的(但唔好溝生水, 煲起後待放暖才用)…我諗, 呢D一試冇壞吧 ~
琴日我試左喇, 唔可以用生水? 點解呀?????????
見到都覺得好心痛呀
唉, 唔好再講……
>.
靖天媽媽,
有否想過看中醫, 因我個女都有濕疹問題, 每次飲了幾次中藥就好了.
Bo ma
一次咁大把….. 靖天食中藥有如要佢死, 跟住怕左唔敢再帶佢睇……@.@
唔知點解喎~醫師話咋 !
我唔知呀, 嗚!!!!!!!
好啦好啦; 我記住!
我諗 .. 最好睇睇皮膚專科 等佢俾 d 意見好 d @@
我無相熟啊!
哎呀…. 唔好意思, 我上次敏堯有加水的, 你今晚再用, 唔好加水……
下? 唔加水, 玩野呀!!!!!!!!!!!
係呀! 上次見到靖天, 返到屋企老公問我靖天重咩??? 原來靖天d濕疹咁嚴重, 真係陰公囉…”r”到咁樣…
我都覺得不如比佢試多一次中醫啦! 與其治標不如治本, 就試多一次, 或者靖天今次對中醫個抗性冇咁大呢!
哈哈, 你老公少見多怪囉, xdxdxdxd
中醫我還在尋找中…….@.@
之前係bbkingdom見有人話彭明慧ok, 有上電視tim架仲,不過未睇過, 你可以試下. (本人唔係賣廣告)
好咯, 個個有一個意見, 我大把野可以同靖天試, 唔該曬你啊!!! :)
我自己皮膚都有事,不是濕疹但是類似的病症,我吃了3年類固醇,只會對身體做成傷害及基本上是不大可能治好的,後來轉看中醫,初時都不見效,後來經朋友轉接介紹,在佐敦一個男中醫,他醫好了我,雖然時間也不短(都成6,7年了)(當然都要因個別情況而定)但我現在開心得多了,以前當每天洗完澡後, 都要跟那痕癢搏鬥2小時才稍覺好轉, 就連正常社交活動都不願參加, 食也沒胃口…有一點要提的是,這醫生要求病人介口,有很多東西不能吃..當病人看見那介口紙時都覺得有無攪錯.. 但只要儘量按著做,病情容易好些.
這醫生叫蔡漢錦/診所電話27359833.
希望晴天快些好番啦!
好驚…………. >.<
很感謝你的分享, 我會努力的給靖天安排治療了!
靖天媽, 見到靖天的情況, 十份心痛, 家人睇開的中醫很好, 都是醫濕疹的, 要介紹嗎? 但不知道會唔會睇2歲的兒童, 但可給妳資料一問!
叫什麼名字啊? 可以一看嗎?
補充:
http://www.yeesumtong.com.hk/index/
周大偉醫師
唔該曬你呀!!! 我會記低佢架!!!!
試每天用mustela沐浴油同濕疹皮膚系列的潔膚露.我囡都有輕微濕疹,每當乾燥天氣,一定同bb密密塗,預防番發.
真好怕,所以現在都keep住俾bb日日用這系列.so far 都okay. 另外,煲金銀花沖涼都好好,有舒緩作用.
已經用緊mustela, 唔得………
金銀花只試了一天, 還有待觀察
似乎很嚴重…
不會給她帶手套睡，會不會好一點??
唔肯架喇, 大個女~
見到靖天”R”到損晒 ~ 真係好心痛, 我個仔都有濕疹, 出世後一星期就開始發晒d濕疹出嚟, 仲成面都損晒, 後來塗左好耐1%個隻類固醇藥膏就好左啦, 而家間中都會係耳底番發.
另外我查過d資料話食益生菌會對小兒濕疹會有改善, 我而家都有比阿仔食, 但食開個牌子係在脊醫到買, 冇其他門市賣, 或者你可以問問你個家庭醫生, 睇吓有咩牌子介紹.
仲有可以試用一種”竹炭液”, 有助改善濕疹, 比條link你睇睇http://hk.myblog.yahoo.com/vitalcharcoal/article?mid=144
希望幫到靖天!
咁有難度既…….
益生菌 (咁飲益力多得唔得?)
寫低佢, 有時間就去買!
益生菌係咪即係乳酸菌? 如果你唔想比靖天飲益力多, 可以試下食自製乳酪, 我頭先剛剛行過city-super,個阿姐sell我話d乳酪粉有乳酸菌,係organic同幫到大便…你可能都聽過->www.easiyo.com.hk
如果可以幫到濕疹同去便便都唔錯呀!
另外,皮膚專科,我自己生完之後唔知點解有左主婦手, 係好痕架,個醫生話主婦手其實係濕疹既一種,佢比左d用來洗手同查既藥go我,之後明顯有好轉, 我自己都睇左好多醫生, 又中又西, 又牛油果都唔得.
我既情況係好痕,especially at nite when i mentally gone to sleep,我係一路sleep一路”r”,even i have already closed my eye, i can’t control of myself, until my husband wake my up and tell me. 第二朝醒左會發現成手血痕,好乾,d 皮become好厚…
所以我好明白靖天架,我係大人都可以有時stop下自己,忍下,但佢咁細個,好難叫佢唔’r’架! 靖天可能真係好痕呀! 好心痛呀!!我見到都..
但e個醫生好遠,最重要係佢好串!!!!!! 每次都比佢串到死去活來…但無計,佢d藥係幫到我.仲有好多bb同細路睇佢 (但0係d newsgroup都有人批評佢係yellow green!). 靖天媽媽,我唔知我主婦手可唔可以同濕疹比較,但起碼兩樣都係d超難醫既野, 你可以攞多個contact做reference呀!
馬宜聰 2706 6131
加油,唔好唔開心!
很感謝你的分析和意見, 很長的分享, 我要多點時間消化啊!
睇見都(登)靖天辛苦，希望其他媽咪提供d資料可以早日幫靖天解決濕疹的問題。
多謝你啊!
My sister has suffered from 濕疹 for over 20 years. She has been taken anti- allergy medicine, putting on 類固醇 cream throughout these years yet the condition hasn’t improved much. Three years ago, I also suffered from very serious 濕疹 (every part of my body were affected by 濕疹 except my face and for months I couldn’t sleep at night), after taken western medicine for about 3 months, I started to see 中醫, taken herbal medicine for about 1 year and luckily recovered (the chinese doctor allowed me to take western medicine along with the herbal medicine but need to have a 4-hour interval between the medicine). Some babies of my friends also suffered from 濕疹 and they chose to see 中醫. So u can give it a try. Don’t be frustrated.
中醫是會試的, 只是尚沒有找到一個心儀的去看咯! >.<
你依家無事麻?!
Dear Judy:
好, 等我過幾日好返, 俾靖天試下先! 麻煩曬你呀!