靖天的第1次… 爸B的第1次…. [只供咱們仨閱讀]
.
[只供咱們仨閱讀]
靖天: 『同爸B沖涼, 好玩過同媽咪喎!!』
假日爸B在家, 給沖涼的重任, 都會交到爸B身上……
10次, 有8次, 靖天都會爆喊, 嚎哭, 不停叫『媽咪! 媽咪!』
照理, 爸B的手勢應該比媽咪溫柔, 但就是想不到何解靖天會如此抗拒爸B幫她洗澡!!
.
2010年2月28日 (黃昏)
這天, 靖天有點抗拒, 但之後, 又沒有了……
媽咪在房內, 還聽到靖天和爸B在玩得嘻嘻大笑………
十數分鐘後, 媽咪聽到: 『不如一齊玩丫!?』
爸B: 『你想我同你一齊沖涼?!』
靖天: 『係呀, 一齊沖啦!』
靖天: 『咪鬼影啦!!!!…… 好咸濕呀!』
之後, 沒有再聽到爸B回覆…….
媽咪也繼續集中整理一下家務………
又過了十數分鐘, 媽咪走到廁所, 打算看看靖天….
咦?! 爸B呢?!………
媽咪: 『嘩! 乜你同個女一齊沖涼既?!』
爸B: 『車, 唔得架咩! 個女叫丫麻!』
媽咪: 『你會同個女一齊沖涼???? 唔得, 我要影低佢!!!』
爸B: 『你咪白痴啦….. 唔准呀!』
當然, 媽咪還是不停的拍下去…………. 
靖天: 『大驚小怪…… 媽咪又大驚小怪呀!』
靖天已經快26個月, 爸B從沒有跟靖天嘴對嘴的親吻……
從使女兒剛出世時, 也沒有這樣做..
媽咪曾經要求爸B嘗試一下, 這是很難得的回憶, 靖天長大了, 就不能這樣做了!
結果…… 爸B: 『唔好啦! 唔係幾好既~~!!!』
.
然後, 上年開始, 媽咪又要求: 『不如你試下同個女一齊沖涼丫, 好好玩架!』
爸B: 『痴線! 點可以咁架!!』
媽咪: 『怕咩喎, 我同你都成日一齊沖涼架啦!』
爸B: 『你點同喎….. o個個係我地個女黎架麻!』
媽咪: 『過多兩年, 就唔可以咁架喇, 你趁佢仲細 (搏佢唔記得), 試下啦, 好開心架!』
爸B: 『唔得! 唔可以咁架!』
對於爸B的保守, 媽咪實在感到很好笑……
想不到, 爸B也有這麼思想古舊的一面!
爸B: 『個女好凍喇, 仲影!!! 快o的攞毛巾啦!!』
然後, 這天, 爸B竟然因為『個女叫既!』而自願的脫下衣服, 跟靖天一起洗白白…
很溫馨的場面……
很窩心的情境……
這可能代表靖天對爸B的感情加深了, 才會作出這樣的”邀請”?!
從來, 只有媽咪會被靖天邀請『一齊沖涼』, 現在, 連爸B也有了!!!!
.
沒有半點吃醋, 反而很為爸B感到高興…
兩父女, 感情似乎又加深了!!!! 
.
註: 照片其實什麼都拍不到, 只是像徵式的加了一隻插圖,
好讓它豐富一點!
朋友, 切勿心邪啊!!!! 
.
(223)
衰鬼，一早睇到啲咁激嘅野，精神哂
僅係要遮啦，話哂都係出浴照
哈哈, 都無野睇………
係咪 爸 b 都係咁架呢
Chester Babi 到依家都唔肯同 聰兒 一齊沖涼架喎
聰爸同聰兒同性喎, 都唔肯?!
ha ha 爸爸好似好尴尬呀~!
xdxdxdxdxd 係呀~
haha..搵日我都要求下我老公同個囡一齊沖涼…睇下我老公點答先得…靖天爸爸..好捧呀 …為了心愛的靖天..值得加許…睇妳個blog..我真係獲益良多之餘…仲感到妳們好warm..加油呀 !!
kakakakaa 太誇獎了! 只係沖涼咋麻……..
真係好sweet,我都好期待同囡囡一齊沖涼.^ ^
我囡囡十六個月大,依家仲係抱起佢洗頭,開始好重唔夠力,想同佢用花哂洗,又怕佢驚,懂唔懂合埋眼.
靖天幾大唔洗抱住洗頭嫁??
我成日都要同囡囡一齊沖涼架……
佢實在太…..痴身!!!! @.@
通常都係我同佢沖完, 佢玩水, 我就自己沖咁囉;
少少淋親唔怕啦, 抹返佢囉…… 嘻!