靖天上學了@ EduCoach艾篙 [心理輔導1&2]
靖天: 『媽咪…….我好擔心你呀~!』
2010年4月14日
這天, 靖天要補課, 安排在下午時間….
如常上課, 如常下課….
接回靖天時, 還是看到心肝一張笑臉…
當老師見到媽咪來接靖天, 就問: 『媽媽今日有無時間呀?』
媽咪: 『有呀!』
老師: 『咁不如媽咪除除鞋, 我地入去傾?』
媽咪乖乖的脫掉鞋子, 跟靖天和老師課課室…
但感到很奇怪: 『要做RECAP在課室外談就可以咯, 做咩要叫我入去既? 』
然後, 很自然就想到: 『阿女, 您唔係又做錯野麻? 千祈唔好係認知發展有問題啊!』
.
坐下, 老師先跟媽咪RECAP一下這天上課的情況, 然後….
老師: 『頭先食茶點時, 靖天食食下, 忽然低著頭, 然後就喊起上黎, 口不停講住”好擔心媽咪”, “好擔心媽咪” …….』
媽咪沒有出聲, 若有所思… 
老師: 『佢喊既情況係好平靜, 好冷靜, 唔似係扭計咁喊 (大家都知平時靖天扭計喊是哪個樣子的) 佢無大吵大鬧, 只係一邊喊, 一邊食餅, 啲眼激不停咁喺佢對眼度流出黎, 然後就話”我好擔心媽咪”….』
老師: 『想問下靖天呢幾日, 有無咩特別事發生過?』
媽咪: 『靖天呢幾日都好乖, 無咩事, 但係…. 我同先生星期日鬧過交, 全程佢伏在喺我身邊, 聽到曬我地講既野… 』
然後, 媽咪將當天發生的事, 完完本本的告訴了老師…
媽咪: 『但今日已經係星期三, 佢呢幾日喺屋企, 喺婆婆度, 都完全無野仲玩得好開心架喎…』
老師: 『有時情緒未必會立時爆發出黎, 可能佢靜落黎, 記得, 就會慢慢咁發洩出黎….』
媽咪: 『咁佢今日課堂有無特別情緒問題呀?』
老師: 『咁又無喎… 我同佢講, “媽咪去左SHOPPING, 唔洗擔心呀!” 茶點後, 佢又好乖咁投入課堂, 但感覺就少左平時繃繃跳既感覺….』
簡單來說, 就是”有心事的樣子”….
老師請媽咪協助靖天將這個心結解開, 嘗試用ROLE PLAY, 嘗試用”玩公仔”, 讓她明白爸爸媽媽吵架不是她的錯, 也要她明白, 媽媽哭是發洩情緒的一種, 哭過就會沒事, 也不用擔心…….
談了個多小時, 媽咪抱著靖天離去…….
.
2010年4月15日
第2天, 茶點時間, 靖天又再哭起來…..
靖天邊哭: 『我好擔心媽咪呀… 』
靖天: 『媽咪去左SHOPPING麻….. 唔洗擔心…』
有同伴一起上課, 整個課堂都沒有太多失落的樣子, 但就是坐下來, 吃餅餅時, 就無故的哭起來…. 眼淚情不自禁的流出來…..
照顧她的姨姨, 也被靖天的這個樣子嚇得不知所措……
.
.
2010年4月16日
第3天, 拒絕吃茶點, 才進課室, 已經不停跟老師說: 『我唔食餅餅呀!』
.
.
我們從沒有想過, 靖天的思想, 成熟度, 對成年人世界的理解, 是如此的深, 如此的多… 
這個年紀的小孩子, 我們都以為他們對世事一知半解, 大人們的感情事, 連大人們都難以處理, 莫說要小孩子明白…
但似乎, 這都不大適用於靖天身上…
已經不只一次, 靖天作出令人不可思議的行為和表現…
不介定她這個表現是好是壞, 但已令我們無比訝異… 
.
結果, 媽咪跟靖天說了多次為什麼會哭, 也給她知道, 現在的媽咪很開心, 很快樂, 因為有她….
嘗試讓她明白, 媽咪哭過, 就會沒有事, 叮囑她不用擔心….
同時, 也試過用家家洒, 角色扮演, 嘗試將她潛藏的感覺抒發出來…
只是成效不大…… 
2010年4月17日
這天中午, 媽咪準備幫靖天穿鞋子, 出門口去街…
坐在爸B電腦前, 也就是當天爸B媽咪吵架的位置….
靖天: 『爸B嬲呀!』
(已經無比意外) 媽咪: 『爸B嬲…. 咁跟住呢?』
靖天: 『跟住, 爸B走囉…』
媽咪: 『爸B走… 咁你開唔開心呀?』
靖天: 『我好開心呀!』 (明顯地已經受多天的”洗腦”而官腔式答出”我開心”…
靖天: 『靖天我開心呀! 婆婆開心… 姨姨開心…. 舅父開心…. 爸B開心…』
說遍整個家族, 獨欠1人…….. 
媽咪: 『咁… 媽咪呢?』
靖天: 『 (遲疑一會) 媽咪都開心!』
媽咪: 『係呀, 媽咪都開心呀, 因為有靖天囉… 咁我地一齊開心好無呀?』
靖天: 『好呀!!!! 』 然後, 兩母女大笑起來…
.
事隔一個星期, 靖天似乎也將事情淡忘起來…
沒有再提著『我擔心媽咪..』
更沒有不故的哭起來…
大家也安心一點….
對靖天造成這麼大的心理困擾, 爸B媽咪很歉疚, 也徹底的明白, 為什麼人家總說不要在兒女面對吵架…
沒有撞過板, 又怎會明白醒覺起來…
超感謝EDUCOACH的老師, 果然, 老師的心理學証書並非浪得虛名!!
一句『你都明白佛洛依德講既潛意識同埋佢既機制, 係唔應該將情緒積壓起來..』深深的打動了媽咪… 
雖然, 這些學說坊間有的參考書多的是…
也許, 沒有這位導師, 靖天在茶點上無故哭起來, 只會被以為是扭計? 掛住媽咪? 脾氣壞? 不想吃茶點? …..
更不會在課後跟媽咪分析討論這麼長時間…
這個學費, 老實說, 付得實在便宜咯!!! (有埋心理輔導…)
.
很意外, 靖天不在婆婆面前哭, 不直接跟媽咪說, 而是選擇在課堂的茶點時間….
可以想像, 心肝對這家中心, 對這裏的老師, 是多麼有安全感….
回想, 在BC的半年, 心肝也沒有好好的建立這種關係, 但付的銀兩比現在還要多啊!
這種微妙的關係和感情, 也該算是老師的功勞吧? 
還是希望在這家中心, 靖天會更努力的學習學習……
也讓我們更安心的將女兒交予老師咯!!!!
靖天….. 對不起………..
爸B媽咪以後都唔敢咯! 
.
.
(728)
靖天真係好懂事呀! 幸好佢識得講出嚟, 件事也總算解決咗, 所以你們也不要太自責. 最緊要大家日後可以做得好d…
睇完你呢篇文, 我真係要好好警惕自己先得…我之前都試過幾次係梓朗面前同梓朗爸鬧交, 不過事後都會同梓朗解釋返發生緊咩事雖然佢未必明…我記得看過本書提過話小朋友好多時見到父母鬧交就會聯想到是自己做錯了事.
我應該感謝老師的細心才對, 不是她, 才不會發現靖天有異樣呢;
鬧交沒關係, 也許事後要給他知道發生什麼事咯…….
就是怕會像靖天…… 成熟過龍;
經一事 長一智 麻
要試過才會知呢
幸邢有位好老師
反而 . 我驚訝靖天的是
第 3 天 .. 佢想唔係茶點時間記起這件事
一進課堂 要求不吃茶點
實在 實在
超級叻呢
係佢自己諗過度過既要求喎
真係 真係
好有腦
第3天是我在電梯叫她食茶點唔好喊, 點知佢入到課室就….. 話唔食茶點…….
有腦…. 這個是什麼鬼腦袋?!
是的,有時我地真係睇小左佢地!所以自己既一言一行都要更加小心!唉…唔係手尾長!!!
唔好唉啦…….
好事不好事, 都是一個成長麻!
靖天好可愛,好懂事…佢已經學會擔心身邊既人…
靖天,你係得既!!
好似早左少少……. orz…………….
呢間學校既導師真係好好呀,靖天能夠遇到咁好既老師,真係凳你地高興呀!
請問可唔可以比呢間學校既網址我?同埋呢個course其實o岩唔o岩4歲小朋友?
得知靖天無再因爸媽嗌交事件而情緒低落都安心d,靖天媽媽,我諗經過今次你應該已好好上了一課,你那麼愛靖天,你一定會避免同樣事情再發生。
講到小孩在靜止狀況下會勾起一些不快經驗,我個仔都試過呀,佢多數都係在訓覺前先靜下來,有幾次佢試過在訓覺前講返d之前經歷過既事,都係一d令佢印象深刻的,例如見到有個哥哥打自己的妹妹,可能因為梓塱少見人打人,所以覺得好深刻,呢件事佢講左好多次比我聽,所以我覺得佢靜下來就會回想的,有時有d野真係會入腦。我地在孩子面前真係要慎言慎行。
你SEARCH”艾篙”就有它的網址了!
其實靖天對很多事都會很深刻記好耐…..
只是一些負面的, 就要幫她在腦袋中消除掉 (有點似心理E生的做法)………
經一事, 長一智! 靖天會在爸B媽咪的愛及老師的專業指導下快樂成長的~
一家三口, 一起學習, 是一種福氣呢;
睇到我眼濕濕….
唔好喊啦, 傻瓜!!!!!!!!!!!!!!!
所以望住女兒, 實在百般感覺
好多謝你將呢件事分享出黎，我雖然知大人嘈交會影響小朋友，但係有時都會諗，一次半次，佢未必明，未必影響到佢…
靖天真係一個好知性嘅小朋友，佢亦都真係有佢嘅使命，就係成為爸b媽咪之間的一個小天使，把你倆的感情維繫得更好…
我想杏子完全明白我的想法: “嘈兩句, 點會明, 點會有影響架”…..
點知……就真的出事了, ORZ………
有靖天, 家就不會靜咯, KAKAKAKAK
睇到我好感動呀!
真係要引以為鑒….
父母既一言一行對小朋友有極深既影響…..
所以….. 唔錯過又怎會知…….. orz;
靖天真的令我們既意外又安慰且擔心………..
唔怕話你聽, 我們都試過在仔仔面前吵架, 不過不是我和爹爹吵架(我和爹爹結婚十幾年都沒吵過架), 是我跟爹爹和爺爺麻麻吵架. 當時仔仔只有一歲多, 只懂講一點單字. 我們以為他聽不懂, 但原來不是的. 他最快呈現的問題是晚上睡得不好和不太肯吃飯.
跟著我們以為他忘了這件事, 怎知道原來不是. 在年幾兩年後, 那時他會講全句話了.有一次, 我們叫他做點東西(甚麼東西真的忘了), 他不想做, 他突然用很粗暴的語氣跟我們說話, 我們問他為甚麼這樣無禮, 他說是學我們吵架!
我們那次吵架跟你們的比較只是小兒科, 都有這樣深遠的影響. 所以我見到你們這樣就那麼緊張了, 明白嗎?
謝謝你的分享啊!!!
你囝囝真係好犀利, 記憶力超強…… (第日唔好爭佢錢, 實記得, 嘻!)
我一邊睇一邊個心都有點唔舒服, 因為我都有試過係阿囝面前鬧交, 但阿囝就冇好似靖天這樣表達出來, 睇完都有d担心阿囝會積壓左係內心, 對佢響影會更大!
好彩靖天懂得釋放出來, 否則就不能解決. 這次總算是經一事長一智, 我地大家以後真係要事事小心, 要好好咁輔助自己嘅兒女好好成長, 唔可以傷害佢地弱小心靈.
唔洗擔心…… 得閒借o的意問下佢, 有無異樣, 無即係無囉 ^.^
一齊努力!
靖天真係好識性呀, 而且佢真係好錫好錫妳law,
記住唔好再要佢擔心妳啦
錫過龍了!
做小朋友, 應該天真無知一點較好….. @.@
靖天真的後懂事, 你哋以後要小心說話哦~
經過今次尼件事, 足以證明你個女係好錫好錫你~!
哈哈……. 太錫了…….
錫得有點嚇人, xd
嘩, 好感動呀…..
靖天真係好厲害呀!! 真係估唔到佢會在某時段諗返那些唔開心的事情….
我們以後真係要好謹慎呀..
謝謝分享.
謝謝支持就真啊!!!!
靖天不算厲害, 只是…. 有點嚇人呢……. @>@
靖天真係好生性好懂事, 同埋好錫你~~~!!!
你有無喊呀?如果anson有咁緊我我喊死左都似~~~
我同老公一早就協議左一定唔可以喺anson面前鬧交, 所以如果是旦一方唔高興講左d悔氣野另一個就要即刻收聲, 之後先會再傾返, 而cool down左之後就真係可以好好咁傾, 所以我地好少鬧交~~~
maybe你都可以試下
well…….. 當刻既情況, 係要解決問題, 因為喊已經係之前喊夠左, xd
(又)well…… 如果冷戰到就唔會有”意外”發生咯…… @.@
真係冇諗過, 原來係會影響得咁緊要…
幸好靖天很懂事, 亦都肯講出黎…依家總算雨過天清…經一事長一智, 大家都要引以為鑒
是一個經驗呢……
其實事情已經過左…
只要記住個後果就可以喇….
冇必要要計較返當時個做法係岩係錯…
最緊要的…都係靖天冇事…
靖天真係一個好乖ge孩子…
靖天媽要多多努力培育呀!!!
加油加油!!!!
我們會多點努力的了, 謝謝你支持啊!