『咱們仨』的新居2010 [第2期裝修記]
快3個月了….. 仍然係….. 爛屋一間! 
5月中, 咱們到新屋視察過一次….
1.5個月過去了…..
可以說, 工程以龜速進行著…. 
.
一開始, 快快手的將全屋都拆得爛爛的…
然後, 停工了! 
原因是設計師 – 爸B 還沒有交上設計圖!
小概念商量好, 最快手的, 是裝了這部”分體”…..
『咱們仨』第1部分體式…. 
拖拖拉拉近一個月…..
終於連地板也選好, 鋪好了!!!
不停聽到一句: 『約泥水師傅真係好難約, 佢個期好爆!』
最後連靖天公公都明白這個”痛苦”, 我想也真的很痛苦吧?! 
地板已鋪好, 好好的保護, 是最令媽咪深刻的! 
全屋, 是大裝修的!
小至窗框, 窗花, 都重新裝上…..
這些小東西, 很快就辦好了, 但就是不知何故, 中間會有一段真空時間!!! 
爸B選的窗花…… (對, 窗花也從新安裝過!)
構思, 選磚, 訂磚, 等……………. 了又等………..
老實說, 爸B這趟認真嘔心瀝血! 
因為除了落手做, 其他的大小事, 都由他一個人安排…..
不做寫字樓工, 其實可以考慮做判頭, 做裝修咯!
誰把又梅又爛的磚頭痴到牆上去?! 
除了家中的床, 和幾個大櫃, 其他的中櫃小櫃以致鞋櫃, 都是師傅落地即度即造的!
素聞這種方法, 出來的效果會理想一點, 尺吋和位置都會”GOOD FIT“一點…..
屬真屬假, 則見人見智…..
但上回我們的33C…. 全屋的櫃都是落地由師傅造製的, 卻…. 實用且美觀啊!
廚房進度已經是”最理想”…..
將圖貼到牆上, 看似很認真的!
上兩星期, 在十萬個無奈下….
跟這裏的業主續租多1個月…..
也就是已經確定, 『咱們仨』的新居, 最快要到9月才能完工咯!
就是中間有近一個月時間停了工, 等那個#$%^%^&@% 的泥水師傅幫我們鋪地磚!
然後再驚聞那幾個大櫃和床, 送到國內訂製要等最少30天…. 原因是『工廠o個邊好多訂單好忙….』
一拖再拖…..
9月, 會是另一個”天真的預計”嗎?!
師傅, 在寫什麼鬼東西?!
這個磚….. 未知會放到哪裏去!
裝修師傅近日已經再三表示: 『都未做過一間咁差既屋, 全屋無一道牆係直既!』
難怪…. 師傅都變得沒有心機……
爸B麻, 更是整天愁眉苦臉的…..
都說, 不搬就好了!!!
船到橋頭….. 真的會自然直嗎?! 
.
(381)
差唔緊要,而家執好就已經perfect呀~~
我都希望係啦!
嘩!! 大執係需時架喇 !!
等係辛苦既………
但完工後就好開心，有個正正安樂窩啦 !!
~~~~~
~~~~~
多謝你……. 好期待的, 其實~~~
不用那麼擔心呢, 你o地間屋一定會整得靚靚的. 最緊要俾d耐性. 我老公當年就係因為追個裝修師傅, 結果搬入去無耐巳經出現好多小問題, 唉~~~
~~~~~
~~~~~
承你貴言咯!! ^.^
咪咁啦! 過來人, 知道裝修梗有好多呢d咁的情況…情況都唔係控制之內, 但願早日完工啦!!!
好快就有個安落窩架啦!!!
~~~~~
~~~~~
謝謝關心啊1
好快嫁喇, 梗係搞到最完美先住啦, 到時妳就會覺得比多X個月時間係值得既
~~~~~
~~~~~
^>^ 這是我期望的!
慢工出細貨!!! 好快有個靚靚安樂窩!
~~~~~
~~~~~
我都好期待呢;
當落成後 搬到入去
就覺得 非常 good fit 啦
耐心等待一下
我都耐心等緊 你邀請我去你新居架 .. 哈哈
~~~~~
~~~~~
我都好期待請朋友黎玩呢, orz
我剛剛都搬左屋，好明白等裝修完工既感覺係幾咁忐忑不安，又驚拖你時間，又驚手工唔好，最驚就係爛尾，除左巡密d之外真係無野可以做到，佢遲一個月起貨我就要比多個月租 >.<
不過船到橋頭一定自然直既，放鬆放鬆，依家慢工出細貨，將來你地一家就可以住得舒舒服服。
唔好唔開心，亦不要太過擔心，最重要整好間屋，搬入去住得開開心心，期待你們的新居快d完工，努力呀!!
~~~~~~~
~~~~~~~
多謝你唷!!!
辛苦埋呢兩個令月，住落就安樂哂囉，向好個方面諗!!
我會的了!
裝修確是嘔心瀝血, 再耐心忍下啦~~
希望之後既進度理想啲, 唔駛再續租啦~~
窗都換埋, 好揼本呀! 我雖然都係全屋大裝, 不過就係無換窗~ 換埋的話, 又唔見一筆…
~~~~~
~~~~~
老細話要換喎,ｏｒｚ～；
唉….. 但願快o的搬得啦….
祝你趕得切9月搬
好期待睇到你新居既完工後既面貌呀
~~~~~
~~~~~
謝謝你啊!
唔好咁心灰意冷, 師傅實要搵o的野講先可以拖工o既, 講真, 我間房仔都係又唔平唔直架, 細細地度身做櫃咪又ok, 不過你地做床同櫃要30日就好似耐左o的, 我地剛剛都做左, 都係3星期左右, 不過anyway, 你地都想間屋整得靚靚為主麻, 忍多排啦, 唔係追到佢地馬馬夫夫重衰呀, 你都叫benny唔好太大壓力了, 好快你地有間好完美o既屋架啦, 等住黎玩呀~
~~~~~
~~~~~
多謝你呀!
真係追都追唔黎……..
總之就”煩”……咯!