產科檢查: 第17周
這個雛型, 實在似層相識~~~ 
等了一個多月, 終於等到了檢查的時間…….
不比上一次, 每次都很期待, 但就是想看看您, 知道您是否安康……
早一個星期, 我又傷風了一次….
鼻子的問題, 似乎又嚴重起來, 實在為自己擔心…….
.
等了15分鐘就可以內進了!
第一句: 『口水既問題仍然好困擾我!』
巫e生笑了…… 只叫我: 『咁食多o的口立濕啦!!』
.
已經4個月的您, 所有器官都已經清楚可見 (醫生可見, 我什麼都幻想不到!)
先看兔唇, 巫e生說有人中, 清楚看見嘴唇的位置, 患兔唇的機會不大!
哎約……. 我也差點忘了…… 
其他的器官都很正常, 發展的很不錯…….
只是有些小部位要待下一次才可以看得清楚一點咯! 
早於檢查前幾天, 睡前, 我已感到您的跳動….. 彈下, 彈下的…..
就是不太確認, 巫e生問起, 也笑笑的跟我說: 『係架喇! 係架!! 你當佢係啦!』
這個醫生的可愛之處…… 就是這樣, 會令你很放心, 很安心的…..
.
有點小瑕疪….. 就是胎盤的的位置有點低…… 
見巫e生看了一下, 就說了第二些, 我就知道…….. “有事發生”….
上一回臨盤前, 臍帶出了問題, 她又是這樣……
及後我再三查問, 她就說了….. 是有點低, 但我還有很多時間, 相信會升起來! 而且情況有點marginal, 故不用擔心!!! 那我就先不擔心咯!
.
巫e生是我的婦產科醫生, 也是我的心理醫生…..
跟她分享了…. 這一胎陀得很求其, 什麼都是但, 感覺像沒事發生般…….
醫生也分享了她陀細女時的情況….. 也跟我說, 生了後, 但覺懷孕的10個月, 都空白似的, 什麼都沒有……
然後溫柔的提點我, 要好好的為這個小寶寶多做一點, 留多點回憶啊!
一言驚醒…… 在意靖天的感受, 其實也需要好好的迎接小寶寶的來臨………..
當兩個小孩的媽媽, 再次感到絲絲的壓力! 
.
(240)
近排好忙, 好耐無睇你個BLOG啦…原來…恭喜晒呀!有多個小BB陪靖天玩, 真開心呢~小心身體呀!加油~得閒搵我傾計啦, 我好掛住你喔~
嗚~~~ 以為你唔記得我lu…. 咁耐唔搵我!
我都好掛住你… 同macy呀!!!
唔好擔心啦,我陀瀅瀅時都話胎盤有點低,不過話要真係叫”胎盤前置”就要到最後那幾週先可以斷定,因為很大部份的人會漸漸生返高喎!
陀第二胎因為有經驗,又要照顧第一個,難免會求其啲呢
…而家醒覺都未遲呀,加油呀^^
係呀, 上次我就咁囉;
希望今次都無問題啊!
完完全全明白你的感受，陀第二胎時看著自己的第一個小朋友，你又要照顧他，很多事都沒有那麼小心，一樣要操勞，不過讓靖天一起感受這一個過程一定是一個美好的回憶
其實我顧得佢又顧唔到個肚, 更不說要2個一齊顧…… 唉~
懷胎10月係難忘既事,多d為細b影相呀…有d想再生都冇機會!
我都想多o的影…….
我想問下胎盤低會有咩野問題出現??..
因為我陀橦橦個陣冇事..
但係今胎就出現胎盤低既問題..}
醫生都只係話再大d就可能會好d
咁… 咪有機會胎盤前置, 產前出血咁囉…
放心!!我陀在希時…都係胎盤低呀,我問醫生係我天生問題定係咩,佢話唔係,係著床問題,即係著床時在較低位置,佢話只要小心d,唔好拎重野,就ok!!會慢慢升返高!!唔駛擔心!!(當然佢話如果一旦出血,就要立即入院),不過我好快就升返高啦~正常返!!所以冇問題的!!小心d就可以!!!
其實上胎我都有呢個情況, 但第2個月去已經無事, 未知今胎會否年紀大, 升不上去…. 哈哈