靖天弟弟? 靖天妹妹?
生仔好? 生女好?!
由知道懷孕開始, 身邊友人都不停猜測, 這次是仔, 還是女…….
當大家都知道我這次的懷孕狀況都很不同時, 大家異口同聲說: 『一定係仔!』
嘔…….. 多了!
肥…….. 多了!
樣子…… 變了!
其實, 很多很多地方都跟上次懷孕很不同……
又因為靖天是女孩子, 大家更覺得: 『梗係生個仔啦! 你都有個女……』
.
靖天公公是一個很渴望有”仔”的古代男人…..
從小我已經討厭這種”重男輕女”的思想!!!
曾幾何時, 我的嫲嫲, 跟我媽說: 『生咁多女把鬼咩!』
要生仔的觀念…… 離我越來越遠……
.
我有一個妹妹, 一個弟弟….
3姊弟感情不算深厚, 但還是有講有笑的….
眼見的是, 當女兒的, 都比較有媽媽心肝…….
細佬都愛媽媽, 但看他心情不好時, 就會粗聲粗氣的, 倒惹人討厭!
老公那邊, 是兩兄弟, 看奶奶兩個兒子, 長大了, 一個整天痴著女友(我), 一個就痴著朋友整天不知所蹤…..
更覺這年代, 仔生較女生外向….
其實, 這也許都是教養的問題吧?!……. 但性別又是否真的完全沒有關係? 
.
隨著靖天的長大, 這2年多來, 我完完全全的感受到, 生女的樂趣…..
妳哭, 她會抱著妳, 幫你拭眼淚…..
妳笑, 她又會一起開心的大笑…… 更會做”小丑”來逗妳…..
還會每天喋喋不休的跟妳說很多生活事….. 像一個(長舌)小婦人般….
很記得有一次, 帶靖天到飾物店買頭飾, 大家你一言我一語的在挑著, 看著, 討論著….
老實說, 我是由衷的享受這段深厚母女的關係…..
.
生仔好, 生女好…..
我們其實並不在意, 實在不見得”一仔一女”一定是好事!!!
都是自己生的, 仔仔女女, 有什麼問題? 兩個仔, 兩個女, 就一定不好? 一定不幸福?
但可以肯定的說, 我還是有很大的壓力……..
就是介意…. 那世俗人的眼光….. 
.
跟上一次一樣, 未到最後, 都不知是男是女……
怕朋友們失望, 還是不說好了!! 
教大家失望, 實在不好意思…….
要是小寶寶能順利誕下, 大家都會知道是男是女啊!!!
.
已經四個月, 靖天還是堅持『要妹妹』…..
且看看爸B媽咪, 能否如靖天所願咯……. 
抑或會來個世俗人仍然的”幸福”咯!!!
.
(908)
Hi, 靖靖媽媽, 我剛成為你的Blog 小fan啦, 我深深被你的文章吸引著, 你真的真的好有心機和心思啊! 將來你的子女一定以你為榮啊!
我也是兩兒子的媽媽, 我懷著第二個時也很想是女兒的, 因我一直也認為女仔必對我親些, 也會孝順些麻, 但知道又是仔時我真的很失望呀!
但真的生下來時, 哥哥很愛他及將來他們會有好多共同話題呀! 所以我現很滿足 ! 其實是仔或是女都好, 只要是健健康康就是最好了, 不須理別人的說話啊! 現最緊要是多休息呀, 我一定支持你的 …..
但我有個小小要求, 有些文章是否要password? 可否比我這個新的… (雖咁遲才認識你, 但總好過從未與上你) like to neet you!
謝謝你!!!!
其實個個父母都有心機….. 我的不算什麼呢!
你留電郵, 再給你pw吧;
母子平安，大家健健康康就足夠
生仔生女不由自己選的 ^^
小寶寶, 要健健康康、肥肥白白
謝謝關心!!!!
多謝你呀!
可以揀的話,我一定揀生女,兩姊妹啱玩啲嘛^^
kakakaka 有人支持我啊!
總之生仔生女都可以係靖天既一個好玩伴，無論開心唔開心都可以有人分享，呢份已經係最大既禮物，其他人點諗唔洗理啦~
謝謝你!!!!! 說得很對!
認同,不過壓力往往由身邊的人形成^~^,女女係會鍚媽媽多 d~~~^.^
對啊!!!!!!! 唉~
我亞媽話生仔先係蝕本貨, 哈哈~~~~
撐你~ 生仔生女都好, 都係自己生。
hahahha 我自己都覺~~!!
分享下我的情況,我佗細b時,口痕咁問大女你鍾意妹妹定弟弟呀?佢一路都話要妹妹,仲會摸住我個肚叫”妹妹(高八度咁叫)”. 好la, 到8個月(當然我已知道細b係妹妹la),再問大女,佢竟然話要弟弟喎. 咁我同佢講bb係妹妹黎架,佢諗左一陣,跟住好認真咁摸住我個肚話”妹妹,我係你家姐呀,你乖呀”. 果一刻,真係好感動呀..
其實做阿媽gei,生仔同生女真係冇咩所謂,最緊要bb係健健康康,開開心心咁大,兩姊妹融融洽洽,我就開心滿足la.
嗯嗯!!! 其實靖天之前已經有講….
所以更覺”生女好”…..
超同意樓上『我亞媽話生仔先係蝕本貨, 哈哈~~~~』
我阿媽都話d仔唔識番屋企 XD
我有一個女,雖然我都唔重男輕女,但(好奇下)都幾想睇下如果生男仔會係咩樣…因為我個女超似我 哈哈~老公話有我一個已經頂心頂肺,仲有一個迷你既我…..太好笑..XD
如果生仔似爸爸, 就慘了, wakakakaka
放心,在你的教養下,我相信就算囝囝都能夠在仔不開心時抺眼淚,在你需要時保護你的 ^^
哎約……. 我有少少擔心;
生仔也好,生女也好
只要是自己的兒女就好了。
十分同意!
我都遇上呢個問題..
大家都會認為我已經有個女，梗係生仔好..
但係我根本就唔介意..唔通生女就唔係自己咩?
但係往往世俗既眼光說話就令我感到好大壓力
就是咯……. 嗚~
我都覺得無乜所謂,兩個女仲好,三個女人一個墟,到時實行煩死爸B,如果生個細佬,靖天就可以幫手1照顧,唔洗媽咪咁辛苦,所以始終都要有一個女
煩死爸b,我倒沒所謂!, kakakaka
其實生仔生女有咩所謂, 都係自己的寶貝! 最緊要係健健康康, 身體健康!
對啊! 最緊要身體健康!
我都覺得囝好囡好,最緊要健康同埋生長正常!!男女都係自己生架嘛,同埋一開始已經注定左仔/女既基因,唔好理人點睇!!
我都覺女乖d,因為我都係生女,哈哈!!
wakakakak 生女好!!!!!
有得揀我都會生多個女, 費事第時多個敵人(未來媳婦 XD). 不過靖天多個妹妹的話, 你地就要諗下名喇.
wakakaka 絕對同意呀!
我都十萬個認同你所諗既野, 我覺得女仔真係好唔同,e+好享受同女女每天的相處。她總是會為媽媽著想, 知道你唔開心佢會親親你, 引我們開心。而男仔, 總是覺得他們粗粗咁樣。haha
不過生女也好, 生仔也好。她們總是我們既心肝 ^^ 永遠咁愛她們的 :)
就是啊! 生女好似會容易o的講甜心話…..xd
唔好諗… 龍鳳胎啦!!
咁又貪心左少少~
講得好~絕對認同……..不過無得透露今次係仔or女,好想知呀~~~~~~~~~~~~~~~~~~~~
咁你估……?!
我都覺得男女都無所謂, 都係自己骨肉嘛~~
不過….我都好想知答案呀….keke
咁我似生女定生仔? xdxdxdxd