吃醋的警報! [2歲11個月]
一對鞋子, 將一直擔心的『醋意』, 全都挑起來了!
等候靖天放學途中, 在店子買了雙嬰兒鞋給小寶寶….
實在太美了….. 忍不住將它買了下來….
.
上到車, 又忍不住拿出來給靖天看…
媽咪: 『靖天, 您睇下, 對鞋仔靚唔靚呀?』
靖天: 『好靚呀!!! 買俾我架?』
媽咪: 『唔係呀~! 買俾BB架..』
那刻的靖天, 表情就像收到一個”晴天霹靂“的消息般…… 呆了!
靖天: 『但係妹妹都無腳, 我先有腳架麻, 送俾我啦!』
媽咪: 『但係您好多鞋喇喎, 呢對送俾妹妹啦… 呢對咁細隻…』
靖天: 『唔好啦…. 我想要呀!』
媽咪: 『咁好啦, 送俾您啦… 但係您著唔著得落呀?』
然後, 媽咪將鞋子放到靖天腳上…. 明顯是穿不下的… 靖天也知道了….
媽咪: 『係咪呀… 呢對俾BB著架, 我聽日買對新既俾您咪得囉, 好無?』
靖天: 『好啦~~ 咁你買公主鞋俾我得唔得呀?』
媽咪:『好啦, 聽日買!』
.
其實, 靖天雙眼已經紅起來, 也泛著點點淚水……. 
整個過程, 靖天都很平靜, 似乎很理解整件事…..
但看到她(疑似)懂性, 卻又忍不住自己的感受而落淚……
心痛了!!! 
禁不住緊緊的擁著她……
女兒呀女兒….
也許我都沒有期望您這樣的平靜懂性…
也許您無知的扭計一餐, 我的心會好受一點……
.
謝謝您………..
讓我更了解您的懂事, 您的成熟……..
我們並不期望待小寶寶出世後, 您會繼續乖巧;
但至少, 現在的您, 已經令我們無限安慰….
..
(444)
其實靖天真係好懂事,比起我家的少爺,乖一百倍~~
點會……. 係你太誇獎;
咁咪好囉,我諗BB出世後,靖天見到BB後,會更加懂事…加油呀靖天,姨姨覺得你一定會是個好姐姐^^
我會叫佢加油架喇!
靖天 .. 真係好懂性
等寶寶出世後
會更加懂性
有實體 會懂得照顧寶寶啊
望係咁望啦, 唉;
真係好懂事呀! 爸爸媽媽會加倍錫您架!
希望真係懂事啦!
好明白你既顧慮, 面對靖天既平靜確實會令你更心痛,不過唔使擔心, 我相信你會做得好好的, 努力呀
謝謝你的支持, 會努力了!
靖天真係好懂事,乖乖
你太誇獎了
我相信靖天是一個懂性的小朋友, 不用擔心喔!
希望啦, ^.^
原來咁細個都識HAP醋的呢!
=.=
乜細個就會唔識架咩?
擔心係正常ge…
不過我相信靖天絕對係一個好家姐…
大概係未真實接觸到多左個bb對佢ge影響住…
不論大人定小朋友…都雖然時間去適應屋企多左個新成員….
嗯, 同意!