清．胎毒．龜苓膏
活了幾十年…. 這是我的第一次!
一直以來, 對龜苓膏都是敬而遠之的….
很小很小的時候, 已經見老豆渣車去某某堂買好多好多龜苓膏返屋企俾媽咪食…
自己呢, 一啖都沒有嚐過…
總是認為這種食物很苦, 很難吃, 很嘔心……
後來, 有人說它有點像”涼粉”… 也不太苦, 但還是避之則吉!!!
一個連啫喱都少吃的人, 又怎會吃”苦味啫喱”?! 
.
懷孕第7個半月, 我的起心肝, 在附近的海天堂, 買了一碗!
承惠HK$50!!!! 
付錢那刻, 很有衝動想: 『我都係唔買喇!』
貴得有點可憐…. 明知是難吃的東西, 竟然貼錢買難受…..
太可憐咯!! 
.
是因為一直都有聽網友說, 懷孕吃些龜苓膏, 可以幫助清胎毒……
想起當年懷著靖天, 因為怕她早出世什麼都沒有吃 (或是胡亂吃)….
然後3個多月開始, 心肝就發起濕疹來… 沒完沒了的維持了3年….
這一胎, 我倒想為小寶寶多做一些…. 
至少, 我也嘗試過, 吃過, 已經第2次懷孕的我, 有些時候倒要”信信邪”啊!
.
這天晚上, 坐在電腦前, 將龜苓膏拿了出來!
吃第一口….. 
不苦, 但也沒有什麼味道…. 口感九流…..
好不容易叫自己嚥下去….
再吃第二口…..
多加了些糖, 有點甜, 但口感仍然是很差, 一pAT一PAT的…
第三口…..
第四口…..
臉色越來越變得鐵青…..
不是吃過不適, 而是真的難吃!!!!
.
老公在旁不停依依哦哦, 半命令的要我吃光…….
最後, 花了近半小時, 吃了半碗……
我: 『頭先食得好飽, 呢半碗我留返聽晚再食!』
他: 『係? 你聽日真係會食?』
我: 『一定會! 咁貴~!』
.
結果, 餘下的半碗龜苓膏放左雪櫃, 冷藏了48小時, 給掉了! 
美其名是放得太久, 怕不衛生….
實情是…. 
.
已經懷孕第8個半月, 沒有再買過第2碗……
怕了, 真的怕了!
.
(1103)
尼次我又係唔想細b似哥哥有濕疹，臨生前吃了半個龜苓膏，到了第二天早上，細b就出世了。
其實陀哥哥時我介口好清，只係無食龜苓膏，其他要食要介全部做足，哥哥一樣出事。細b今次我試用白菊花土銀花洗面，要好勤力的，今次塊面仔靚靚，無變做濕疹。
嘩, 咁快手??????? 唔好嚇我呢…. xdxd
弓起曬呀, 希望我個小b 都唔會有濕疹啦, 唉
白蓮鬚啦 !! 我都冇食龜0膏~
呢個有食緊喇;
除左白蓮鬚糖水(其實都係好難食, 我當苦茶飲的), 又試下綠豆沙, 西瓜, 腐竹糖水 都得!
都清到胎毒????? 唔係順利生產咋咩?
龜苓膏呢樣嘢不可亂食的，如果你想清胎毒，你不妨試吓「夏枯草加片糖」水滾後煲半小時，然後加片糖，待溶就可以飲得。這可以清毒和滋潤皮膚的。如果你想踢走濕疹，你可以食乳酪，因為乳酪中有種成份係可以防濕疹的。我懷著家中的豬囡都是這樣的方法，幸好豬囡的皮膚沒有問題。你試吓吧！
乳酪都得?????? 咁又唔拒喎!
白蓮鬚雞蛋糖水和芝麻糊也有幫助。
芝麻糊都得?
唔鐘意就唔好迫自己，唔食龜苓膏咪食第二樣嘢囉，唔好攪到自己同老公都唔開心。
老公點會唔開心…….
佢不知幾興奮, 見到我咁慘;
你可以飲 “白蓮 so”, 去藥房執 $10.0 分 2-3 次煲, 都可以去胎毒
已經有飲架喇;
海天堂我覺得冇咩料,因為真係似涼粉 xdd
個次newspaper都好似話佢士伏芩最少,話健康工房最好wo! xdd 不過你應該都唔會食 xdd
我陀個時只係36 wk後飲白連鬆,食埋隻蛋,ok wo!
我都覺, 哈哈;
健康工房好? 我又試下先;
白連蘇有飲呀!!!!
靖天媽媽, 試吓食白蓮鬚雞蛋糖水, 清胎毒好好架, 還有食腐竹雞蛋糖水.~~~
有呀, 我有飲呀!!!!!!
但腐竹雞蛋糖水好似唔清胎毒?
龜苓膏唔好亂食丫!(有朋友食過早產呢!!!) 因為成份太多, 你又從未食過. 通常會食白蓮鬚雞蛋糖水, 但有個醫師話要六個月開始食先有清胎毒功效. bb有無濕疹同有無清胎毒無直接關係o既, 有媽媽食左呢類食品bb都有濕疹. 既然你本身唔鐘意食仲咁抗拒, 唔好難為自己喇.
我7個半月開始….
其實我知係唔關事, 不過上次乜都無食靖天就爛成咁, 今次咪又食下看看如何囉;
中醫話係預產期前一個月開始食,每星期一次呀!咁對bb皮膚會好d咁話~~so far我女女皮膚真係幾ok,好多人贊她滑,唔知關唔關事.
你就好啦, 羨慕-ING
唔好逼自己啦,睇見就陰公!
除了龜苓膏,仲有其他嘢都可以清熱毒架…我當年都冇食過!
仲有呀,你唔好將靖天的病都怪落自己度啦,我就唔信有關係…
你食得咁痛苦,BB都唔開心啦^.^
盡下人事咁解咋…… 唉;
龜苓膏好好食啊,海天堂我定期都食0架,正呀
好難食呀, yy~~~~~~ @.@