彩虹牌 VS 無敵奶粉?!
放下那個奶泵… 那個感覺…. 已經2年多….
現在, 又得要從新思考…..
上一次, 靖天出世後, 我積極的餵哺母乳….
曾幾何時, 我為自己可以將母乳餵哺給靖天, 而感到無限自豪…..
當年, 斷斷續續的, 餵了10個多月……
還記得, 那時其實泵奶至年尾, 閒時有一餐半餐給靖天… 只是沒有細細紀錄!
.
更記得…..
埋身的痛苦….. 女兒吃極都不夠, 甚至越吃越懶… 半夜吃著睡….
才剛滿月, 年初二的早上, 發起燒來, 乳房痛得要命… 走到屯門醫院排了3個多小時, 換來醫生一句: 『唔好餵… 因為你要食抗生素!』
那天晚上, 我在網上找到資料, 急召了Lactation Consultant, 是乳腺塞了….
給她又擠又按的個多小時….. 通了!
更學懂了如何”欖球式”哺乳….
.
走到健康院, 每次給女兒磅體重, 都無限緊張….
出世後的靖天, 體重一直向上升…
是合格中的合格…
只是身旁的靖天婆婆, 總會說: 『你俾奶粉佢食, 佢重得仲多啦!』
完全得不到半分支持…..
.
然後, 又試過將2個多月的女兒掉下…. 跟老公外遊….
但從沒想過放棄, 結果那次4天3夜的旅行, 奶泵隨身….
更買來了乾冰, 冰種, 發泡膠箱, 將幾十安的彩虹牌, 成功帶回香港!!!
自那次後, 我就奶泵隨身….
去到邊, 泵到邊…
上班如是, 放假外出如是….
漸漸地, 都習慣了做”泵型媽媽”….. 只是有點重, 但為著那幾滴彩虹牌, 從沒有感到厭倦, 或是辛苦….
.
遺憾……
靖天還是在她3個月大時, 發起濕疹來!
遺憾……
靖天還是在她未到6個月時, 生起病來!
開始疑惑, 這麼苦心經營彩虹牌, 為的是什麼?
.
那個疑惑, 一直沒有說出來……
直至再懷第2個小寶寶…..
懷孕3個月, 已經跟老公說: 『我今胎唔餵人奶, 好嗎?』
老公很大的反應: 『點解呀?….. 做咩唔餵呀?』
老婆: 『都無用…. 靖天食左人奶咁耐, 咪又係成日病, 又係有濕疹, 又係身體唔好!』
老公: 『唔得! 一定要餵!』
我並不知道原因, 但那句『唔得』, 倒給我一個動力…. 這一胎, 再嘗試一次!
.
這一胎, 新認識的媽媽們, 對餵人奶, 都持很極端的想法…
有些… 『我奶粉都唔會買, 只許成功, 不許失敗!』
有些… 『其實奶粉都唔錯, 無謂辛苦自己啦, 我坐月要休息架!』
有些…. 『到時睇下點先啦, 餵到咪餵囉…. 或者餵一個月 / 兩個月 / 三個月』
回想當年所認識的一班大肚媽媽, 感覺, 很不同…..
是時代改變了嗎?
.
最近, 跟幾位朋友談起餵人奶…..
將自己的想法說了出來….
大家普遍的回應都是: 『咁你倒返轉頭諗, 唔餵, 可能靖天身體仲差呢!』
明白是安慰, 是支持…
但細味這句話, 其實更難受…..
其實…. 我的小寶寶, 是注定, 天生都比人弱, 體格比人差吧…. ?!
.
除了對彩虹牌的功效產生無限疑惑…
另一個主要原因, 是因為靖天!
要是可以成功埋身, 那還好一點….. 什麼都不用搞, 到時到候只需埋身便成!
要是跟上次一樣埋身失敗, 那又要做”泵型媽媽”…. 功夫就會多起來!!
.
上一次, 我們只有靖天…
那就是說, 老公可以幫忙打理家務事, 在我需要泵奶時, 就幫忙照顧靖天….
但這一次…..
老公忙了, 很多時周末日都不在家…. 現在小寶寶還沒有出世, 我還可以自己一手一腳的照顧一個女兒!!!!
很快, 就會變成兩個小孩子的媽媽… 要是老公都不在, 那我該如何分配時間?
要是同一時間, 兩位心肝都需要我這個媽咪, 我又該如何分身?
.
要知道… 家只有我們一家四口, 沒有工人, 沒有老人家, 沒有鐘點姨姨….
雖然婆婆就住在附近, 但我倒不能因為自己安排不來, 就將其中一個, 假手於人啊?!
一般性照顧, 還有打理家務事, 都可能要花上很多時間精神…
要是多加一項泵奶…. 我又能否應付到?
我想… 用奶粉開一枝奶, 塞到小寶寶嘴巴, 再掃風, 用的時間只是10分鐘…..
但泵奶 / 埋身, 需要的時間可能是雙倍, 三倍, 四倍…..
我…. 真的可以嗎?
.
想起上一次, 我每4小時就拿著奶泵不停按呀按, 按呀按..
然後清潔, 消毒, 再餵小寶寶…..
那我的靖天…. 是否都需要待在我身旁, 看我餵奶, 白等我一個小時, 兩個小時….
才可以佔到『媽媽的時間』?!
.
我希望….
在餵哺上, 不要花太多時間…..
那我就可以有更多”其他”時間, 陪伴我兩位心肝….
說故事好…
唱歌歌好…..
去街街好………..
總之比拿著奶泵, 似乎都更好, 更理想…..
.
曾經有朋友說: 『佢都佔左你3年時間, 依家小寶寶多佔你一會, 好公平丫! 親子時間, 大小寶寶的時間分配, 是不能用秤來衡量的!』
看似很有道理……
但真的有理?!
.
前幾天, 夜闌人靜, 我又再問老公: 『你覺得我今次會唔會餵得成?』
老公: 『你唔好咁緊張, 我睇唔到你會有問題!』
很大很大的支持…..
他都知道, 上一次, 我幾乎將彩虹牌視為自己生命… 只是泵少十多ml, 我都會哭得死去活來….
奶量, 靖天體重, 看得比什麼都重要……
那這次…. 我又應該如何幫自己定位?
.
其實, 是真的沒有信心, 做得比上次好…
縱使, 我都有經驗了, 而且都有深刻的體驗!
對靖天, 對小寶寶…
總是都有不一樣的標準和期望….
那份『厚此薄彼』, 其實連自己, 也感受到……
要是最後都選擇給小寶寶奶粉, 他/她又會怪我偏心嗎?….
.
(1419)
好想睇返你當日有關彩虹牌嘅點滴，當中好多嘅辛酸、迷思、信念，實在值得與一眾準備以自己品牌嚟餵奶俾BB嘅媽媽睇 :)
因為到今日，我第二胎，同時餵住兩個BB嘅我，都仍有好多迷•••
其實分享並不多…..
我找找看, re_open 給大家吧;
食飯,飲水,飲木瓜魚湯,最最緊要比bb埋身食多d(不過會幾幸苦). 我開刀生的,個女出世輕磅(~2.5kg),又有其他事住了2星期醫院,所以2星期大先開始埋身食(之前佢响醫院食奶粉,我自己pump來keep奶量),但我之後無比佢食奶粉,keep住餵就有奶了. 唔使擔心,保持心情輕鬆就得喇!
你好犀利唷!!!! 我都會俾心機了!~~ 謝謝你呀!
呢個blogger都有同一時間湊兩個甚至三個的分享, 有一段講餵奶的安排, 可以參考下
既然爸b都咁支持,希望你都盡力試, 祝餵人奶一齊順利! 我餵左20個月,只係頭六個月有pump,六個月大有固體食物改為早晚埋身, i’m also a working mom,自從唔駛pump 覺得餵人奶仲方便, 如果再生第二個都會bf.
20個月…. 讚呀!!!!!!!
我一直都覺得埋身餵好方便, 但要面對既困難亦都不少….
會繼續嘗試, 謝謝你!
i miss the URL:
http://hk.myblog.yahoo.com/yenniedarkins/article?mid=803
thanks! 讓我細細看先!!!!!!
好耐無留言啦,不過我定期都會睇返你個BLOG的,恭喜晒你呀!!! 都係個句, 喂到就喂囉^^ 我個時都堅持喂左18個月, 到最後2歲返學的結果都病!病!病!, 真係病都你驚, 病到你怕 >.< 我個時日汞夜喂, 辛辛苦苦出來的結果都係咁, 有機會生多一個我惗我喂到坐月便算了, 因為喂人奶不是一件輕易的事…
其實你自己真係要量力而為啦 ~ 做到當然好, 做唔到都唔駛唔開心, 因為一個湊兩個係好辛苦, 如果只得一個 bb時, 餵奶換片等等已經用左大半時間, 唔通你真係忍心家姐成日自己玩玩具 ? 除非成日都有人幫你, 唔係根本冇可能有多餘時間又泵奶又照顧兩個小朋友 ~ 你第時會再返工定自己全職湊佢地 ? 經驗之談, 我大的三歲, 細的歲半, 細的當初餵左半年人奶
謝謝你的分享, 這就是我心中所想了!
我會覺得, 如果你願意餵, 你就會克服所有困難, 但當去到覺得係逼緊自己去做嘅時候,就該放手.
說得很好, ……..
我會努力的了, 謝謝你!
靖天媽, 平時都有睇開你地blog架!
咁岩係fb見到呢個買小朋友玩具ge優惠,
睇下你岩唔岩用啦!!=]
http://www.couppie.com/deal.php?ref=edm&id=184
加油呀靖天媽! 我相信你最後一定可以有一個最鍚孩子們ge選擇=]
唉, 坐緊月, 你唔好搵野引我啦, 衰鬼;
多謝你支持呀, 我會俾心機架喇!
奶粉開一枝奶, 塞到小寶寶嘴巴, 再掃風, 用的時間只是10分鐘
?! 做咩呀?
恭喜哂呀,bb好嗎?因定女?上次在email時我估是女的, 妳記得我嗎?
多謝^.^
忘了你估男定女了, 但恭喜你, 你猜對了, 哈哈!
開心開心, 請多休息, 妳兩個女的, 我兩個男的, 剛好一對 ^^…有機會見見面? 我在facebook add了咱們三+1, 但未有回覆, pls check~
母乳失敗有好多原因, 其中兩個就係壓力和信心, 祇要你有信心, 放鬆放鬆再放鬆便可以了, 還記得我給你的一個網站嗎? 有需要打來搵那些過來人傾下吧, 祝你成功
多謝你!!!!!!!!! ^.^
加油!盡量餵人奶!我個女快18個月大了,我仲餵緊!
P.S. I need to go to work too~
18個月….. 太強了!!!!
想叫聲你做師傅, …… 快o的教我增奶秘坊!!!
Rainbow,我明白你的擔憂.雖然我未有生第二個bb但有時同身邊朋友傾開都會傾下生第二胎喂唔喂人奶.我覺得決定咗就點都要盡力一試.結果成功或失敗並不重要因自己巳經努力嘗試過.
我也曾經質疑過人奶因為喂了梓朗20個月也不見得他的身體好好.不過我無后悔過因埋身喂的親子時間真係過咗就追不回來的.所以我生第二胎就算做唔到全人奶我都會爭取机會喂.
你有無諗過找個lactation consultant幫你通一通乳線.我當年初頭也是喂得很差,差到連健康院的姑娘都叫我放棄.點知就係嗰個時候梓朗開始唔飲奶粉,次次喂奶好似打仗般,除了埋身佢根本唔肯食.嗰時佢得兩個月大咋.又那麼”好彩”地我D乳線竟然塞咗,在bk找了個lactation consultant幫我通咗D乳腺后我先成功喂到.
無倫喂唔喂到人奶,你對小b的愛她一定感受到.不要因為呢件事俾咗自己太大壓力.喂到的話就好好享受那种時刻,真係做唔到也不用怪責自己.我覺得你已經做到最好,見你大住個肚都不怕辛苦帶住靖天周圍去玩.能夠做到你的女儿相信靖天同巧b巳經覺得很幸福了.
真係唔好意思,越寫越長篇大論.無倫你做了咩決定,都會支持你的.記住要開心D哦!加油呀!
我都想找lactation consultant, 上胎我都有搵過架, 今胎都心思思想搵佢;
你係咪搵mrs chee呀?…………
我好感動架, 你打咁多段野支持我….. 識到你地, 我覺得自己真係好幸福!!!
多謝你呀!!!!!!!!!!!
係呀!我都係揾佢架…我記得佢好似肯上門架,不如你試下打俾佢問下呀.我覺得通完真係喂得順D架.
依家唔肯呀! 我住得遠, 當年問左喇!
佢要我出灣仔架…..
同埋我都未上奶…. 依家出去有點兒那個咁;
我記得佢同我講過未上奶巳可以通的了.但如果唔肯上門就麻煩D.山長水遠出到去灣仔真係好難,一來一回起碼三四個鍾.或者你再睇定D先.万一真係有需要先叫爸b車你去,如果不是好塞應該不用去好多次吧!不用太擔心,bb肯努力地去食已經係一個好既開始.
係呀, 就係嫌遠……
同埋想上好奶先決定……..
咁無奶就唔出去啦, 哈哈;
我會安排安排喇, 多謝你呀!!!!
本來我今胎都驚自己餵唔到人奶架…但我生完兩日飲左2大煲魚湯…即刻上奶上得好好…仲好得滯塞左發燒添呀…不過之後自己通返…又密密泵密密餵…而家都ok….但就辛苦過上胎…你都加油呀…我又要提你…我之所以堅持到餵人奶…都係因為上胎未生前睇左你個blog咋…我諗我若果無睇過你個blog我係唔會餵人奶架…我相信你一定得既…支持你呀…
我知….. 我知…….
我都無諗過一個blog令你有咁大動力, 嘻!!
但係你今胎順產, 我又開刀啊….
呢個又係蝕低既地方囉…..
都唔知點好…….
您唔好比咁大壓力自己啦！我覺得如果可以的，最好餵人奶，BB 嘅抵抗力真係會好啲ga。
餵得幾耐得幾耐囉，話唔定今次BB乖乖，好順利呢！
我就係唔覺得人奶b 抵抗力好先….. 有動搖….. (唉!!!!)
放鬆點,
努力學習著, 謝謝你呀!
我都是兩個小孩的媽媽,大女兩歲多,細佬5個多月大..我覺得您唔好比咁大壓力自己..不用想太多..我到現在都是餵緊全人奶..BB都有17LB..肥DO DO..加油!
嘩………. 17lb 你好勁呀!!!!
我會努力架喇, 多謝你呀!
曾經有朋友說: 『佢都佔左你3年時間, 依家小寶寶多佔你一會, 好公平丫! 親子時間, 大小寶寶的時間分配, 是不能用秤來衡量的!』
第一次聽呢個道理, 但聽落又好似好岩…..
但當你再細味這番話時, 你會感到有點怪怪的……
明白你所顧慮的, 欣賞你一直堅持和鞭策自己做個好媽媽, 身邊有許多兩孩的人奶媽媽, 的確要時間管理得宜; 靖天媽媽, 無論是不是彩虹牌, 重要是你那兩個娃兒都希望與輕鬆愉快的你生活呵, 加油! ^ ^
謝謝你!! 有機會很想你分享多點你身體的朋友如何管理2個孩子又餵人奶……
加油呀！我明白你心情，但唔好俾太大壓力自己。壓力係人奶嘅大敵…..盡量啦。
我嗰時都係一半一半，因為奶唔多，都堅持左6個月感覺好叻女:p 10ml已經超開心。
因為有過一次經驗，我都希望如果再做媽咪，會加油的。
應該媽咪牌點都健康好多!
我知道呀!!
我明白架喇…….
都會嘗試一下, 希望順利啦!
彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 彩虹牌, 萬分支持~~盡量餵!!!!!!!!!那時我都係比媽媽奶比阿仔的,不理上胎原因,今胎也要盡力呀!!!!公平的話,靖天享有過,小寶寶都應該要享用呀~~支持~支持~支持~支持~支持~支持~
嘩, 你好似叫口號咁, 嚇到我有少少驚呀!!!!
其實靖天都要返學啦,到時唔係多d時間嗎?
佢返學時我也要返工…..
到佢放學時我又放工咯……..
(還沒有計煮飯做家務的時間呢)
Hi 靖天媽,
我也有兩個小孩, 他們只差22個月, 是男的. 第二個小bb時, 大bb呷醋得很, 好在有嫲嫲幫忙, 分散他的注意, 請家人幫忙多帶他外出走走, 不用在家悶著, 又開心, 初乳很好, 盡力一試吧~~
妳的情況很理解, 不用担心呀, 見意妳頭三個月盡力餵人奶, 我想頭三個月婆婆會來幫忙嗎?? 第四個月開始上班? 這可以用奶粉代替, 我都是如此, 不覺得有問題呀~
生左未呀???
產假得10星期, 得3個月咋….
不過婆婆頭一個月會過來幫忙的, 往後就不知道了……
已經生左架喇 ^.^ 有心有心
It is better not using the pump during the maturity leave. Much quicker and effective.
You know, I also have two kids. From my experience, it is easy for feeding second kid. No worry.
最擔心……. 係佢唔啜囉;
我會盡力嘗試了, 謝謝!
我生細女時, 反而覺得有d經驗, 餵人奶冇咁辛苦, 而且果種親密的感覺真係冇得代替. 我就快餵到第6個月就收工, 返工呢3個月都堅持, 覺得想對細b公平d. 不過真係唔洗太執著係幾多ml, 總之能力範圍以內盡量休息夠然後有幾多餵幾多, 最攰的時間好快過. 我餵妹妹時, 有時會叫哥哥坐在我身旁一齊睇書或睇電視, 都陪到佢o既.
我個大仔都係成日病, 其實細路仔就係咁, 健康呢d野唔係咁易量度, 有d研究話佢地大個冇咁易肥呀之類之類, 點都應該餵人奶有益d.
我會向你好好學習架喇, 希望你會多點分享啦!!
多謝你呀!
雖然我未做媽媽…
但知道個個媽媽都想俾小朋友最好ge…
首先唔好俾咁大壓力自己…
或者吳巧b都好聽好乖食奶奶好快手呢…
如果可以…或者先試下喂一個月彩虹牌…
始終有個人幫手會好d…
過左一個月先再做回顧喇…
到時可以再考慮埋吳巧b ge 表現先再作決定ma..
總之凡事向好個方面諗…
唔好咁快打定輸數呀!!!
加油!!!
原來你的壓力這麼大…放鬆啲啦,現在寶寶還未出世,或許小寶寶與靖天姐姐不同,很快便掌握那技巧呢!
餵到幾多就幾多啦,那怕是只有兩三個月!
那時有沒有請教過姑娘,為何靖天吃得不好?今次可作為參考…其實,吃奶本來是人天生的本能,你不用太緊張,要對寶寶有信心喔!
我一向支持餵母乳,最後因為要返工,只能餵到三個月便要停,當時都有少少怪自己,為何不堅持,所以我真的很佩服你可以堅持這麼久,你真是個好媽媽!
我很享受埋身餵的時刻,因為那是自己與寶寶的最親密時刻!…明白你第二胎的難處,但我相信你對小寶寶的愛一定不比靖天少,相比起靖天獨佔了你三年時間,小寶寶只獨佔你這一點點時間,我知道你這強人媽媽一定能安排得到的…頭幾個月找婆婆幫手可以嗎?
係喎,那你返工時誰人湊小寶寶呀?
返左工, 小寶寶就要俾婆婆湊架喇………
時間分配會係一大挑戰…. 另方面唔想因為唔夠奶搞到自己忽略身邊既2位寶貝…
ANYWAY多謝你呀, 我會努力嘗試架喇!
“『咁你倒返轉頭諗, 唔餵, 可能靖天身體仲差呢!』
明白是安慰, 是支持…
但細味這句話, 其實更難受…..
其實…. 我的小寶寶, 是注定, 天生都比人弱, 體格比人差吧…. ?!
睇到呢到 … 已經好心痛…我未做過媽咪..到底彩虹牌還是人奶 .. 留比其他有經驗既媽咪再比意見吧 ..
rainbow .. 由”小寶寶天地” .. 到”咱們仨” .. 而家”咱們仨+1″ … 一直有睇 .. 知道你已經做得好好 .. 十分好 .. 唔好比咁大壓力自己 .. 盡力!!!!! 加油做好媽媽!!!
你知唔知你呢個留言搞到我喊呀? 衰人…….. >.<
我會繼續努力架喇, 多謝你呀, 阿飯!!!!
Dear Agnes:
18個月, 好強呀!!!!!!
我都要向你好好學習;
2歲返學又係一個新關口……
無法啦!