笑．點滴 [3歲1個月]
笑……
是我們對著靖天, 每天都會做的!
已經很久沒有細細記下靖天的笑話…….
過去的數個月, 真的忽略了很多…..
很努力的記呀記, 記呀記….
遺憾, 忘了就是忘了! 
.
.
2月11日, 凌晨
~~~~ 扭睡中的靖天~~~~
靖天: 我要媽咪呀…. 我要媽咪! (喊喊喊~~~)
爸B: 你想要新媽咪定舊媽咪呀?
靖天: 我唔想要新媽咪呀… 我要O個個媽咪呀!! ( 喊喊喊~~~)
爸B: 好啦, 咁我叫o個個媽咪過黎啦…..
靖天: 好呀~~!! 唔該…. (喊喊喊~~~)
真係….. #%&$%^@#$%!@#$!#$
.
2月14日, 黃昏
~~~~ 戒奶樽~~~~
靖天: 我想食枝奶喎
媽咪: 邊個想食?
靖天: (細細聲) 我囉…..
媽咪: 咁用樽樽定杯杯呀?
靖天: (奸笑) 用樽樽都好…. 哈哈 
媽咪: 
仲細呀?
靖天: 係呀, 我係爬爬bb黎架!
然後, 佢即刻趴左o係地下, 扮bb 爬……….
2月14日, 晚上
~~~~ 普通話課 ~~~~
如常的普通話課….
靖天在房跟老師一起上堂, 媽咪就在工作間上網等候….
也可以聽聽靖天上課的情況, 有沒有作反…
結果, 這天的課堂, 聽到靖天很大聲, 超大聲的跟老師唸著生字!
那個大聲, 已經有點失控…. 完全是”嗌“出來來, 很沒禮貌的感覺! 
心想, 下課後, 靖天又要給我訓話了!
然後, 聽到靜下來幾秒….
接著………
靖天: 媽咪話要大聲….. 因為呢, 大聲先乖架……
上一課, 因為靖天沒有好好跟著老師唸, 課堂完結後, 媽咪狠狠的教訓了靖天一頓!
再三叮囑她要大聲唸, 乖乖聽老師說….
結果, 這一課她完全做到了, 但就…. 誇張起來!
都是自己不好…. 大聲 VS 細聲…..
看來又要好好的給靖天作一個指示了! 
.
2月20日, 晚上
~~~~ 小氣的靖天 ~~~~
已經熟睡的靖天, 忽然嚎哭起來!
因為爸B剛剛從她身邊擦過….. 找回電話叉電…. 然後急急的上廁所! 
靖天哭著走到媽咪跟著….
靖天: 『爸B打我呀….. 打到我好痛呀!』
媽咪: 『爸B打您邊度呀?』
靖天: (指著額頭)『打我呢度呀!! 好痛呀!!! 爸B打我呀!』
心想, 爸B絕對無可能在半夜打靖天的…. 猜想是不小心了!
媽咪: 『哦….. 爸B 可能頭先攞野唔小心呀, 您唔好喊啦!!』
靖天: 『係咩?????~~~~ 好痛呀!!!』
媽咪: 『咁我陣間同爸B講返, 叫佢錫返您啦, 好無?』
靖天: 『好啦…… 』 然後乖乖的走上床去;
待爸B從洗手間出來, 媽咪已經告訴他, 剛才打到了靖天….
也以為靖天睡了…..
忽然, 靖天又再哭起來: 『爸B! 您頭先打到我個頭呀, 好痛呀!!!』
爸B: 『哎呀~~ 我打到您呀? 對唔住呀……. 我無心架, 我錫返您丫!』
然後親了女兒一下….
靖天: 『唔係呢度呀! 係呢度呀!!!』
爸B: 『哦…… 好啦好啦, 打到呢度麻…. 我錫返啦!! 仲痛唔痛呀?』
靖天: 『唔痛喇……』
然後, 就收起聲…. 安睡了!
百分百小女孩的靖天…. 實在不宜得罪咯! 
.
(156)
靖天比你的對答笑C我啦,今日娛姨無心機做嘢,好彩得你媽咪寫這篇文章出嚟,我至精神返,多謝你呀靖天^0^
wakakaka多謝！
哈哈哈,瀅瀅都係咁架,你對她說過乖孩子要這樣這樣,她就會跟從,還要其他人也這樣子…如果你沒跟從,她會不停用說話轟炸你,誓要見到你做返好,她試過因為咁,同佢最好的朋友仔鬧交呢XDDD
實在是….. 叫救命囉, xdxdxdxd
笑屎人咩
又激死又笑死囉!
靖天真係好嗲~~
嗲到暈呀!
你好呀, 又是我..HEHE, 我見到你有D POST是講蒙特梭利教學法, 但是用PW 鎖住了, 看不到, 我想知道晴晴(跟我囡囡名一樣) 在屯門有嗎? 若果有我也想給囡囡試試, 而想問下這個方法好嗎?
我女兒叫”靖天”唷…. @.@
暫時知道屯門沒有蒙特梭利的pg, 可以找找”兒童無限” 或 best concept 看看~~~
~~~~ 普通話課 ~~~~ 那編 ..
她 .. 係咪醒得滯呢 ?
實在諗唔到可以點樣教佢分大細聲 .. 哈哈
咁我地有同佢講過架麻….
小氣的靖天真係好小氣…
不過真係好好笑…
極講究”原則”…
係呀…. 一就一, 二就二;