巧巧 VS 奶咀 [出生後的第4天]
巧巧: 『媽咪唔俾我啜, 就塞個奶咀俾我….. 好衰架! 
』
巧巧出世的第4天晚上…..
終於都發現了跟靖天很類似的情況……
一連幾天埋身餵她, 跟姐姐一樣, 不消5分鐘, 已經睡得動也不動…..
在醫院, 在家, 都試過狠心的彈她腳趾….
但她哭也不哭, 只是皺皺眉, 輕輕啜兩下, 又再睡….. 
而且, 這方法實在很爛… 要是她將”吃彩虹牌”聯繫到”會很痛”, 那就慘了!
.
好了….. 半夜餵她….. 她又是這個樣子…..
以為她睡了, 不吃了…
將她放回床上….
她卻又極速醒來!!!
經驗告訴我, 她有”啜的欲望”…..
我倒不能再好像上次般, 一整天的給她當奶咀唷!
結果想了兩秒, 就叫爸B拿出奶咀來….
巧巧想也不想, 就將奶咀啜得實實的..
然後, 就安睡下來….
一睡, 就是2個多小時!
.
爸B也微言, 小巧巧才幾天大, 就給她奶咀….
只是我認為: 遲跟早, 都是會打算給奶咀…
那早兩天給她, 有什麼問題?!
而且, 對於介奶咀一事, 我倒是信心十足的, 因為靖天當年, 也很快就介到了! 
第2天, 又出現這個情況…..
只是巧巧對奶咀並不熱衷………
有時, 她會啜著不放… 然後乖乖入睡……
有時, 她卻什麼都不要, 要想我們抱著她, 一會, 她就會安睡……
希望以後的日子, 她都會不大沉迷這個奶咀啊!
這個小巧巧, 比起姐姐當年, 似乎都…. 
除了在喝奶方面, 比靖天姐姐差十(萬)倍…
其他的, 都(可能)因為有了經驗, 而變得駕輕就熟…..
難怪….. 婆婆曾經說, 做弟弟/妹妹, 總會有些天賦, 讓自己的父母疼愛自己….
巧巧…. 您讓我們越來越愛您咯!!! 
.
(148)
好好笑，個奶咀遮左佢半塊面
XDDDD
嘻, 面細麻!
我又係遇到你講既問題呀!出世頭兩日在醫院時,佢又好有耐性啜足成個鐘,可能那時真係無咩奶,佢啜極都唔飽啦,但最近幾日,佢成日都係啜5mins左右就訓著,又係攪極都唔醒,哈哈……我又係試過彈佢腳板底,同樣都係無咩反應。出現呢個情況令我好苦惱,究竟佢夠唔夠飽,5mins真係好難令我覺得佢夠飽,但到我放棄喂啦,放返佢落床,佢就眼光光,張口四處搵食,試過有試喂一餐奶係橫跨兩餐奶既時間,過程中就係飲一陣訓左,換片,醒返覺得不飽又搵食,又再次喂,又再換片,又再放落床,直至去到佢覺得真係飽先真正熟睡,咁樣既喂奶過程我真係有點怕。有時真係好矛盾,有人話bb夜晚唔使食奶都得,佢餓就自然醒,唔醒就由佢,但健康院姑娘又話人奶要個幾兩個鐘喂一次,超過兩個鐘唔起身就要叫醒佢,真係唔知邊套係o岩。經過多次飲一陣就訓,令我疑惑佢究竟飽唔飽,尋晚我終於忍唔住拿出泵機將奶泵出,佢又好快飲晒醫院講既90ml,但之後又係換完片醒左又再搵食,雖然知道佢大概飲到既量,但始終對佢5mins飲得夠唔夠,還是一個問號。我諗佢係唔夠,但變左少食多餐,人奶本來已經係多餐,佢再細分再少食多餐,一日真係唔知要喂幾多餐。
係呀, 所以今胎我咪無埋身餵囉…….
bb好可愛啊…見到
令我諗返起我個仔細細個o既時候…
轉眼間就快2歲啦…
好懷念…
亦都好後悔當時冇抱得佢多d…
好好珍惜現在相處既時間…
祝…身體健健康康..
嗯! 我都會抱多O的佢架, 嘻
剛剛看過一篇文章，一位生了2個小朋友的美國媽媽說:美國那邊教媽媽們餵奶的時候，不想bb吃不飽就睡的話，就脫清光bb的衣服，只餘片片(天氣冷我想可以開個暖風機吧，但一定不可以讓她覺得很暖，目的是要令她覺得有點「涼」)，說有媽媽抱著不會冷親的，而bb就不會只顧著睡不吃奶。趁這幾天暖了一點，或許你可以試一試呢!
ERR…… 咁樣做會被人打架喎!!