巧巧的彩虹牌 [內容已更新]
經驗多了…. 擔心少了….. 路也走得順暢了…..
彩虹牌 VS 無敵奶粉…… 一直都是懷這胎的迷思…….
只是到小寶寶出生了…..
未知何故, 又會自自然的, 餵起彩虹牌來!!!
.
產後的第2天, 下午3時多, 到餵奶室, 餵奶去….
醫院的手法: 先埋身, 後補奶粉….
小寶寶吃了一整天奶粉, 還沒有出現NIPPLE CONFUSION…..
很容易的, 就成功了!
不過巧巧比靖天還要懶… 只是啜了幾下, 已經睡得不醒人事….
結果我偷偷的彈了她幾下腳趾, 弄哭了她, 她才多啜幾口…..
.
第2天, 胸是有點脹脹的… 也有初乳了…
不過感覺, 還沒有上好奶……
跟新認識的媽媽交談過, 決定學她帶奶泵到醫院, 幫自己刺激一下…… 
晚上, 在醫院吃過飯, 拿出預先叫爸B準備的奶泵…
結果… 花了廿多分鐘, 泵了50ML…….
是一個很大的動力, 讓我繼續這樣下去……. (我還以為, 10ml也沒有)
至少, 我知道, 這一胎, 我仍然有彩虹牌可供應! 
.
產後的第4天, 似乎上奶都蠻理想…… 也因為開刀後不能喝魚渴 (婆婆說的), 那就唯有偷偷的喝早已買回來的多奶茶, 幫助一下…..
結果……
前兩天, 泵出來的都是約80ML左右….
這天晚上, 竟然可以成功泵到(其中一邊)近120ML的彩虹牌…..
已經夠巧巧吃2餐了~~~!!!! 
感覺, 令人興奮…. 要知道, 這個”單邊份量“, 上一胎是很辛苦才有的….
想不到, 今次不到滿月, 已經可以有這個成績……
.
脹奶的問題, 這幾天沒有好好改善…..
沒有為自己設下時間表…. 而且怕累….
一天只泵4天 (6小時一次)…..
單一邊泵到120ML… 埋單, 竟然是200ML,近7安的份量….
知道那刻, 幾乎開心的跳起來!!! 
原來, 我還是很在意… 我有沒有足夠的彩虹牌餵哺我的小寶寶…. 
.
產後的第6天, 感覺已經完全上好奶……
只是彩虹牌跟上次一樣, 都出現很多”樽頸位“……
因為有了經驗, 細細為自己檢查…. 已經摸到很多”粒粒”…….
未知是否喝了多奶茶, 而加吃了一款增補食品….
這天晚上, 似乎出奶都變得前所未有的順暢……
結果….. 竟然兩邊都泵到120ML up….. 埋單有8安之多……
不要說今胎, 上胎餵了近10個月, 也從來沒有試過可以有這個奶量!!!
可以不開心嗎? 可以不開心嗎?
.
已經過了12朝…..
每天都會泵5次… 有說要2-3小時一次才能會多奶, 但抱歉, 實在吃不消…. 
現在泵5次, 手的某些位置已經疼痛起來 (回想… 當年的筋腱炎, 驚驚! 
)…..
全日的奶量, 都蠻穩定的…… 要是某一次可以完全泵清, 那就會多幾安…….
最高紀錄的那天, 是38安…..
已經完全超越了我兩胎泵奶的紀錄!!! 
在此, 要多多感謝小巧巧…. “慣性擠塞”的我… 都因為巧巧小嘴巴, 令彩虹牌可以暢通無阻. …
要是3年前都知道這個小點子, 也許我可以給多一點靖天唷!
.
多奶茶….
增補食品….
LECITHIN….
豆漿….
午餐, 晚餐, 都吃一碗滿滿的白飯…..
都是每天必吃的…….
還有幾乎隔天就會吃一個木瓜…..
還有凌晨泵一次, 半夜泵一次, 清晨(早上泵一次), 下午泵一次, 黃昏泵一次….
一點一點的加起來….
就暫時保持住足夠的奶量……
也因為暫時性的順利, 而且巧巧吃得少…. 在她出院的第2天, 已經不用再靠奶粉幫助!!
成功的…. 踏上了100%彩虹牌之路….. 
.
巧巧屬輕磅BB…
出院時, 還只是每餐45ML奶量….
慢慢的, 慢慢的, 加到現在60ML……
第12朝開始, 她忽然吃多了…. 要90ML才能滿足她啊!
每天最少10餐…
這是健康院姑娘要求的……
結果, 每天還是可以儲起一點…. 但願能夠積少成多, 有一天, 真的有一個屬於巧巧的儲奶櫃!
這都是當年一直都做不到, 但又很想很想做到的…….
.
當年就是因為不懂吃什麼催乳食品, 更不會半夜起身泵奶餵奶…
到知道的時候, 已經太遲…. 奶量都穩定了, 想增也難!
這一次, 都很急著要盡快增奶…..
要是下個月, M小姐來探望, 奶量誓必節節下降….
現在可以做的, 就是增加奶量, 希望可以一直都維持足夠的彩虹牌給巧巧!
.
早幾天, 爸B已經問起…. 『你又話餵得幾得幾多, 但係你就不停食呢O的野….』
暗示媽咪做得”過火“了….
只是人人都這樣試, 這樣做…..
為什麼我不可以?!
我沒有作聲, 只說: 『得啦~~ 得架喇!』….. 輕輕帶過! 
.
第1次去健康院, 姑娘問起巧B吃奶的情況….
她問: 『諗住餵到幾時?』
我答: 『餵得幾耐得幾耐….』
很官腔的答案, 我都不知道, 為什麼我會這樣隨便的答了這句….. 
然後, 不知說起什麼…..
她說: 『上次餵得唔好, 今胎你都肯再試, 又不停泵出黎俾bb食…. 其實都証明你真係好想餵得成功!~~~』 
姑娘平淡的一番話….
才驚覺, 自己這陣子不停拿著奶泵的真正原因~! 
.
今胎, 少了埋身餵巧B….
上胎埋身的經歷, 令我感受良多……
不得不承認, 埋身的那刻, 是最最溫馨的….. 更深深感受自己真的已當媽媽….
只是靖天當年一直都吃不好…. 好一陣子, 是24小時全天候的餵哺….
30分鐘一次, 每2小時一次… 又因為靖天邊吃邊睡, 有時甚至餵上一個小時……
結果.. 靖天的體重仍然增了! 但壓力很大….
.
這一次, 少了埋身, 改用泵出來…..
至少, 我真的可以知道, 她吃了多少; 壓力是少了一點…..
遺憾, 身邊人, 包括健康院姑娘, 都不大支持泵出來餵哺小寶寶…..
問了3位健康院姑娘, 都異口同聲說: 『好叻好叻既媽媽先可以做到全泵, 但一般都唔可以餵多過6個月… 奶量一般都會因為BB不吸啜而下跌…..』
也許這是真的….. 也許不….
至少, 我在論壇上, 看到的成功個案, 並不少!
.
給彩虹牌予小巧巧, 不是要爭取什麼”母女時間”…..
母乳, 是上天賜予每一位母親給她的子女最天然的食物…..
而我, 也盲目地認為, 母乳, 是真的很珍貴, 很難得……….
這似乎都是我的職責….. 
巧巧出世前, 我都沒有想過自己會否成功… 更沒有跟上次一樣, 不停要求自己”做得好”… 曾經有好一陣子, 我更希望自己是沒有母乳的.. 那我就可以明正言順的餵奶粉給她….明正言順的塞奶樽給她……
只是, 當小巧巧出世後, 走到餵奶室….
就會情不自禁的準備彩虹牌….
抱著小巧巧, 又會不由自主的將彩虹牌”塞”到她嘴裏……
回到家, 更會想也不想就拿出奶泵, 不停泵, 不停計著下一次的時間, 更不停吃那些(可能)會增奶的食品…..
.
我並不知道, 這一次我可以成功多久…..
更不知道, 自己打算餵哺多久….
既然我都不自覺的走進了「彩虹牌」這條路…..
那就會多多努力….
沒有付出, 又如何會成功!?
.
其實….
我知道…….
我是很想可以成功的……
.
(939)
我剛剛都 check 到有第2胎…好羨慕你咁多奶^^…
多奶茶….（你飲那一隻，何時開始飲?）
增補食品….（有什麼?）
LECITHIN….（那一隻，藥丸／粉?）
全 pump 型不埋身可以嗎?
一生完帶pump 去開工都唔錯的方法…
thanks^^
應該係因為第2胎先咁樣卦?!
我係全泵的, 少有的埋身…
成績暫時都十分理想啊, 夠BB食啊!
我看完感動, 做媽媽的,很偉大!
努力下去, 加油!
^.^ 謝謝你呀!
好勁呀~全泵媽真係辛苦過埋身餵,我果陣滿左月先泵到4OZ(兩邊),你真係好叻呀~~
我估係因為我第2胎….. 上胎我都好少架咋;
有時健康院姑娘講o既o野，都不一定全對。我第一胎係產後三個月先到餵人奶，一樣全泵，雖然只係餵左六個月無餵，但唔係無奶，係太多奶，令我輕得太快o者。
o個六個月我係全人奶，每日產量達五十安士多，故產後體重由一百三十幾下降至九十磅，好似骸髏人咁，所以停餵…
所以今胎，我o地一齊加油！
五十幾安…. 好強呀!!!!!!!
你實在太勁喇, 快O的教下我啦!
沒有到訪貴境. 驚喜得知你已是兩孩之母!! 實在可喜!!
我的第二個寶寶現在都3個月大了,亦是100%母乳餵食. 一齊努力!!
加油呀!!! 犀利!
好叻呀！加油呀！
我會加油喇!
加油！有需要可以買個電泵，方便好多。
我用唔到電泵呀, 嗚嗚;
見到你能成功做到全人奶真係好替你開心.將來的事也不要擔心太多了, 不要給自己壓力就好了…心情放松了, 一切自然會變得更得心應手. 加油呀!
我都係暫時做到咋…….
多謝你呀!
實在太好啦！媽媽奶is simply the best! 可惜我兩次都失敗。有時真係要天時地利人和配合，繼續努力，叻媽。啊••有無時間翻一翻d衫,啱用嗎?
試過, 就無悔喇!!!
O的衫睇左喇, 好鬼死靚, 仲要好鬼死貴呀, 多謝你呀!
加油呀 ^^
THANKS
好勁呀!!
請問你飲的多奶茶是什麼牌子?
YOGI 有機多奶茶
健康院姑娘是錯的！
我就是奶泵媽媽，泵到bb 10個月大，因工作忙而暫停，絕對不是奶量跌。
我和你的時間表一樣，不過待滿月後，半夜不再起床。以後，一天4次，每次泵250ml。
你已經有個好開始，實無問題^^
好強既份量…….
多謝你鼓勵, 好大既動力呀!
D增奶野好帮到手窝…我一日三次,每次两边先挤到5安咋…10个劲!继续努力!
但係…. 你有埋身喎;
加埋埋身既, 你應該叻過我呀!!!
第二胎媽媽你好犀利呀! 我都好似你咁, 5月將為第二任媽媽, 盼依然可以順利餵人奶!!!
互勉之~~
因為第二胎囉……
真係會順利O的架;
請問（1）增補食物是什麼？lecithin是什麼牌子?以上同埋豆漿每日份量吃多少？靖天媽加油！
LECTITHIN 係卵磷脂, 幫助防止乳塞的;
豆獎每日份量多少人人不同啊! 我有時飲2杯, 有時3杯
謝謝你呀!
Add Oil
^.^
巧巧媽媽加油呀….
THANKS
想請教,點解今胎你會選擇泵奶而唔埋身喂呢?
之前SINABLOG 傻左…..
個原因我寫左出黎架喇;
勁ar, 未滿月已經泵到咁多, 我高峰期先得咁多咋. 有志者事竟成, 加油!
我預測到, 我坐完月O的量會節節下降…… @.@
可以 100% 全母乳 好叻啊
無論可以餵多久 用什麼方法
盡了自己的努力
舒舒服服的餵小巧吃最好的食材便可以了
最緊要 放鬆心情
奶量自然充足 加油啊
唔知可以捱到幾時架……
不過今次真係輕鬆左好多….
可能真係因為咁,個量自然多左?! ^.^
靖天媽, 加油呀, 如果可以的話1-2餐埋身, 其實當初我都是埋身, 就是奶少又是一邊喂一邊泵都幾乎關節炎, 2個月半先有30安奶…你今次真是好叻…3個半月後返工後之後變左全泵, 由3個月至9個月都是30安左右, 來左m小姐就開始得20幾安…1年得返20安, 每個月就少幾安…1年半只有8安加埋病左只有放棄喝了….
靖天媽媽, 現在好的開始…你要加油….
好勁呀!!!! 可以餵到咁耐;
我都唔知可以捱幾耐…. 餵得一日得一日囉;
謝謝你啊!!!!!
不過埋身有難度呀, 呢隻巧B, 同家姐一樣, 啜兩下就訓到不省人事…..
恭喜你呀!十個叻!當年我都係諗餵到佢唔飲, 結果係二十個月大就停, 藍天媽媽埋身好全泵都好, 巧巧都會滿足和健康成長 ^^
記得享受過程, 祝 大成功!大滿足!
餵到20個月好叻啊!!!!
謝謝你的鼓勵, 會加油了;
你好叻呀！如果我有第二胎一定會搵你幫手教我。第一胎最高都只得4oz。到知道原來有多奶茶的時候已經太遲。
唔好咁講啦, 我其實都無做O的咩…..
恭喜你呀,今次成功了!
下個月的事到時至算啦,我支持你的”餵得幾多就幾多”~加油呀!
成功左一陣囉, 哈哈;
希望可以餵耐少少啦;
十分感恩呀!!!!媽媽真的全彩虹牌了,
十分幸福呀!!!!巧巧
我想問問可唔可以比靖天飲埋彩虹牌架(現在佢3歲得唔得架?)
祝你們仨+1都身體健康!!!
多謝你啊!
其實我都考慮如果有多俾靖天飲少少….
不過…. 還是計一計先;