增磅不好…. 要補奶粉?! [出生後的第8天]
媽咪和巧巧的第一次…
單拖的到健康院檢查去啊!
巧巧出生的第8天, 媽咪單拖帶了她到健康院檢查…..
因為時間太早, 不想婆婆大清早過來;
因為上一次姑娘說會再跟我溫習授乳技巧, 更不想婆婆在健康院呆等;
結果…….
先磅重! 2.57KG!!! 終於可以追回出生的體重了!
再看黃疸指數! 再一次回落了……!!!!
然後, 轉到另一個房間, 等候醫生再檢查!
.
循例式的問與答……
然後, 看見醫生拿出計算機, 不停計算著….
醫生: 『黃o個讀數退緊架喇, 應該無咩問題! 不過就重得麻麻地, 一係你補兩餐奶粉啦!』
媽咪呆了幾秒….. 也來不及反應, 便被趕出去, 約下次面見時間!
.
約好了下次見面時間, 職員卻完全看不到今天我要見”母乳姑娘”….
要輪到我開口問, 她才安排! 
等了一會, 一位從沒有見過的姑娘接見我!
又是不停的問呀問, 答呀答….
因為已告之我是泵出來餵, 姑娘又是照舊說埋身會更好!
期待會有那位高級的姑娘跟進我的埋身餵問題, 只是都沒有紀錄, 我也不想再開口要求!
剛才見醫生, 說巧巧增磅不理想, 心情已差到極點!
.
最後, 姑娘問我有沒有問題, 我還是問姑娘, 小寶寶是否增得不好!
姑娘看了看紀錄, 只答是…. 然後又是叫我多餵幾餐!
我只輕輕說, 已經每2小時餵一次, 但巧巧就是吃不下!
姑娘再翻看我的紀錄, 她:『奇怪… 醫生話增磅唔好, 但要你5日後先返黎check磅, 咁樣好危險喎! 』
然後, 她又問: 『咁你有信心, 呢5日可以幫BB增到磅?』
我答: 『有既…. 咁咪餵密O的囉!』
已經萬分失望! 
.
滿以為, 不埋身, 用奶樽餵, 每餐計算份量, 增磅應該不成問題, 誰不知, 醫生還是說巧巧的磅數增得不好! 
那一刻, 我已經跟自己說: 『咁算啦, 唔餵彩虹牌喇! 泵得咁辛苦, 都係得個吉! 可能彩虹牌根本就唔夠營養…. 轉奶粉算了, 肥一點總好過太瘦沒營養!』
姑娘: 『其實佢黃疸已經跌緊, 照計應該識喊肚餓, 唔會不停訓架喎!』
我答: 『我都唔知點解會咁…….』
姑娘也感到奇怪…..
結果她從新翻看我的所有紀錄…….
看了幾眼, 她竟說: 『哎呀! 醫生計錯數喎!』
然後, 她拿出計算機…. 按了幾下: 『無問題喇! 醫生計錯數咋! BB重得好呀!!!』
原則上, 初生寶寶每天都需要重20克才算合格, 而巧巧這幾天就只是僅僅重到20克, 所以醫生說她很”Marginal“, 要我多餵一點!
但她卻看錯了上次的體重, 而且巧巧出生後都出現收水情況 (即輕磅了), 醫生卻用了她出生本身的體重計算, 那當然會重得”較少”…..
姑娘再重新計算, 結果算出來, 巧巧每天都可以增重25克, 合格有餘!
知道是什麼問題後, 也差點兒哭了出來!
那個什麼黃綠兒科醫生?! 連基本的小學生算術都算錯!
但願往後我都不要再遇見她!!!!!!!!
.
巧巧跟靖天一樣, 都是輕磅寶寶….
自問自己比上次進步多, 至少不再因為她出生的磅數而感到自責, 也不會因為她重得不比人家的寶寶多, 而失望….
經過靖天當年….. 近一年多的自責, 和反思….
終於明白, 小朋友的成長都會有她的規律…
懷孕期長不好, 不代表出生後長不好;
出生時輕磅, 亦不代表長大後會過瘦;
所以今胎一開始就放棄埋身餵彩虹牌, 改成泵出來, 定時定量的, 就是想在自己可以更輕鬆, 不用擔心她吃得少, 啜不夠…..
被那個黃綠醫生嚇一嚇, 實在十分不好受!
埋身已經放棄了, 要是連彩虹牌的營養都被否定, 我實在不知道自己能否承受得來!
而且, 巧巧不比靖天當年的吃得好… 出生後的10天, 一直都是1安~1.5安..
靖天當年出院回家已經可以吃3安了!
我不想強迫巧巧吃東西, 但卻又無奈地要不停給她灌奶….
明明她晚上可以安睡5個小時不醒….
但又怕她長得不好, 要2.5小時弄醒她……
所以, 這次又是另一番壓力…..
.
加油! 巧巧!
加油! 媽咪!
..
(1097)
係呀~1歲人都係得8.53kg之嘛…嗚
靖天好似都係差不多咋…..
輕磅b,我個囡都一樣,由細到大都係細中SIZE~人地話食人奶唔會咁肥,所以我只求佢身體健康,瘦就瘦啦,大個左唔水減肥嘛….
八妹都輕磅架咩?!
不過你岩, 真係大個唔洗減肥, 仲好!
靖天媽係唔係華都花園果間 ?
唔係呀~~~!!
另一間;
繼續彩虹牌, 支持你呀!
多謝你呀!
媽媽身体嘅營養會先落母乳..跟住先到自己, 唔駛擔心, 足夠且均衡飲食就ok啦 !
加油呀, 你一定得 !!
^.^ 多謝你……
運吉醫生!
HAHAHAHAHA
增磅呢家野真係擔心c不少母乳媽媽>< 當年一心又係增得差甚至生長線緩緩向下, 但我堅持, 除非無貨先補. 直到佢食糊食粥(而且食得好多), 佢都係增得咁慢, 我至可以鬆口, 可以高呼:”我d奶係無問題o架!!!!!”
加油!
靖天媽咪,
唔使担心,我对仔出世係早產兒,而且只有2.05kgs咋,因為我沒有足夠母乳,好早已經飲S26,满月改A+1直到現在飲到A+5了, touch wood OK & 身形比同齡高大但不肥, u can look look my fb pics ar,所以出世輕磅唔使怕,最緊要巧巧努力有後劲,你都唔好太緊張,爸b有冇撐你先,佢嘅支持好重要的。
其實重點係……
彩虹牌…. 既營養…..
唔係巧巧既體重唷 >.
數字既嘢祇係用來參考, 唔使太在意啊, 而且你跟本就做得好好, 又定時又定量, 至於餵口方面真的每個bb唔同, 巧巧食得少唔緊要, 最緊要佢有長重,大小便便都正常麻, 千祈唔好輕易放棄彩虹牌呀,有全泵型媽媽都可以餵到三歲架, 真的,不是氹你, 話唔埋下一個全泵媽媽到三歲就係你呢.
至於健康院,唉, 算吧啦, 當初年亞女差點被打錯針呀, 好彩我見到牌板個名唔係雪雪同姑娘講咋,仲要兩個月入醫生房, 個醫生話ok啦,不過點睇都唔似四五日大囉, 我話下, 我個女兩個月喎, 原來又係入錯房
我無諗過會餵到3歲架…..
@.@
你見O個個E生真係超極品呀!
如果你食得正常,彩虹牌無理由唔夠營養喎,奶粉都係照人奶成份仿製出黎..加上母乳有奶粉無既抗體,無價寶呀. 宜家巧巧先得8日人仔,比多幾日時間睇下佢吸收成點啦. 你泵都泵到敢多已經好叻架啦,加油呀!!!!!支持你!
呢個E生真係動搖左我架;
如果晚上巧巧瞓到又無哭醒要奶, 可以考慮隨得佢瞓到自然醒, 不要怕巧巧唔夠營養, BB肚餓係唔會同你客氣嫁, 佢自然會通知你, 加油.
記住, 瞓得好先會食得好, 尤其係夜晚, 瞓覺行先, 因為造血、器官發育都係夜晚嫁, 彩虹牌絕對係最適合最好嫁 ^^
很好的分享, 謝謝你啊!
靖天媽媽,唔好氣餒呀!繼續努力呀!彩虹牌對巧巧而言已經係最好既奶,奶既優劣不在於bb的磅數,而在於bb的健康,只要健康,不做胖子也不是問題。
我個女比巧巧細幾日,出院時收水太多,輕左8點幾%,之後去健康院,姑娘叫我每隔個幾兩個鐘就要喂佢,即使係訓左都要叫醒佢,要叫佢主要係因為黃,姑娘話最好在10日內回升至出生時的體重,原來體重是3.43kgs,第9天是3.41kgs,第15天是3.89kgs,醫生話增磅理想,不用刻意把熟睡的她叫醒,因為睡覺同樣是長肉的。所以如果巧巧不黃,其實夜晚不用刻意叫醒佢,佢餓自然會醒。
之前因為無咩奶而令阿女收水勁,真係令我感到自責,之後聽姑娘話每隔個幾兩個鐘就喂,今胎我係埋身,剛與你相反,我反而係上一胎泵多,今次我同樣擔心唔知阿女食左幾多,但今次心態唔同左,唔理佢食幾多,總之就密密食。哈哈….其實我今次都有間唔中泵下,睇下自己大概有幾多奶,估阿女大概食幾多。
跟我相反啊, 哈哈;
埋身…. 如果巧巧係中碼BB, 我估我都會俾佢埋身……..
你要對自己同彩虹牌有信心呀! 加油再加油…
多謝你呀!