第一個音樂表演 [3歲2個月]
靖天人生中的第一次…….. 在3歲零2個月……!!!
靖天在沒到2歲時, 參加過通利琴行的什麼幼兒親子音樂班…..
近200大元一堂, 學到的, 近乎零…..
加上靖天每堂只懂粘著我, 又不投入, 課室又細, 還要擔心細菌傳染….
實在是沒有什麼享受得著可言!
.
然後, 暫停了讓靖天學音樂….
總是認為, 學音樂, 不是這樣的!!!! 
只是當留意到現今的樂器班, 大琴行, 都要求有音樂底子 (基本樂理)…..
縱使十萬個不情願, 也得屈服…..
但目標已經不再是通利, 柏斯這些超有名氣, 和激貴的地方….. 
.
本想參加葉氏的….. 但時間一直不合, 地點也不合, 價錢更是不合! 
不停的找呀找, 找呀找…
終於給媽咪找到了大會堂內一個音樂協會辦的音樂樂理班…
這個音樂班最吸引的, 是只要可以完成基礎和進階課程, 便可參加協會內的樂器課堂!
而且….. 價錢十分商宜啊! 
有了巧巧, 很多花費都要起雙, 資源已經不能再單放到靖上…..
為靖天選課程, 也得要找些經濟實惠的…. 
.
.
課堂的內容, 感想不說…..
只想分享一下… 名不經傳的音樂協會, 竟然有表演的機會! 
這發生在課程的中間時間, 老師說, 小朋友們將出席一個歌唱表演….
唱的是2首耳熟能詳的兒歌….
.
表演前一天, 還有一個排練…
雖然只是十數分鐘, 但感到協會的認真….
除了小朋友們的歌唱表演, 還有樂團的演奏…..
原來, 協會辦的課程, 也少啊!
星期天, 我們為靖天裝身好, 出發去了!
老師要求, 小朋友們要穿上白恤衫, 白裙子, 白鞋..
什麼都白, 真是考起媽咪!
又因為在坐月子, 根本騰不到時間為靖天添置衣物….
最後, 想起淘寶!!!! 
(真笨! 要到最後一刻才想起淘寶!!!)
還花了近40元運費, 極速將貨品送到家!!!!!!
.
…… 集合期間 ……
靖天參加的音樂班, 只有6位小朋友, 絕對是小班教學!
所以今天表濱的小朋友, 也只得她們6位!
準時在集合時間到達, 但車一直還沒有到~~~
結果, 靖天站了一會, 已經跟幾位姐姐混熟…
不停的又跑又跳又叫….
玩了近半個小時!
.
…… 等候表演 ……
是次表演的地點, 是將軍澳一商場….
很遠…. 很遠…. 很遠….
到達後, 距離我們協會表演的時間還有近一個小時…
老師交帶完一輪後, 便是自由時間…
我們跟另一家人, 在店子吃了個下午茶……
, 就回到場地, 等候表演了!
.
…… 準備中 ……
想不到, 我們協會的表演如此認真…
其他的表演者都是鋼琴獨奏, 或是合唱團…….
想不到我們的演奏樂團, 有近20人….. 好厲害唷!
假如有天, 靖天能是座上客, 那….. 多好! 
.
…… 開始了! ……
終於輪到一班小朋友了……
已經等了很久的靖天… 在出場時, 竟然嚷著說: 『我想痾V-V』… 
一來一回, 那一定錯過了這次難得的機會!
結果, 媽咪氹了氹她, 分散了她的注意力… 老師順利的把她送上台了!
靖天在班內年紀最小的….
同班的, 都是K2, K3的哥哥姐姐….
個子小小靖天的, 看上去, 更小, 更迷你!
已經等到有點倦…..
表演時, 靖天的狀態明顯不及課堂上的…..
因為老師都反映過, 課堂上練習時, 靖天是很活躍, 很興奮的….
但這天, 我們看到的靖天, 是呆呆濟濟, 面無表情的….
很快的唱完兩首歌曲….
下台了!!!
.
我們都為女兒這次的表演感到高興和安慰….
一如我們所料, 靖天沒有怯場, 沒有哭鬧, 沒有怕醜…
但卻是有點失望靖天呆滯的表情…..
說到底是第一次, 這是靖天從沒有遇過的.
給她一個很好的經驗,..
我們更期待未來可以有更多不同的表演參與唷!.
.
(532)
靖天真係好叻呀,面對咁多觀眾表演都無怯場~~
謝謝!
TB我睇到頭暈暈 !! HAHA….
呢個協會係唔係返SAT/SUN ?? 小朋友自己上堂定家長陪架 ??
哈哈…… 初時我都暈, 跟住就好迷喇!
個班係自己上, 呢期得SAT班咋;
我都搵緊d音樂班比小朋友, 幾錢一堂? 個協會叫?
我寫左O係另一篇喇!
嘩!靖天無怯場好叻女呀!諗起阿軒佢第一次喺N班結業禮同一大班同學一齊表演, 佢揸住個shaker一路係咁喊, 真醜死鬼…hehe…
而家同佢讀完柏詩上學期, 當中只有堂上表演的機會, 好彩今次大膽左好多.
不過柏詩真係好貴lor…我都搵緊另一間d資料, 等讀完下學期會轉. 本想找合唱團, 而家似乎你呢間都唔錯, 等我又去睇下先. ^^
哈哈, 因為小朋友麻……
柏斯同通利我都覺得貴架……
@>@
我喺網頁內見到靖天張相吖
網頁………???????
靖天真係好叻女，第一次面對那麼多觀眾表演都無怯場。
靖天呢個造形真係好可愛。。。
多謝^>^
你好, 我第一次留言, 晴天媽媽, 我好想知晴天在那裏學音樂。謝謝。
係”靖”呀!!!!!!!!!!
我地在區內的大會堂學咋;
靖天好攪笑,叻件衫抹鼻.
表演場地好近我, 早知去捧場啦.
唉, 都係爸B教壞手勢囉, 激氣!
靖天好叻叻呀~
^.^
第一次表演當然係緊張d, 要V-V都唔奇, 下次你預先帶佢去左就會好d. 靖天叻叻! 其待你更多演出!
其實我都有責任既, 無同佢預先去….
^.^
靖天好可愛呀 !!!
你真勁，成日搵到咁正既TB貨 !!!
BTW, 我仔仔返緊屯門柏斯，感覺都OK，不過都想問你料，呢間音樂協會感覺如何呢 ??
有心搵, 唔難架, TB咁多選擇!
柏斯咁貴……
呢個音樂協會我覺得OK啊, 真係學到野…
第一次上台表演
還只有 5 位小朋友相陪
靖天都無發台瘟 很好很叻呢
期待 靖天 黎緊既 樂器表演
heheee
你地太誇獎喇, 都唔係…..
我都想佢有樂器表演呀, 哈哈
這個協會好像都不錯喎,研究吓先,另外,係柏麗18樓有間叫Music House都幾好,瑤瑤舊年暑假參加左類似栢斯,通利既音樂班,價錢亦相當便宜,大約$1700,佢地個音樂總監(老闆)Miss Poon好好人,教得好好,好有心機架,瑤瑤而家都係度學緊琴,進展都幾好架,係FB揾Music House,或係我個profile度揾到Music House個group架,你研究吓啦
$1700我都嫌貴呀!!!!
呢度一半價錢都唔洗呀, 嘻!!!!
靖天, 很可愛!
^.^ 多謝!
我完全在影片上集中的看著她…心裡感覺點解會有點緊張既..好似在睇阿仔要表演咁,(靖天呀,你既舉動點解我會咁在意架:).. 咁細既靖天踏上了小舞台,真的叫父母興奮又安慰!!
靖天~好喜歡你^.^
你在意, 因為你真心喜歡靖天這個小朋友咯, 嘻!!!!
我想講既係…..我好鍾意你淘嗰套衫囉, 哈哈
哈哈, 謝謝!
well done!
so good girl can stood for the whole session :)
me too looking for some ‘real’ music classes for Ryan not those ‘kindermusik’ anymore….
but quite difficult coz still small
對啊, 2歲真的有點難度,…….
學費咁抵,又有表演機會,這協會又唔錯喎!
我都係咁話,其實有名氣唔一定好…我就中過招…真係,嘥時間又嘥錢:(
好鍾意靖天套衫,靖天穿起特別可愛^^
真係好難得…. 唔知仲有無第2次, 哈哈!
我都知你中過招, 所以更加會小心選擇, 嘻!