這個「月子」真太爛!
巧巧: 『媽咪…. 抱好o的啦!!! 影唔曬我個樣呀!』
巧巧出世, 已經8個星期了………
巧巧的這個”月子”….. 可以用『爛』來形容!
跟上次一樣, 婆婆陪著媽咪坐月子…..
每天的飲食, 都由婆婆打點…..
出院後的首個星期, 因為爸B都放假了……
這是最似”坐月”的一個星期…..
直至出院的第1個星期六….
媽咪早上起來, 帶著靖天上興趣班……
雖然只是在家樓下…..
但相比上一次, 只有靖天…… 整整個月 (除了到健康院檢查), 都沒有出過街……
這一次, 生產後才一個多星期, 已經四處走……
接著的幾個周末, 都會因為爸B外出工作, 靖天要上興趣班….
媽咪都不停四處走……
雖然只是在區內, 但……. 感覺跟上一次坐月, 真的很不一樣!
.
平日在家…….
靖天由爸B接上學… 婆婆接放學……..
初初, 婆婆還會幫忙為靖天和巧巧洗澡…. 然後再煮飯給我…….
然後, 靖天洗澡, 卻改由我來…. 因為身上的傷口, 靖天每次洗澡都嚷個不停, 婆婆實在沒靖天辦法, 唯有媽咪親自出手……
就這樣, 媽咪開始忙碌起來……
靖天回家吃過下午茶…….
媽咪便會安排她洗澡…..
然後給她塗藥膏/CREAM….
然後到自己弄彩虹牌….
再到婆婆為巧巧洗澡..
然後又再巧巧交回媽咪穿衣服…. 餵奶…..
到黃昏, 婆婆弄好餸餸, 媽咪帶著2位小寶寶, 稍稍休息…..
7點多, 就準備弄熱飯餸, 等爸B回來…..
吃過晚飯… 休息一會…..
爸B會幫忙洗碗碟….
媽咪餵巧巧….
然後又要弄彩虹牌……
然後….
媽咪又要安排靖天上床…..
到凌晨前夕, 幸運的, 巧巧會安睡不要抱….. 我們便可以上上網, 休息休息, 跟爸B聊聊天…..
當黑的, 就要抱著她通屋走…. 讓她安靜下來……
.
約3個小時, 又會聽到 又得起來….. 餵夜奶……
媽咪也要半夜弄彩虹牌……
要是爸B有氣力起來, 那就可以幫忙餵巧巧, 時間省一半….
要不, 媽咪就要先餵巧巧, 再弄彩虹牌…..
這時, 天也快光了!!!!
一般多等2個小時, 又要起來, 再餵巧巧……
.
還有一整天, 不洗的洗奶樽, 洗奶泵…….
還有每天輪流清洗巧巧的衣服、靖天的衣服、爸B媽咪的衣服….. 雖然不用親手清洗…. 但還是要晾衣服… 收衣服….. 摺衣服……
還有定時的檢查公司的電郵…. 深怕那替班會有什麼問題…… 
總之….. 每天都很忙碌地渡過…..
要是巧巧乖乖的, 那當天就可以順利一點….
還得要加上靖天都聽話, 要是她將玩具弄得一地都是… 那又要花多很多時間, 清理清潔一番…..
直至今時今刻, 每次的睡眠時間, 都不多於3小時….
因為巧巧還沒有介夜奶, 晚上都需要弄來….
就算巧巧可以多睡一點, 但還是要計好時間, 起來弄彩虹牌….
.
下午, 婆婆上來了, 當然可以幫輕一下…..
但媽咪又會抽時間處理些公務事…
又或是輕鬆一下, 上上網, 聊聊天….
然後, 靖天已經放學回家…..
而且, 這個月子吃的, 不是雞, 就是瘦肉… 還有雞湯….
雖知道坐月子是這樣….
但媽咪還是輕輕要求婆婆添些新意….
那個雞湯, 雖然很補, 但喝了2個多星期, 媽咪的喉嚨已經受不了, 出現嚴重的喉痛…
媽咪跟婆婆反應後, 婆婆停煲了雞湯….. 一天……. 
意見接受了, 但餸菜還是照舊的…
還要有舅父仔從中挑撥, 說我當媽媽做阿四…..
婆婆也懶理我的要求… 繼續她的煮法….
媽咪還是接受下來.. 好的, 不好的, 都塞到肚子裏…..
因為只有不停的吃, 彩虹牌才可以源源不絕….
.
除了日常忙碌的生活….
帶巧巧到健康院, 都由我自己一個來…..
真正的『自出自入』….
一來不想婆婆太辛苦, 跟出跟入…
二來感覺自己已經不再”矜貴”, 自己的事應該由自己來做…..
.
就這樣……
第2次的月子… 就坐完了!
有點可惜…..
因為這應該是我最後一次坐月子..
卻感到自己沒有好好盡力的管好自己身體…
內疚, 更擔心….
深怕往後日子, 身體會因為這個月子坐得太操勞, 而變得虛弱…… 
.
這次坐月子…….
我用了薑皂, 還有薑水……………… (到現在, 還繼續用薑皂, 有點價廉物美的感覺, 故沒有停下來);
我喝了7天的炒米茶, 然後那樽炒米給我打破了, 沒有再弄….;
我沒有像上次般, 每天不停哭, 好的壞的都哭一頓, 換成一份”隨心隨意”的心情, 照顧巧巧, 處理巧巧的事情, 感覺少了些壓力, 輕鬆多……
.
這個坐月子………
我不停的往外跑, 不輪是晴天, 陰天, 下雨天…. 因為要帶巧巧到健康院, 要帶靖天上興趣班, 而爸B都因為工作未能陪伴在身旁;
我不停的做家務, 洗碗, 洗奶樽, 洗衣服, 打掃, 收拾玩具, 幫忙2個小寶貝洗澡…. 可以下放的工作, 我都盡量下放, 只是在家最多時間的就是自己, 家務我不做, 誰來做?
也因為這樣, 這一次, 傷口都痛多了…..
一直到近4個星期, 傷口位置才沒有赤痛…..
上一次, 出院後個多星期已經沒有再痛, 沒有任何不適…..
.
是有點後悔….
沒有花錢請一個陪月….
要是有陪月幫忙, 那飲食方面就可以由她安排….
然後婆婆可以多點幫忙照顧2位小朋友….
繼而我就可以多花點時間休息, 至少不用不停照顧靖天和巧巧, 多騰一點時間給自己…
.
心底裏, 是有點失落, 有點失望, 有點不開心…..
像…. 自己是孤獨的……
明明, 身邊都應該有人支持….
就是感到支持不夠, 幫忙不夠……..
至少… 洗奶樽, 洗衣服, 整理家務, 上一次都有人代勞, 今次, 次數卻少了…
.
.
.
但願, 我的身體不會因為這次操勞的月子, 而變得虛弱起來….
我還得要努力, 花更多力氣, 照顧兩位小女兒…..
除了照顧女兒, 當然也要留點力氣四處玩啊! 
但願……..
我的希望可以成真……
.
(518)
開刀要補兩三個月嫁，你試下買嘉美雞做雞湯唔會燥，我一次就買半打比我妹，放半隻都ok ga la!
加油！
嘉美雞…….
咁貴?
其實照顧兩個小朋友真係唔易!所以我唔夠膽再生…因為知自己攪唔惦!所以我支持你GA!加油呀!但太辛苦都要請工人幫忙呀!
係囉, 我唔知係咪賴左野呢, 哈哈;
一路睇一路戥你辛苦,湊兩件真係好忙碌,你真係好比心機,有時心情低落係正常架,不過你絕對唔會孤單,好多人支持你~ :p
多謝你~~~~~ 感動!
靖巧媽,
你好叻叻!! 坐月都自己做返家務又要照顧對小朋友, 仲要泵奶. 應該極度渴睡.
我自己都係第二任媽咪. 細個個今個星期足4個月了. 完全明白第二次坐月真係同第一次好唔同. 最大分別在有個識行識走又要陪玩既大b要理,冇乜真正休息. 到坐月臨出關個幾日, 終於支持唔住, 病魔入侵. 都好似你咁, 有點擔心坐月坐得唔好, 手尾長… 不過可以話你聽, 暫時身體都還好 (touch wood), 係好似冇第一次坐完月咁精神, 但而家要做既事情全部打孖上, 精神差少少可以理解.
更何況, 兒女係媽媽的精神支柱. 再累, 天真既笑容都足以成無價的鼓勵. 靖巧媽, 努力, 你可以做得到!!
病左….. 唔好嚇我啦!!!!
人家說坐月可以坐到100日呢~你仲有時間喎~
(哈哈~ 所以依家我仲坐緊)
請個鐘點，每日3-4hr，用到盡，爽呀~
勁!!!
請鐘點, 無咁多銀兩呀
你好叻女同堅強呀,努力呀
唉……. 有苦自己知;
第一個和第二個坐月子真是有很大分別, 第二個要多些照顧但又唔想忽略第一位小朋友, 唯有父母辛苦點。 夏天仍未到, 再弄些補品食還可以。
對, 就係咁囉;
第二个真系忙好多。。。加油呀。。。可以的话叫爸爸接少Ｄ ＪＯＢ？
ERR…… 叫得聽就好, XD
坐月唔只呢30日既，你仲可以KEEP住架 ! 不過第一次同第二次相比…..我都覺得第一次好好多，休息時間都多D啦 ! 第二次唔駛照顧細B，都要理大B啦 !!
我反而無飲炒米茶，不過有飲紅棗圓肉水，飲足2個月，我覺得幾好，你試試啦!
我係夜晚準備好放係真空煲，第二日就飲足一日，當水飲 ! 不過我唔知會唔會影響你既彩虹牌喇 !
打爛左炒米後, 乜都懶…. @.@
睇見都戥你辛苦,要同時照顧兩個!
男人係咁啦,我個都係咁架…原來我哋同病相憐…所以,我決定唔生第二個,都係怕自己一個人搞唔掂兩個,到後來瀅瀅大個了不用我經常照顧,但又唔想兩個小孩子的年紀相差太遠…
Rainbow加油呀!真係太辛苦就一定要請人幫忙喔!
都係5年度, OK架喎, 哈哈!!!
多謝你呀~
點解你唔埋身餵奶，咁咪可以慳返唔少時間囉! 我覺得你媽媽都已經幫咗你很多了，你生得兩個就要預咗做阿四的，真係無得再依賴人了。 加油啦!
點解唔埋身呢個問題我講過幾次架喇 @.@
同埋….. 如果我係依賴, 我就唔會咁寫啦, :)
坐月唔只一個月, 你仲有時間進補o既! 唔想麻煩亞媽就買d湯包(煲好果d),係無咁正, 但好過無嘛. 繼續食多d有營養o既o野, 唔理得好唔好味law. 爭取時間休息, 太辛苦真係要請返個人幫手.
我咩都塞得落肚既, 只係懶咋麻…..
嘻
1+1 does not equal 2. Add Oil!!
^.^ 多謝你
Rainbow, 加油呀!
今次係我第一次留言!
如果你有野幫手,公事or私事都ok ga,記住開聲呀!
Joey
多謝你呀, 好感動…….
老人家話可以補足100曰架。效果就算無第一個月那麼好但總好過無。經濟許可的話，可以暫時請個鍾點幫下手，最好可以煮埋飯那你咪可以叫她煮d進補的食品俾你食。
你也不要太唔開心了。過去咗也不要再諗。你已經做得好好了。加油呀！
坐月後乜都自己搞掂, 點補?!
就係經濟唔許可, 唔係一早請左, 唉;
其實你可以補足成年架！
成年???????????????
看到你的文章, 你真是好辛苦的媽媽, 如果真是可以請個家務助務幫手, 等你在餘下的日子可以休息多d, 再唔是將靖天星期六學野的事暫停下先…有d野你可以控制下, 不要令自已太辛苦, 健康一去就返唔到來了….
係囉, 可能呢O的係命苦唔係辛苦……
我唔想因為我搞唔掂令靖天無得上興趣班…. >,
你不孤單的，雖然家務係做極都唔完，可請靖天幫忙，譬如:摺衫、收拾玩具啦，靖天會喜歡對家有貢獻，大個女可以幫到手，呢種感覺佢一定鍾意，而你見到靖天摺嘅衫摺得越來越好，一定好冧啫，試吓無壞吖
重有你已經好叻喇，試下放鬆D，太攰就休息；我坐月都係祗維持完成基本家務咋 XD
今次唔叫你加油啦，因為你太勤力喇….
咁淨係祝你願望成真!!!
靖天係幫倒忙….. 所以都係算;
哈哈, 多謝你!