係咁既衰樣....... o的相係媽咪餵完奶幫靖天影架....咁既角度影落去, 靖天好似無頭髮咁.....唔制啊!!! 首先......係好冧, 好滿足既樣子......跟住聽到有聲, 佢就望下你做乜...... (雖然佢係睇唔到野......) 古古惑惑咁...... 唔知佢諗緊乜........ 又口ma ma喇...... 唔夠喉.....大家望唔望到...

靖天唔扭計時, 其實真係好甜, 好得人鍾意...... 頭先換好片片, 佢突然間乖曬咁喎.... 梗係影返幾張玉照留個念啦... 靖天: 嘩哈哈, 我係麵包超人...... 黎張全身照先.......見到腳仔架!!! 人仔細細.......學人玩脷喇...... 靖天: 呢個咩黎..... 四四方方, 成日對住我......

已經連續第.....唔知幾多日有喊.......  產後抑鬱症 (Posnatal depression)分娩為女性的人生帶來巨大轉變。除了為新生命來臨感到喜悅外，身為母親為了照顧嬰兒要勞心勞力，生活上必須作出重大調整。這種壓力可增加女性患上抑鬱症的機會。 產後不愉快和抑鬱症 大部分女性都會於分娩後不久感到情緒低落，有時我們會稱之為產後情緒化，但這...

如果有人養我........你話幾好呢........ 對得心肝越耐, 越唔想返工.........原先打算2月就返秘撈...... 但出左院都就黎一星期, 真係越黎越唔捨得靖天...... 好想每一分每一秒都對住佢, 痴實佢...... (雖然有時佢搞到我會令我好緊張同唔開心...... ) 知道身邊有朋友生左bb就唔洗做, 有人養...... 真係既羨且...

真係好爽............. 因為有傷口, 問過e生n次, 打乞痴, 咳, 會唔會整爆個傷口.....巫e生話, 只要唔係真係太出力, 就住, 同埋um住個傷口, 係唔會咁易爆線的....就係咁....... 我由第二日開始, 每逢想打乞痴, 咳, 都會就住就住, 一來傷口痛, 二來真係好怕太大力唔知會唔會出事.......  想用力打個乞痴...

您麻麻同太麻麻話您似男仔喎........ 邊忽似....... 係頭髮少o的咋麻..... 咁就似男仔喇咩?! 哼.........眼仔大大, 又有個女仔嘴, 仲似男仔........?  有無搞錯........   

難道想俾好一點自己女兒, 也是錯?! 一直以黎, 身邊除左老公叫做支持下之外, 我搵唔到有邊個係支持, 鼓勵我去做呢樣野.....曾經, 我都覺得奶粉乜營養都有, 埋身餵個bb咁肉酸, 唔制........ 但漸漸, 我明白同埋感受到其實呢個係一種天賦, 埋身去餵一個自己親生既小生命, 其實真係....... 好親密, 好close.....亦都因為咁, 我...

有時...... 我真係唔想身邊有咁多人錫.........媽咪話....... 唔好食咁鹽, 坐月要食清o的...... 然後, 我食左一個星期蒸雞, 烚菜, 白飯......99話...... 唔好食, 多食補品...... 然後, 我就有花膠, 藥材, 燕窩...... 老公話........ 有傷口唔好掂豉油, 唔好...... 但係, 今日俾佢發現...

唔經唔覺, 靖天已經出左世一星期喇......... 上個星期日, 呢個時候, 我記得, 我o係手術室............今日, 星期日既早上, 我已經抱住我個靖天心肝, 一邊上网, 一邊餵緊"專用牌"俾佢...... 時間真係過得好快..... 呢七日.......我學識左點樣製造靖天既"專用牌".......我學識左點樣換片先唔會搞到自己成手係......

無人可以搶走您架..........心肝!!!頭號人物: 靖天婆婆 呢個婆婆鍾意女孩子就早知, 仲要遲o的係佢湊您........仍然沿用舊式方法去湊您, 實在係有點兒擔心...... 咩叫舊式方法? 一字記之曰....... 寵!!!!!!! 有時真係好忟, 明明訓左, 仲要剛剛先曖您訓, 點知佢又走抱起您, 搞下您, 係都要整醒您.....唉.........

靖天出左院之後, 就開始左食無定時既生活....... o係e院時, 因為未有"專用奶"過靖天食, 所以靖天每一餐都食得好準 (個份量), 又好定時....返左屋企後, "專用奶"開始運到喇...... 咁奶粉既份量就即刻減半..... 標準係2安 (依家標準已經去到3安架喇), 佢每餐只係食到1安甚至更少...... 於是我就假設左, "專用奶"提供到1安...

話說....... 我陀住靖天時, 足足重左32磅.........然後呢, 出左院後就拿拿聲上磅睇下囉走幾磅先......  點知係......瘦得10磅........  . 有無搞錯!!!!! 無計啦, 我有產後水腫..... 人地o的孕媽媽就大肚時腫, 我就生完後2日先腫, 初初仲俾媽咪鬧話我好o係e院四圍行唔訓床...... 要...

佢唔扭計時, 真係幾得架!! 呵呵~~~~  難得一個晚上, 得返我們仨....... 佢又醒左, 梗係同佢影返幾張相啦~~ 靖天同爸b啊!!!!好似識望鏡頭咁....... 靖天: 喂, 唔好影啊, 要收錢架!!!!  靖天: 我無你咁好氣....... 幾時有奶食.......????呢個係靖天要食奶既指定動作!!! 好多媽咪話......

琴日係我舊曆生日, 咁大個女未試過會唔記得自己生日.......話說呢幾日湊個女都湊到自己有點兒攰..... 每日淨係掛心住佢..... 乜都夠曬......今朝起身, 媽咪上左黎, 跟住同老公講, 我今日生日..... 我o係房聽到就話: 咦, 係喎, 今日我生日喎!!  媽咪就話不如陣間買個蛋糕俾我, 我梗係say good啦!!! 夜晚媽咪走...

今日, 係靖天既大日子..........因為靖天妹妹終於都返到屋企喇!!!11點幾, 爸b o係e院度埋左單, 媽咪就囉住張收據認領您喇!!! 望到靖天您著住媽咪幫你準備既衫仔, 由姑娘交到媽咪手到...... 然後行出育嬰室...... 望到爸b一刻, 媽咪真係有一刻想喊出黎...... 終於, 我地既小家庭..... 真係齊齊正正咁返屋企喇.........

唔知大家有無睇過史力加., 又或者近期既魔間傳奇 (I'm Legend)...... 故事入面既費安娜公主, 一到天黑, 就會變成一隻好醜樣既怪獸.....所以佢入黑就會鎖埋自己唔俾史力加見到....... 又或者係近期既魔間傳奇, 一到天黑..... o的喪屍就會走曬出黎........ 同樣地...... 呢一晚, 我地既靖天, 就好似以前兩套戲咁.....

想知我地既靖天妹妹點出世?Click呢度啦...... 

今日係2008年1月6日, 由於由零晨03:30到現在23:45都未有訓過, 所以暫時只能放上兩張靖天妹妹既可愛相俾大家見下佢個得意樣先!  明天再續~

2008年1月5號, Rainbow由朝早七點半開始痛左成日, 但就係d不standard既陣痛. 而家係晚上既8:00, 終於見紅了. 而家立刻叫Rainbow沖涼先, 我地準備隨時出發入醫院. 希望今晚一切順利!

實在好多網友都問........又有好多朋友仔問...... o係呢度報個平安....我仲未生啊~~~~  

今日一日裏面飽歷驚喜! 驚? 就係今日做檢查, 醫生話阿B頭仔仲未落得夠深, 宮頸位仲好高, 所以一定唔會穿水, 但聽日就已經足40周了... 阿B每一下既"臍帶流量PULSE", 比起上星期細, 醫生對一對個表, 都覺得唔太"靚仔"....而且靚媽話呢個星期阿B踢少左佢好多, 所以醫生建議我地都係開刀比較好. 而家既狀況黎睇, 就算催生成功既成數都好低.....

唔知你鍾唔鍾意我為你準備既節目呢? 本來諗住除夕去學整蛋糕俾個surprised老公既....  點知full booking喎, 算啦.... 咁問佢要唔要surprised, 點知佢話唔要因為我o的surprise通常都surprise唔到佢.....  算數! 於是我地就一齊報名, 一齊學, 一齊整......  約左11...

今日係爸爸牛一, 靚媽好特別咁安排左一個整餅既活動俾我其實好耐之前已經想同靚媽一齊玩架啦, 不過最後都係等到我生日先去. 都幾特別呀! 對我黎講, 真係一個好適心既安排, 因為星期六, 就已經係bb既預產期啦, 所以一個簡簡單單既活動, 就係最好不過啦!  今次我同靚媽整左一個黑森林蛋糕. 其實都唔係太難整啫, 因為老師都準備好晒d 工具, 材料等...

係我整架, 嘿嘿!!! 入面有好多心肝仲未出世既相....... 張張都仲o係個肚度...... 嘿嘿!!!雖然唔係整得十分靚, 但點都要讚下自己卦,

以前, 有BRWEDDING, 有BRBABY........但踏入2008年.... 我們三為一體..... 生活在這個家.......BRHOME~~~ 只想.... 將所有點點滴滴, 都記錄在"我們仨"內.............

還有一個月, 就係2008年....... 亦代表住, 一個新的開始~~~「仨」、「三」是同音字, 意指三個人的意思...... 基督教中，上帝是聖父聖子聖靈三位一體的，三者缺一不可...........Ｏ係呢度，就簡單咁代表住您,我,他........

攝於2007年11月18日........相簿取名為"我們仨", 就係講緊媽咪我, 爸b, 同埋您..... 挺有意思吧?!  因為好快, 好快.... 我地就開始三人世界..... 有一個新既天地.... 或者您仲未感受到... 但爸b同埋媽咪我, 就真係好期待, 好期待, 您來臨既一天......