唔知大家有無睇過史力加., 又或者近期既魔間傳奇 (I’m Legend)……

故事入面既費安娜公主, 一到天黑, 就會變成一隻好醜樣既怪獸…..所以佢入黑就會鎖埋自己唔俾史力加見到…….

又或者係近期既魔間傳奇, 一到天黑….. o的喪屍就會走曬出黎……..

同樣地…… 呢一晚, 我地既靖天, 就好似以前兩套戲咁…… 一踏入凌晨時份, 佢就會由美麗動人可愛既小公主, 變成一隻….. 只會喊同扭計既小魔怪……

佢出院既第一個晚上……. 靖天凌晨3點幾就醒左要食奶 (正常丫, 佢前一餐係11點幾丫麻), 咁我就起身餵佢啦….. 餵完, 補埋奶粉….. 點知佢竟然brubrubru… 噢…..要換片喇~~~  …. 餵好奶, 換好片…. 已經係4點半……

佢竟然仲眼仔碌碌, 我已經心知不妙, 做左人幾日媽咪, 知道個女食飽左係唔會咁…..

曖左佢一陣, 佢都唔訓, 咪諗住放佢返床, 我地自己訓囉…….點知……佢又扭計喊下喊下咁….. 初為人父母既我地, 又點會忍人唔理佢丫….. 咪起身抱佢囉….. 抱抱下, 佢訓左喎, 咁梗係又放低佢自己去訓架啦………點知…..

隔左陣佢又醒…… 又係扭下喊下…… …… 咁咪又抱起佢囉…..

就係咁…… 我同靖天爸b就車輪轉咁, 抱下氹下曖下……(爸b佢仲慘, 一路抱住一路訓, 為左只係想我小睡一會……) 一路搞到7點幾…… 佢又um um um想食奶……好啦, 又係我出動既時候喇~~~

餵飽左佢喇….. 佢又再bru bru bru…… 噢……又要換片……

終於好辛苦…… 去到8點幾….佢終於訓左喇……  我地就拿拿聲, 9秒9咁仆上床到大覺訓……. 點知…….

訓左兩個幾鐘, 我媽咪打黎話佢依家上黎睇我….. 老豆又話要上黎睇個孫….. 我就唯有死死氣起身刷牙洗面…….. 但我就叫老公多訓一陣, 因為成晚, 佢真係辛苦過我好多……

估唔到…..正如其他网上媽媽所講…….bb, 係天生既小魔怪!!!!!

靖天呀靖天…….你幾時變返小公主呀…….

(81)

Comments

comments