無人可以搶走您架……….心肝!!!

頭號人物: 靖天婆婆

呢個婆婆鍾意女孩子就早知, 仲要遲o的係佢湊您……..仍然沿用舊式方法去湊您, 實在係有點兒擔心…… 咩叫舊式方法? 一字記之曰……. 寵!!!!!!!

有時真係好忟, 明明訓左, 仲要剛剛先曖您訓, 點知佢又走抱起您, 搞下您, 係都要整醒您…..唉………. 好似有心同我作對咁…… [下刪過千字不滿論]

但無計, 我都係要靠佢…… 希望媽咪第日返左工, 您唔會要婆婆唔要媽咪啦……..  

次號人物: 靖天麻麻

呢位麻麻鍾意女就眾所周知架喇……. 話說琴日佢上黎睇下您, 抱左您一陣, 咁o岩您就沖緊涼喎….. 您知啦, 爸b同媽咪對沖涼都唔多掂架麻, 您仲要咁細粒, 唔熟手好正常o者……點知您麻麻就荒死我地會凍親您咁……. 不停咁依依哦哦….. 哦到媽咪我心都煩埋……  好彩幫你沖涼個係爸b o者, 如果係我, 可能我發左脾你喇…….

跟住呢…… 知您沖完涼要抖一陣先可以食奶 (婆婆話怕您嚇親嘔奶啊) , 咁咪叫麻麻抱下您先囉, 咁好正常您就o係度um um um咁搵野食…… 您麻麻就不停話: 哎呀, 好肚餓呀, 陰功咯, 餓死咯…… 如是者, 差不多既台詞就重複左好多次……. 直至媽咪頂唔順抱起您餵您, 佢先停…….  心肝呀心肝, 媽咪知您龍野架……. 您邊係好肚餓丫…… 食得一陣您就訓架喇, 我先唔會中招…… 講左, 又無人聽…….

然後呢…… 今日上到黎, 竟然問心肝您認唔認得佢喎………  如果咁快認得, 我呢個媽咪咪位頂企?!

所以呢……… 身邊所有人都係危險人物黎架……..  個個都想搶走我心肝……

不過呢, 我梗係知佢地只係出於錫您, 想寵您啦……..  您係我既小公主喎, 邊個敢對您唔好呀?

 靖天啊靖天……您要乖啊…… 唔好第日跟人走左去唔要媽咪啊…… 唔係媽咪會好傷心架, 知道嗎?

(93)

Comments

comments