邁進固體食物世界 [6個月]
似咩? 似咩? 似咩??? 
巧巧從一出世, 已經吃得很少….
每餐1安, 足足吃了一個星期…..
慢慢的2安, 3安……
猛長期的時間, 就會忽然增量,…..
直至5個月時, 吃5安奶, 就停滯不前…..
.
5個月開始, 巧巧正式踏進固體食物的世界!
有過”飼養靖天”的慘痛經驗, 媽咪對巧巧, 是零期望!
結果…. 雄心壯志的婆婆, 一開始已經慘遇滑鐵盧……
婆婆: 「點解佢.. 唔食吞既? 佢唔識張開口既?!」
媽咪不停安撫婆婆: 「慢慢黎啦, 唔洗急… 靖天咪又係咁……」
結果, 用了近2個星期, 換了小麥糊仔, 巧巧終於成功可以吃光一碗糊仔!
6個月開始, 媽咪提議, 讓巧巧直接吃粥好了….
因為見她吃糊仔的情況, 時好時壞, 倒不如提早一些讓她吃粥仔, 看看情況…
當然…. 是失敗收場!
今天已經是巧巧7個半月大, 但吃粥仔的情況仍然不理想, 十口八口就叫停, 不停扭來扭去, 寧死也不張開嘴巴…..
婆婆日餵夜餵固然較熟練, 待媽咪餵她時, 就慘了!!!
永遠都是天一半, 地一半…
加上巧巧只愛吃和暖的食物, 她這樣龜速吃糊, 沒幾口已經涼下來, 然後就不吃了…
結果, 又是媽咪與女兒的一番角力!!!
7個月的巧巧, 在媽咪的觀察下, 發覺她對”有咬口”的食物特別有興趣, 反而”痴立立”的食物如粥仔, 就顯得沒什耐性….
最後…..
媽咪買了一條蒸魚給靖天晚飯, 再夾起部份沒加醬油的….
果然!!! 巧巧可以兩口魚肉, 半口飯的吃…..
對! 是白飯!!!!!!!!!!!!!!
一連個多星期, 巧巧對吃魚已經完全習慣……
現在的她, 可以吃光差不多半條蒸魚, 那… 姐姐半條, 巧巧半條.. 剛剛好!!!!
.
最近再試ABC白汁粉, 也蠻成功的!
就是要弄熱一點, 好讓她吃得慢, 溫度也可以持久一點……
.
靖天姐姐, 愛滑身的, 不用咬的食物;
巧巧妹妹, 愛有咬口的, 有鮮味的食物;
兩姊妹果然, 很不同……
還好, 媽咪有了照顧靖天姐姐的經驗, 否則到今天, 還在跟她角力要將粥和糊仔塞死女兒….!!!!
.
『咱們仨』的成員, 就似乎只有媽咪最愛吃, 最吃得多…. 
(554)
已Like 你的 FB page ^.^
邊個係你呀!!!>
你冇上 plurk 了, 那我多些來這兒逛, 看看你家的大小事吧!!
btw, 巧巧同家姐都好搞笑 ^^
其實你ADD我FB, 會更好!!
因為依家都係上FB多, 有多些照片..
^.^
做人呀媽最忌係幫人教仔同當人地呀媽冇問意見時熱心地作出建議和意見。我成曰都提醒自己只分享自己經驗但切勿對別人的育兒方法作出批判，因為孩子是別人的，無謂好心做壞事。所以我寫blog永遠以「CAKE媽」行先，講明是自家一套，非喜勿看。
係囉, 真係令人費解…..
(唔好再留言喇, 陣間呢度又被O的無名氏洗版架喇)
XDXDXDXDXDXD
收到! thx ^^
我個女都係咁..食奶差勁!!而家3個月有多喇..都仲食緊3-4安~撞彩先食到5安~(出院已經食3.5安,有咩方法可以令佢食好d?)
其實….. 無;
大女已經令我感受太多;
E, 我謍謍又係wo, 初初試糊會食之後又唔食, 之後愛食魚, 有魚的粥就一定食晒, 而家先發現原來糊同粥都要暖暖地, 唔係就唔食
可能埋身奶奶係暖暖的呀, 謍唔食暖的奶
巧巧係咪都要食暖奶呀??
btw, 我成日睇但第1次留言#^^#
係呀, 奶一凍左就唔會食架喇….. (好似老人家咁要食暖野, XD)
係”謍唔食唔暖的奶”
我次次係個煲”筆”2匙, 食完再”筆”, 唔係好快凍呀
well, 睇你分享, 心情唔好都relax番, thx
哈哈, 婆婆餵粥又係咁…..
如果食物未經咬碎就吞落肚, 吸引唔到喎，而且仲好傷BB腸胃的。 你仲要俾7個月的BB食半條魚，真係服了你。 其實你可以看看你屋企附近有沒有日間托兒中心，那裡會提供均衡飲食，還會給BB很多訓練，幾好架! 我小朋友以前讀保護兒童會的，你可以上網search。
其實我服左你至真, 我又唔識你, 竟然俾o的咁資訊性既野我…..
為左條魚, 叫我送個女去托兒?
除左笑, 我都唔知俾咩反應你~~~
真係….. 多謝曬~~~~~
對不起, 可能你覺得我多事咗，但我都是想給你小小意見，估唔到你會咁大反應。 我本身當然不認識你，但是你開blog讓人認識你一家喎。
傻啦, 唔洗對唔住……
大家想法唔同O者….
我真係多謝你對意見架~~~
認識? 我開BLOG唔係想人認識我地架, 你又誤會喇!!!
每個都有佢一套湊小朋友方法，點解咁肯定人家嗰套是錯呢，加上有親人睇仲好過放在託兒所，託兒所又真的適合小朋友嗎？
多謝你….
盡在不言中!
果然係有經驗嘅媽咪,明白左就會識得變通了! ^^ 我兩個雖然係囝,但同你兩姊妹一樣,食得少食得耐,我都經過你呢d日子,看了感同身受……巧巧媽咪你做得好好啊~ 媽咪加油!巧巧加油!
言重了;
請問ABC白汁粉點整？我都想整比我個囡試下(11個月大)，因為佢已經食厭左粥仔。
買O的BABY FOOD, 再加O的白烚既ABC粉到, 就可以了;
巧巧吃咁多蛋白質, 怕唔怕消化唔到呢? 佢便便有無問題呢?
好有問題, 日日都痾1-2次, 搞到我買尿片都買窮!