這樣站著也能睡, 是8月份的經典!!!

.

8月份的「笑」點子…

老師告訴媽咪~~~
靖天今日同佢講：「我琴晚發癲呀！」
老師問：「你做咩發癲呀？」
靖天答：「我眼瞓到發癲呀！」
還真坦白~ 昨晚靖天真的累極發癲，狂哭了一個多小時。

媽咪: (上刪二百字訓話) 「仲要PATPAT痴住張櫈, 坐好! 」
靖天: 「哦! 咁我用o的膠水痴住個patpat 啦!」
媽咪: (滴汗) 「咁又唔洗, 總之你坐好得喇! 」
靖天: 「我咋架意咋麻! 我用手撩o的膠水, 然後痴落patpat度, 咁咪坐好囉! 」

完全有被串的感覺! =.=

學校午飯時, 傳來一個又一個的跌碗聲, 校長忍不住走出來看看…

校長: 「做咩你地會係咁跌碗架! 」
靖天: 「我地用兩隻手攞住個碗, 然後唔知點解個碗就跌左落地喇! 」
校長: 「咁你地可唔可以再小心o的呀? 」
靖天: 「好呀! 我成日o係屋企打爛碗架, 唔知點解學校o的碗打極都唔爛既!」

臨出門口前,
靖天: 「媽咪, 我無電呀? 幫我入電丫? 」
然後, 就擰轉背, 示意我幫她”入電”; 」
媽咪”入電”後: 「搞掂喇! 」
靖天: 「幫我CUP蓋丫! 」

=.= (欣賞女兒的想象中, 又奇怪她怎可以每天都如此古靈精怪?!)

今天回家途中, 在車上…
靖天: 『我想買玩具呀…』
媽咪沒有理睬……
靖天: 『求天父賜我媽咪力量, 俾好多好多錢佢, 等佢可以放學買好多玩具俾我…』

如果被老師知道, “天父”的用途, 會否被激至氣絕身亡?! =.=

晚飯時…
靖天: 『李老師錫唔錫我架?』
媽咪: 『錫到你燶啦!』
靖天: 『下…. 咁唔得架喎! 我燶左, 要入醫院, 我會死架!』
(暈………)

媽咪在幫靖天準備今天學校的活動

媽咪: 「帶埋呢幅太陽眼鏡, 靚O的~ 」
靖天: 「err….. 但係返學唔俾帶太陽眼鏡架喎! 」
媽咪: 「今日老師會俾架喇… 今日返去行CATWALK麻… 」
靖天: 「下?! 唔得喎, 返學唔帶架喎! 」

問了十多次, 媽咪放棄了, ORZ~

靖天說: 『天穎無返學呀, 佢出粒粒, 出左好多荳荳, 返唔到學, 好慘呀!』
媽咪: 『係呀, 佢出荳呀, 唔可以返學住呀!!』
靖天: 『我想佢快O的返學呀, 我好掛住佢, 我好想同佢玩呀…』
証明上堂有留心聽書 (老師有解釋的), 亦關心同學仔.. 難得! 難得!

晚飯期間, 爸B媽咪說起聰兒…

靖天聽到, 很嬲的: 『喂呀! 做咩講聰呀! 唔好講我男朋友得唔得呀!』

越來越早熟…. 真係有少少擔心!!!

爸B: 『你同聰兒結婚? 咁我呢? 你唔係淨係話同我結婚架咩?』

靖天: 『哎呀~~~ 你咪一早同媽咪結左婚囉! 我點會同你結婚O者!』

忽然咁清醒…. 撞邪乎?!

靖天在自言自語: 『我唔食葱! 不過食左葱, 我咪會變”聰兒”?』
繼續自言自語: 『咁我咪會變男仔? 下… 咁我想做靖天, 都係食蛋喇』

請問青山幾號電話?! =.=

媽咪: 「出門口喇!」
靖天: 「未得呀~ 我未搽唇膏呀! 」
媽咪: 「唉.. 咁你搽啦! 」
靖天: 「媽咪呀, 幫我開個唇膏盒啦, 陣間我夾到隻手指就弊… 」

係… 夾到我咁又唔弊既?!
我從來出街都唔搽唇膏, 佢幾時識埋O的咁既野?! OMG~~~~~~~~

靖天: 「媽咪你做咩好似唔開心咁? 」
媽咪: 「我被人呃左錢麻, 咪同你講左囉! 」
靖天: 「哎呀! o個o的衰人黎架! 呃你錢!! 」
媽咪: 「係呀, 無陰功架! 」
靖天: 「哎呀! 佢呃你, 你咪唔好理佢囉, 唔好唔開心啦! 」

3歲半女兒, 尚且會說這番話; 已為人母的「壞人」, 醒覺了嗎?!

早上, 婆婆來接巧巧…
婆婆: 「係咪跟我返屋企呀? 」
靖天: 「好呀! 媽咪: 你真係跟婆婆? 仲諗住同你去公園添; 」
靖天: 「出面好曬好熱喎, 你去公園, 會被o的蚊咬死你架! 唔好去公園喇, 去婆婆度算啦… 」

女人!!!! 當你唔想做一樣野, 你會有萬七種理由推卻!

媽咪又再落藥:
媽咪: 「成日唔食飯, 又唔食餸, 咁咪容易有濕疹囉, 都唔夠營養… 」
靖天: 「食多o的飯咁就會無濕疹架喇? 」
媽咪: 「(為免又被靖天抽後腳) 係呀… 仲有食餸囉… 」
靖天: 「咁我食多o的飯囉! 」
媽咪: 「乖! 」
靖天: 「咁~~~ 食白飯, 皮膚會唔會白o的架?!」

.

(102)

Comments

comments