若不是兩姊妹的照顧者, 真的難以分辨, 這對襪是誰?!

出門口前, 靖天換好衣服, 準備穿襪子穿鞋子出門口….

媽咪也在洗手間梳洗…..

靖天: 『媽咪, 我搞掂喇!』

媽咪: 『咦?! 呢對襪係巧巧架喎, 您著錯左喇, 傻瓜!』

靖天: 『巧巧?! 對襪我架!!』

媽咪: 『 (半分遲疑) 唔係呀, 真係巧巧架…』

靖天不服氣, 立即跑回房間, 在櫃通拿出另一對自己的襪子….

然後放在地上, 又將穿在自己腳上的那隻襪子脫下來, 做了一個對比…. (是立即!!!)

靖天: 『媽咪! 你睇下!!! 兩隻襪一樣長, 點會係巧巧O者?! 對襪係我架!』

媽咪動搖了…… 『咦? 係喎! 點解一樣既?!』

一下子, 媽咪也失憶起來, 分不出, 那是誰的襪子….

最後….

媽咪: 『不如您換第2對啦, 呢對都唔襯您件衫……..』

靖天: 『下?! 係咩??!! 咁好啦…..』

立即找另一對, 顏色相配的, 換好, 穿鞋子!

.

生活鎖事一則…….

但靖天當時的表情, 動作, 反駁媽咪的態度, 既純真, 又可愛!!

跟媽咪據理力爭, 而且真的帶出理據 (那襪子跟自己的一樣大小)….

沒有發脾氣, 沒有吵鬧, 而是認真的, 又帶點勞氣的, 跟媽咪理論, 像剎一個小大人!

.

第2天, 媽咪終於想起, 這雙襪子, 是巧巧的!!!

記憶中, 是婆婆一個月前買給巧巧的…

因為婆婆說媽咪買的尺碼太小 (其實是剛剛好), 不好穿, 又容易被巧巧脫下來, 所以自行買了一些尺碼大一點的, 好讓她可以包著褲腳, 保暖一點…..

言而, 襪子的尺碼, 卻跟靖天姐姐的, 一模一樣!!!

是巧巧的腳太大?! 還是靖天的腳太小?!

.

生活上的小點滴, 就是這麼教人回味…..

.

(269)

Comments

comments