靖天7日人仔喇~~~
唔經唔覺, 靖天已經出左世一星期喇……… 
上個星期日, 呢個時候, 我記得, 我o係手術室…………
今日, 星期日既早上, 我已經抱住我個靖天心肝, 一邊上网, 一邊餵緊”專用牌”俾佢…… 
時間真係過得好快….. 呢七日…….
我學識左點樣製造靖天既”專用牌”…….
我學識左點樣換片先唔會搞到自己成手係………
我學識左佢肚餓會點, 扭計會點……..
爸b又學識埋點幫靖天沖涼…….
咁靖天呢?????? 佢變重左…..
佢由第一晚係一隻小魔怪, 漸漸變返做半公主半魔怪…… (唔再扭5個鐘都唔肯訓……..)
佢認得我媽咪把聲…..每次聽到媽咪把聲, 都會停喊幾秒…….
佢學識換片時唔再喊……..
佢笑得更多, 雖然係無意識……..
佢大脾仔, 小腿仔好似大隻左好多, 終於有返o的肉……
佢學識得咇眼淚……… 
佢學識越喊越大聲……
只係………..
佢成日打c egg, 訓訓下都會打醒…….
佢成日打乞痴, 嚇到爸b好驚好擔心……….
佢夜晚還是會醒兩次要食奶……. 仲要食飽唔肯訓……….
佢對於點食佢既”專用牌”奶奶, 似乎越黎越退步…媽咪就黎流血架喇…….
望住您既種種, 真係好窩心,
又好擔心…….. 
您要快o的變大變大, 唔好再咁細粒喇 …….
見到您真的長肉了, 就係我同爸b半夜起身最大既動力喇……
您加油啊……….. !!!!! 
(92)
打乞痴無nose水就無咩問題架啦~正常
打c egg又無問題~我個女日日都打~玩玩下笑得開心又打
時間真係過得快,你要加油ar!
謝謝啊, 我會架喇~ 好快到你~
努力加油呀!
靖天妹妹一定好快會長好多肉0架喇,放心啦!
知道, 會好俾心機架喇……..