咁都有錯?!
難道想俾好一點自己女兒, 也是錯?! 
一直以黎, 身邊除左老公叫做支持下之外, 我搵唔到有邊個係支持, 鼓勵我去做呢樣野…..
曾經, 我都覺得奶粉乜營養都有, 埋身餵個bb咁肉酸, 唔制…….. 但漸漸, 我明白同埋感受到其實呢個係一種天賦, 埋身去餵一個自己親生既小生命, 其實真係……. 好親密, 好close…..亦都因為咁, 我同媽咪拗過好幾次…… 
又或者同一個答案, 要重複講俾身邊唔同既親人聽…..
曾經有一次, 同細妹講起呢個問題, 佢竟然反問番我: 乜你咁偉大架咩?! 咁……算係咩意思?! 
如果我要扮偉大, 我覺得我唔需要用咁多個月既時間, 每一日, 都去睇唔同既資料, 不停上网問人, 去準備, 仲要將o的資料講一次俾身邊既人聽…. 目的只係想有人同我講一句: 俾心機啊! …… 我買最貴既奶粉, 尿片, 衫, 玩具俾佢, 咪得囉!!! 
出院一個星期, 我真係覺得自己好叻架, 5日就上到奶, 第6日就已經唔洗再用奶粉餵個女…. 但身邊根本無人知, 亦都無人覺得係咩一回事…… 媽咪會問: 餵唔餵得飽? 係咪唔飽所以成日食….. 我62-99亦然…….究竟你地知唔知道: 幾多人, 想餵都餵唔到……. 
照顧我飲食既, 唔知道就煲天一大煲豬潤水俾我飲, 我自己大意, 飲曬……. 驚左成日, 怕一煲湯就回曬我辛辛苦苦經營既努力……
我99….. 成日煲o的藥材湯, 整補品, 燕窩俾我食….. 累到我左右做人難…… 最終難為了老公…….
然後, 今日, 我既外婆,
竟然又係話我好開刀做左手術都走去餵….. 咁辛苦咁傷身….. 奶粉有咩唔好點解唔食奶粉…….
為左呢樣疇, 已經哭過好多次…… 正當我頭痛3個月後點算…. 但我發覺我係搵唔到人幫我解決…. 唯一可以做既只係不停上网搵資料, 不停問, 不停問……..
如果….. 如果這世界只有我和靖天….. 你話幾好………..至少, 我唔需要面對咁多無謂既壓力…….
(51)
比 b b 食人奶個媽媽要付出好大架, 個媽媽飲食又要好小心, 要平衡個人營養, 又要小心身體, 又要擔心會令 bb 唔夠飽, 精神壓力幾大呀. 你唔好理佢地點講 la, 想做就去做, 大把人支持你, 唔洗擔心. 我呢個街芳實撐你架.
搞錯啊….
我仲以為人奶好過奶粉已經係common sense添
原來唔係…
我仲以為唔係人人都可以餵到奶水係common sense (唔係人人都出到架麻)…原來又唔係
不如你考慮下print o的資料俾佢地睇吓…..(雖然我知無乜用)
我都好明白你心情…
靚太要加油啊
唉~~~其實真係好無聊~~人奶好過奶粉好多~奶粉有600種好處~人奶有一千~~其實你每次去健康院都帶一位煩人去~等果d姑娘比返d正確知識佢地啦
只要你恨恨的發一次佢地爛渣, 佢地就唔會再咁.
呢個世界有好多人都唔明白自己, 要搵一個明白自己既人唔係易事. 有的話, 一個就夠了.
身邊既人多數只會用錢去衡量愛, 付出得越多錢, 買越貴, 越多既野就代表愛佢. 咁樣係錯晒架.
愛你既人, 愛你既bb, 係應該用盛意去行動. 做一d對bb最好既事. 人地點講, 係人地既事. 記住既係, “過得自己先過得人”, 連自己都接受唔到, 夾硬要迎合其他人, 辛苦既只有自己.
你係為著自己, 為著bb而活.
不是為著你媽咪, 你奶奶, 你婆婆… 而活
親人都唔明你感受，唔緊要，至少你自己覺得做所有事都為是為靖天好的，就夠了，唔好唔開心呀！加油呀！愛你的靖天，就不需要理會不明理的人。萬個支持……………加油呀！
絕對支持這番說話。雨晴，我地係會支持你到底的，你要記住支持你的大有人在啊！
下下都帶一個煩人去, 我會變得好忙…… 實在好多煩人!!
謝謝你啊~
係無用……… 佢地到時又會話資料寫既唔o岩!!! 錯~~~