為左要令心肝自己學懂訓覺….
呢一晚……….我就同爸b差點兒鬧大交……………

靖天已經兩個禮拜大……. 但發現佢開始識扭計, 扭抱, 唔願訓…..搞到爸b同媽咪頭都大埋…

剛剛睇左篇如何令寶寶安睡既文章, 決定夜晚就同爸b一試……..

夜晚同靖天沖完涼, 食埋奶之後, 我就放佢上床仔度訓……. 點知, 一放, 佢就醒, 跟住就喊….. 扭計….. 咁我咪學文章寫咁, 唔好抱佢, 只係拍拍佢安慰下佢…….點知都係唔work… 情急下我就塞左個奶咀俾佢喇……..

靖天啜左個奶咀之後就靜返落黎仲有點兒睡意, 咁我就離開間房由佢自己一個……..

可能個奶咀太大……… 佢啜啜下甩左, 又o係度喊……. 如是者我就幫佢塞返個奶咀好幾次, 直至最後,我同爸b講, 個奶咀太大奶咀可能太大靖天唔o岩啜…….爸b就話我好俾奶咀您食喇……  就係咁, 爸b同媽咪既冷戰就正式開始………..

跟住您再喊, 媽咪已經唔再理….. 由得爸b曖你訓………

您爸b認真鐵石心腸…….. 您喊到聲都沙埋, 面仔又紅埋……. 佢都係唔抱您, 淨係叫您訓, 叫您乖……… 您足足喊左15分鐘有多……雖然到最後您爸b贏左漂亮既一仗, 半個鐘後您真係自己乖乖咁安睡………. 但係……..

我諗最唔好受既應該係媽咪我喇……… 您一路o係床仔喊, 媽咪就匿埋o係張床度陪您喊….. 見您喊到面都紅埋, 好大聲咁o係度大叫…….. 您知唔知媽咪真係好心痛, 好難受?! 好似我地特登要您辛苦咁……..

希望靖天您唔好怪我地….. 呢個係您成長既一個重要發展, 您要係學唔懂自己訓覺, 就永遠都長唔大架喇……..

對唔住啊, 原諒爸b同媽咪既恨心…. 我地只想您健康咁成長……….

有時媽咪會諗: 咁辛苦陀住你10個鐘, 生你出黎, 都預左得您一粒女, 梗係乜都俾曬您, 錫曬您…. 預左會寵壞您….. 但係依家我同爸b又咁對您…… 其實個心….. 又點會好受?!  

再者, 您會扭計, 扭抱既日子其實只係好短好短…….. 到您大個左就唔會再咁成日要爸b同媽咪…. 其實, 我地係咪應該對您放緃一點呢?!

做人父母甚艱難……… 究竟應該寵壞您? 還是當您係機器咁不停訓練您?!……..

(77)

Comments

comments