27 01.2008 ► 靖天的生活 ．紀錄 靖天識坐喇!!! Tweet 有無咁快呀…….. 答案就梗係無啦…… 憑心肝佢痛苦既表情, 就知道, 又係佢個爸b同媽咪搞搞震啦~~ 夾硬頂住, 又恃住佢著得多衫….. 晾起個身仔咋~~~ (183) Related Posts None Comments comments
無計, 你都知屯門好凍, 我屋企又特別凍…. 唯有著多件~~~
哈哈…… 太凍喇, 我屋企; 同埋其實唔係好多件, 係面衫比較厚架咋, 唔好比佢呃到~~~
嘩…..我偶像執媽?????????????
係係係, 你既說話我一定聽!
邊位執媽呀?東區果位呀?
网上識架………
我唔係emily，不過我都係PY做o既執媽……
我一直都有睇你個blog架，點解會睇係因為我之前搞結婚咁o岩皂d野有d同你一樣(如jacko，jackCreation)，係esd成日見到你o既post(獲益良多)，所以知道你個blog囉…..
執媽:
噢……. 明白明白~~ 哎呀, 搞錯左真係唔好意思呀…… 不過你既專業意見我一定會聽, 今晚就扭老公耳仔, 哈哈~~~
你個婚禮搞成點呀? 已經….完滿結束?
唔緊要呀，我同emily都係好朋友仔o黎o架
見靖天一日一日長大，真係好登你開心!
我結o左婚啦，真係要多謝你o係esd既sharing!
^_^
執媽:
噢, 原來你同emily執媽係好朋友? 真係世界真細小…… 你地做執媽既, 真係好勁架,好佩服你地啊!!
恭喜你新婚之喜, 幾時到你添返個呀? hohoho
仲有，你做得真係好好，雖然你媽咪奶奶成日怕你餵唔飽靖天，成日轟炸你，你都可以咁堅持，你真係做得好好! 因為真係好多太太返到屋企.o係種種因素下會放棄……
要記住人奶真係世上比BB最好o既禮物! 你買幾多靚衫，比幾大間屋佢住，都唔及你o既母乳。因為BB食人奶會少好多病痛，就算真係病都會快d好番o架!
所以你要堅持呀!
^_^
你係咪有補奶粉? 如果你有補奶粉，可能會影響你做奶，因為人奶係好似一間工廠咁，要靠BB食多d，suck多d乳頭，腦先會分泌多d hormone叫間工廠做多d奶。 如果BB食o左一餐奶粉，佢下餐可能會冇咁肚餓，吸乳頭少d，咁你咪會做少d奶囉。同埋BB會nipple confusion，通常BB試過用奶咀食奶後，佢地會冇咁鐘意食人奶(因為食人奶BB要用多d力吸)。
另一個少奶原因可能係你缺水份，你自己有冇飲多d水? 其實一個最好o既方法就係餵奶前同餵奶後都飲一杯水。 平時就飲多d魚湯，木瓜湯，對做奶都有幫助。
如果你見佢口ma ma咁，你有冇再比佢繼續食(同一個乳房)?
BB每次都要食一邊乳房，初段食到”前奶”(多d蛋白質)，食到後段先食到”後奶”(多d脂妨)，”後奶”係飽肚仔o架。如果你見佢仲想食，你就比佢繼續食啦，雖然theory就叫你餵30-45分鐘，但係唔係一定，如果BB成日淨係食到前奶，佢咪會覺得唔夠飽，所以最緊要係BB自己唔想再食，你先好停。
其實最好係全人奶，你最緊要睇佢夠唔夠小便(驚佢dehydate)，keep住返健康院check体重同”黃”就得。
其實你已經做得好好，唔使擔心，我見靖天好精靈。
希望幫到你啦!
^_^
啲衫多到….仿佛靖天多咗個肚腩仔咁…..
同靖天著咁多衫既?我個仔好怕熱架，著得多佢就扭架啦!
BB未咁快可以比佢咁樣坐，好容易會整親條頸仔o架……
請你唔好介意我多口……
佢個樣好慘
乜咁搞法呀….!!
哈哈……….. 我地真係好變態~~~
執媽呀執媽, 你呢番說話……. 真係俾我好大既鼓勵, 我真係好感動你咁支持我…
我會俾心機, 繼續努力架!
但依家我面對既問題, 係我怕個女食唔飽囉, 因為佢食完都仲係口ma ma咁, 而且佢真係胃口大左…. 但係我o的量就好似都仲係咁少……..
執媽執媽……
我係全人奶架… 上曬奶後已經無再補奶粉俾bb…
你既資料真係好詳細呀, 不過其實好多野我都知道……不過依家問題就係靖天佢啜住訓, 永遠都唔會自己吐出黎, 我都係計時同埋憑佢食個力度去衡量佢係咪已經飽…..
只係我一囉返出黎, 佢一陣就醒……. 我都唔知佢真飽定假飽既~~~
我已經好勤力咁餵佢架喇…. 約3個鐘一次, 依家問題似乎真係我唔夠量俾佢食咁囉, 所以…. 又擔心, 又唔開心咁囉;
水我都有成日飲架, 1日飲差不多2公升…… 湯都有飲架….. 真係做得既都做齊咁濟…. 但個量都仲係唔升……..