靖天真係出世滿一個月喇……. 今日去左健院院檢查啊!

靖天真係出世滿一個月喇……. 今日去左健院院檢查啊!

今日去健康院既目的係打針啦, 磅重啦, 見姑娘啦…… 因為靖天已經出世滿一個月, 係時候要睇下佢有無大隻度, 健唔健康喇….

10點半去到, 等一陣就入左房磅重先……. 登登登登…….. 係3.26kg, 即係有7.172磅啊!! 比起出世時, 重左1.672磅啊!!!!!!  雖然媽咪既目標係2磅, 但作為一個全人奶既bb (呢幾日破左戒 ), 姑娘話, 佢重得真係好理想喇……  當然, 比起一出世就有7磅幾8磅既bb, 就梗係無得比啦…..  

然後呢….. 打針喇~ 原來要整醒個bb先打架喎…. 怕佢訓左俾人吉一野, 嚇親喎…. 可惜我心肝叫極都唔醒….. 咁無計啦, 照打囉~  依家打針係打大脾架喎….. 我自己都唔敢望….

吉落去o個下…. 心肝就好大聲咁喊…… 喊到面都青埋  不過好快佢就收左聲…. 但就皺住眉頭…… 成幾個字…..   真係心痛死媽咪喇….  

姑娘話, 呢枝針係唔會發燒既, 咁都好…… 無咁驚….. 不過今晚, 可能就有排受喇….希望佢唔會嚇親, 今晚唔會不停咁喊啦…..

不過靖天已經好叻喇…..只係好大聲咁喊左一陣….跟住已經收左聲…. 媽咪俾十個叻你呀!!  下個月又要打喇, 仲要打兩枝 (因為要打埋肺型鏈球針啊!!) 左脾一枝, 右脾一枝……. 希望您明白媽咪都係為您好….. 你唔好嬲啊!!!

(80)

Comments

comments