終於都出事喇……..

話說琴晚半夜爸b餵完4安半奶之後, 佢就開始唔多對路……

唔肯坐, 好似頂住咁….. 個肚仔又好脹…….. 咁就不停同佢掃風啦…… 然後愛佢訓, 佢又訓到架喎……..

今朝起身餵奶過靖天, 佢食左2安半就停左口……. 仲訓埋…… 同佢掃完風佢好似好辛苦咁, 個肚好脹好谷, 咁我就無再迫佢食….. 由佢訓喇……  訓下又醒下, 又叫下又喊下咁…… 最終都係抱住佢一齊訓左陣……..

然後呢…… 佢就開始呆呆濟濟喇…..… 訓下醒下, 完全無厘精神咁….. 以為佢悶啦, 咪同佢玩一陣囉……. 咁佢都有笑, 仲ee呀呀咁應我既…….

因為下午有事要出去, 咁就湊左心肝去佢婆婆度啦…… 夜晚返到黎問返, 佢就成個下晝不停咁訓, 點整都唔醒…… 又唔願郁咁……. 都食到4安奶…… 但就食慢左囉……

湊佢返到屋企, 平時佢一入到屋就黎料變魔怪架麻……… 今晚就出奇地平靜, 喊都唔喊…. 不停咁訓……… 中途醒過1-2個字, 抱起佢一陣, 又訓返…… 好似好攰咁……

一整天靖天個身都”軟拿拿”…… 好似無曬力咁…. 都唔知佢咩事……..

究竟佢真係攰, 想訓多o的?!

還是食得太多食濟左? (我都無監佢食多o的啦, 同平時一樣咋麻……)

定係作病?!

還是已經病左……?

真係擔心死我…….. 靖天呀靖天, 您唔好嚇媽咪啦….... 你快o的變返精靈啦~~~

(52)

Comments

comments