遇上細心司機…….. 避過災禍~~~

話說今早返BOOKING, CALL左車, 上埋車, 咁咪抖一陣囉….

點知上到汀九橋, 司機叫醒我, 問我趕唔趕時間喎, 我話唔趕啦…….. 跟手問下佢咩事, 佢話剛剛聽到電台3號幹線火燒車, 全線封閉……...

下……. 咁點算?! 佢又好一派空有成竹喎我地依家行返落荃灣先……..

咁我問佢10點前 (因為BOOKING係十點)可否到中環, 佢話無問題…………. 咁信佢啦~ 心諗: 我都聽唔到電台咁講, 都唔知係咪咁誇張……….

嘩…..點知落到葵涌望返上去, 真係O的車停曬喎……. 好彩咋~~~  9點上車, 9點40分已經落到車, 超快手!!!

梗係啦…….佢連行旺角道條天橋都渣100KM…….. 我想訓都唔敢….  仲要單手渣車, 真係嚇死人……. 心諗: 大佬我唔想死住, 我個女O係屋企等緊我………….

不過呢個司機算係咁喇, 聽住電台, 一知道唔對路就改路…. 好醒目囉!!~~~ 平時好多日更既司機都十下十下咁架麻……….  

去到中環佢仲收到個朋友電話話塞死左O係長青入面, 問佢點算… 又話個客趕時間…… 呢位醒目司機咪鬧佢囉, HAHA~ 一早CALL上台又唔理……. 依家出事喇, 無計架~

嘩…… 如果真係火燒車, 又全線封閉, 仲要剛剛開始, 怕且無2個鐘都唔洗旨意郁得返條龍……….

好彩今日俾我遇到呢位醒目又細心既司機, 唔係當災既, 可能係我~~~~

(52)

Comments

comments