連續兩日都爆屎……

好彩唔關我事……

事關靖天太愛佢婆婆喇….又太鍾意俾婆婆抺patpat….所以我仲未感受到爆屎o個種”喜悅”, hahahahaha~

第一次爆屎記

話說靖天食過奶後, 公公就祝住佢玩……. 抱抱下好似覺得佢brubru左, 咁就申隻手指入去摸下 (呢位公公都傻傻地, 一聞都知啦!!! 靖天o的brubru咁臭….. ), 點知一撩…… 就連o的brubru都撩埋出黎….. 真係笑死我~~~  然後就連件衫仔都污髒埋……  繼而, 公公就拍下個patpat, 將靖天交返俾婆婆….. 可憐婆婆又要執手尾…..

第二次爆屎記

又話說下午時婆婆同靖天講: 你乖自己玩住先, 我去食個麵…… 然後婆婆就放低靖天o係梳化走左去食面喇….. 食完麵喇喎, 發覺靖天都唔出聲, 又唔喊唔扭計, 但又唔係訓左覺, 淨係擰來擰去咁….. 咁婆婆就問靖天做咩唔出聲咁乖啦…. 靖天就流露出”唔好意思“既表情, 然後又繼續擰來擰去…..

然後婆婆開始發覺唔對路, 因為靖天無理由會咁乖唔出聲又唔喊…… 諗諗下發現唔妥, 估佢可能大大左….. 於是打開左被仔….. yo!!!!! 一打開, 就見到佢o的brubru漏曬出黎…. 衫仔, 被仔都濕曬…… kakakakaka!!!!  咁結果就梗係婆婆又要搞一大輪啦….

後話

茶實靖天brubru完唔出聲就天生架喇….. 佢每次大大時, 就會唔出聲, 定左型咁…. 咁大大完喇, 就擰下擰下, 但又唔會喊架喎…… 你每次問佢係咪大大左呢, 佢就會以笑遮醜….. 係鑊鑊都係….. 總之就超搞笑…. o的性格成個女仔咁 (咁佢係女仔黎既)….. 斯斯文文, 怕怕醜醜咁….. (不過我硬係覺得我個女o的性格無理由係咁~~~) …….

鑊鑊都搵著佢婆婆黎搞….. 你話係咪佢鍾意婆婆同佢抺patpat丫?!

不過huggies 既細碼片真係唔多掂…… 勁細條…… 但我仲有兩大包未用 (朋友送), 掉左佢又好嘥….. 唯有頂硬上~~~ 靖天呀靖天, 你唔好o係屋企爆屎呀!!!!

(75)

Comments

comments