[濕疹篇] 靖天有濕疹
作為靖天既媽咪, 最唔想見到發生既, 都發生左…..
睇黎未來既日子, 又有好多野可以寫…… 
(又或者, 已經無時間再打呢o的既……)
其實靖天出世時, 皮膚已經不太好, 唔算係皮光肉滑, 又唔係白白淨淨……
膚色呢家野, 真係無得講, 我同爸b都唔係白滑之人, 個女生左出黎, 亦都唔能夠要求佢係好白好白既bb…….
靖天既膚色本身都係偏暗 / 黑……. 曾經有好多朋友話過我陀住靖天時, 好走去飲汽水, 飲茶, 食o的咁重”色素”既野….. 其實聽完都幾唔開心…. 好似個bb有咩事, 都入曬我數咁….. 
我又唔信, 我飲一罐汽水, 可以令到靖天成個身都咁黑……
然後, 佢塊面仔出世無奈已經有粒粒, 又台者好容易紅左一撻撻….. 然後, 99o個邊o的人, 又話我無食o的清胎毒既野, 搞到靖天塊面浮曬o的胎毒….. 總之乜都入曬我數….
滿月時, 靖天面仔好左個幾星期, 然後就又黎過……
紅色一撻撻, 又或者一粒粒, 靖天又成日r面……
其實我一直都不停問媽咪, 問老公, 問其他人, 會唔會係濕疹, 不如帶佢睇e生…… 可惜身邊個個都話小兒科, 只係少少敏感, 出下奶癬….. 唔洗咁緊張….. 於是, 我又靜止左落黎….
到靖天已經3個月大…….. 情況越黎越嚴重…… 終於呢一日, 我就的起心肝, 約左胡e生, 無論如何點都要帶靖天去verify一下佢係咩事…. 點解搽乜都唔好…… 
胡e生檢查後, 就確診為”輕微濕疹“………
登時我真係好唔開心….. 好想喊……. 細問e生點解會咁, 佢都話好難去check原因, 因為可能性太多…… 
e生問我搽藥膏好無,不過有類固醇……. 我話都要試下…….
返到屋企, 再細望靖天全身, 發現原來佢頸仔, 耳背, 背脊, 都出現乾燥甩皮既情況, 好明顯, 呢o的係濕疹既先兆…….
呢一刻, 我比無彩虹牌俾靖天飲, 心情更沉重…….
怪自己點解唔可以堅決o的, 如果我早一個月, 初發現就同佢睇e生, 可能靖天就唔會等到今日咁嚴重……
怪自己點解咁粗心大意, 成日以為佢真係敏感, 人地話乜就乜, 從來唔用下個腦去諗野…..
怪自己點解容許佢婆婆係乜係七都搽一餐…… 更怪自己人地話好又走俾搽落個女度……
怪自己係咪無戒口, 靖天食左彩虹牌而敏感……..
怪自己
只係好簡單咁上网check下o的資料, 就已經知道, 濕疹係打耐力戰……. 好有可能, 呢一世都唔會好返….
痛, 個心好痛……….
點解痕o個個唔係我?
點解出到成面疹o個個唔係我?
點解人生仔我生仔, 我生到個bb會咁多問題…….
點解………..
(138)
d人真係無聊，根本就唔關我地陀bb時食d乜既，我夠冇飲牛奶啦，依架弘傲出世d人都話佢白問我係未飲牛奶，我一d都冇飲，我夠有飲汽水同茶啦!知道靖天係咩事未得lor，唔好諗太多野啦，依架要做既就係幫佢搽下藥等佢冇咁痕!靖天媽媽,你已經好比心機湊佢架啦，靖天都會明架，你唔好諗太多野啦!
去藥材鋪買幾蚊菊花煲水, 煲完就直接用d水同靖天沖涼, 我d表妹由一出世就開始用菊花水沖涼, 沖咗幾個月, 依家佢地個個皮膚都好好, 大表妹依家成18歲, 皮膚仲好白滑.
傻豬~ 你又要返工又要睇住個細已經好辛苦架啦~你唔好將所有責任都歸自己先得架!!
其實醫生都話有好多個可能性的!! 咁即係其實都有其他因素引起架啦!!
所以你唔好再成日怪自己先得架~~
個個都有眼睇你點樣對你個女架啦~~ 100分既媽媽你都有101分啦!!
護協有隻bb濕疹cream好好呀~~2/F有得賣
叫澳洲趣樂,你試下吖!!
好似特價 $180/2樽
試下每日用d菊花煲水同靖天沖涼, 可以去下濕毒, 好有效嫁! 希望可以望到靖天啦!
多謝報料呀~
我好想試呀, 應該點沖呢?