坐? 唔坐….學行車?!
睇左好多報導同埋research, 似乎反對既聲音係遠遠大過支持既聲音……
可惜我係敵不過靖天婆婆……. 未得我同意之下, 靖天婆婆已經自己攞錢買左架學行車俾靖天….. 仲要買完先話我知…..呢o的咪叫先斬後奏囉…… 
又好唔好彩, 靖天其實長時間都會o係婆婆度, 即係我say 左no, 可能靖天婆婆都會偷偷地放靖天上車……. 為免嘈交, 唯有接受…… 
不過咁…… 見靖天坐完第一次後, 真係好開心, 靖天竟然咁快就識得自己渣住架車…….可惜佢第一架新車, 只係識得入後波, 唔識向前行架喎….. 
真係幾搞笑……..
雖然過癮, 但靖天始終仲細, 對腳夠力, 條腰都未必夠力…… 所以我都叫左靖天婆婆唔好俾佢坐咁耐, 每次坐5分鐘好喇……..咁靖天婆婆都應承左….. 既然應承得我, 咁我唯有信佢啦~~~ 
靖天靖天, 您唔好到時條腰有咩事, 對腳又咩O型左…..就黎怨我呀….. 您找婆婆悔氣啦, kakakakakak!!!
(111)
你媽咪係咪年紀大d架?不過冇計,你俾佢湊都要聽佢話,其實學步車好過學行車,加上你女女仲咁細,真係一陣都唔好坐呀,因為日日5分鐘,對佢條腰仔都好傷~~
4個月就坐學下車會唔會早咗啲呢…?
都係俾佢坐下架咋, 邊會識行丫~~ 郁都係一下半下…….
我唔知我媽咪算唔算年紀大喎…… 咁都係中年架啦!!!!
唔會3-40歲卦………