與靖天抗爭
今朝6點起左身……. target 8點半前可以上返床繼續休息~~~~
諗住早o的起身泵奶, 跟住餵靖天, 然然訓多陣, 計好時間下午就可以出街………
7點搞掂自己, 就暖奶餵佢, 點知衰女包食左4安半就停口…….. 又o係度”咕”…… 仲玩奶!~!!! 
出盡法寶, 又tum又打又鬧, 都唔得………
佢仲出到”訓覺”呢招黎避我………. 
無咁易, 本來累透既我, 誓然佢唔同我KO 枝奶我係唔會休息!!! (因為彩虹牌既關係, 所以我會好著緊佢有無食曬奶, 佢食唔曬, 我就要倒……..)
如是者我由佢訓, 訓一陣又塞佢食……..
一次唔得, 
兩次, 兩次唔得, 三次..………
由7點半一路塞, 塞到9點………
終於佢o係極度無奈同埋無力反抗下 (睡眠狀態), 同我食埋餘下既安半………….
1枝6安既奶, 足足花費左我2個鐘既時間……….
唔係佢天生細粒, 怕佢唔長肉, 我都費事睬佢, 由佢練仙練個夠!!!
靖天, 你好討厭呀!!!!!!
點解唔可以乖乖地食左奶先訓?
點解係要搞咁耐先食? 您唔肚餓架咩?
o的奶真係咁難食咩?
您知唔知媽咪整1枝彩虹牌俾您, 好辛苦架?
您以前都唔係咁既, 點解依家要咁曳?
您… 您係咪想激死我先安樂??????
(265)
我係EDS 個個BB GIRL呀, 我好明白你的感受, 我都係喂媽媽奶的, D媽媽奶真係真係滴滴佳辛苦,有血有汗的!! 我個仔都係咁, 食個5安幾奶好多時都食成個鐘先食晒, 有時食左個3安幾就係度玩BO BO, 用隻手推開個奶樽, 但我勁迫佢食都係唔食, 有時我迫得好太勁佢仲同我嘔番晒出來TIM, 所以現在佢唔肯飲我再唔會點迫佢, 放支奶一邊隔幾個字再喂, 咁佢又肯食番喎, 呵呵!
我諗第日靖天都會有你o既耐力，唔係話佢繼續對抗你，係講佢第日大個咗會成為一個有耐力o既人啫！
哈哈~ 你個女真係好精呀!!
唔知係唔係似足你呢?
我估都係……….. 都係咁乞人憎…… >.
其實會唔會係你太過有壓力,其實bb呢d情況好常見,你咁勞氣係因為個d係你既人奶,但你有冇諗過靖天都好大壓力,佢都要o係你壓力下食哂支奶都好辛苦架!小朋友都有胃口好同唔好既時候,唔好俾太大壓力大家啦,因為你一心想俾最好既奶奶靖天,但調返轉諗你又好似係為左唔好side自己既心血咋喎~~希望你唔好介意,其實而家靖天先咁細你已經咁有壓力俾佢,咁佢一路長大你就越辛苦啦!
你已經係返工唔駛24小時對佢,再俾d耐性啦!以下個位媽咪講得岩,小朋友都有胃口好同唔好既時候架!唔好俾壓力大家啦!!
字裡行間﹐我feel 到你真係好火wor﹗唔好咁﹐小朋友係會feel 到o架。你可以問o下靖天o既家庭醫生﹐get 多個opinion 都好嘛。可能係厭奶期呢﹖or “ou”出牙仔﹖可以係好多原因o架﹐也許並唔係咁大問題呢﹐係咪﹖我都明有時BB 唔聽話﹐係會好難頂好辛苦o架喇﹐所以話做人媽咪甚艱難呢。不過﹐既然生得佢出﹐係自己個寶貝wor﹐幾辛苦都要頂o架喇﹐right! 大家加油啦﹗
其實嬲都係一剎那……… 佢係我個女, 嬲得幾耐……..
嬲完咪又係要繼續餵……?!
佢應該就唔係厭奶, 但係咪出牙….. 有人話係, 有人話唔係囉……
我都有問過e生, 問過姑娘, 個個都話唔食就由佢唔好食…….佢餓自自然會食得多喎…… (但經驗話我知, 佢skip2餐, 第3餐, 都係唔食~~~)
唔好比咁大壓力自己同靖天, 記得breast feed 第1課嗎? Relax & Feed On Demand. 靖天is a wise Baby, she knows how much she needs.
呢位媽咪, 除左因為係彩虹牌之外, 如果你既小朋友, 由日食30安奶, 跌到依家食20安奶, 難道你不會有半點擔心麼?
呢位讀者, 唔好講到我要返工唔洗24小時對住佢, 就要俾耐性佢, 我都好想24小時對住佢唔洗做!!!!!!!!!
如果佢胃口有好既時候, 當然無問題, 但佢長期胃口都唔好, 就好大問題!!!!
我估你都係無小朋友, 所以你又點會明白, 做父母既憂心丫?!
我明白……… 多謝你啊
你好呀…………..
我都想佢有耐力…….不過唔好有耐力同我…… 鬥嘴鬥氣囉……. xdxdxdxd